احفظ كرامة غلاك ولاتناظرني

[هيبة ملكه]

احفظ كرامة غلاك ولاتناظرني

واضـــح كلامــي وأدري فيك فاهمني
لا عاد تنشـــــــد على قلبـــي وأفعـاله


أرجوك كافي دخيلك روح وفارقنــي
حيران قلبي معاك... وحالته حالــــة



ما كان له داعي تحرجـني وتلاحقـني
داريت حبل الوصل وإنقطعت حبالــه


لا قلت لك ( لأ ) يعني لا تناقشنـــي
أنـا آخر إنسان يتراجع عن أقوالــه


إحفظ كرامة غلاك ولا تناظــــرني
لو صار قلبك ذهب ما أقبل وصـاله


صبرت ياما وكان الصبر جارحني
أضحك وعيني تصب الدمع همـّاله


ناديت وغير الصدى ما أظن سامعني
عانيت لجلك ... وقلبك مو على باله


والحين لما نسيتك قلت : واحشني !!
تســأل عن أخبـار قلبي وآخر أعماله


لا والله طيّب وفيك الخير .. فاقـــدني
تعـّبت نفسك وقلبك تـارك أشغـــــاله


لا تحلــف إني على بالك وذاكــــرني
الحب صعبة .. على قلبــك وأمثـــاله


وإن كـان فعلا ً بوجهك دم ... فارقني
ولا تقول صدفة لقيتك هذي مو حـالة



/

انشااااالله تعجبكم حبااايبي

[سمو المشاعر]

نص رااااااااااائع
وبدايه جميله لعضوه جديده اتمنى أن أشاهدها أحدى نجمات فوضى

لك ودي

[آهــات طــفلهـ]

راقت لي قراتهـ

ابدعتي خيتوووووو

تسلم الايادي

ودي ووردي لروحكـ

ودااام لنا طرحك ..

[احـلى عـآلم..]

سعدت هنا
بالقراءه بتلك الصفحه
موفقه بأذن الله

[خطاك دمر غلاك]

كلماتك كعقد اللولو مترابطه بعضها ببعض
وشفافه كاشعة الشمس تدخل القب وتابى ان تخرج
دون لمس جروحي اللي تزداد يوم بعد يوم
سلمت اناملك يالغلا على الطرح الذوق
والله لايحرمنا جديدك