رحله وسط جنون الروح في مدونتي

[امير الجنون]

لك غلا في داخلي عدى وفاض
ولك محبه مافي قلبي بعدها

الهوى والشوق وورود الفياض
كلهم صاروا معي عشاقـها

[امير الجنون]

أنا من وين مااسافر من احزاني تجد احزان
وأظل أركض مثل ضحكة غريب ودمعة مسافر

تعبت أهرب من الذكرى لها كل البشر عنوان
تجيني بالوجوه أهرب ولا اهرب دامها الناظر

[امير الجنون]

تعبت أهرب من الذكرى لها كل البشر عنوان
تجيني بالوجوه أهرب ولا اهرب دامها الناظر

واناديلك وانا بآخر ليالي بآخر الأوطان
أصارع غربتي بين الخفوق وعزة مكابر

[امير الجنون]

ها

انا عدت اليك مدونتي


احمل شوقي

كامتعتي

ولي معك

ومعك سيطول الكلام

[امير الجنون]

محتاج لكن ماني بـ حاجة فلوس
محتاج للي يحفظ الحب والود

فلوس تتناثر وتتغير نفوس
ويا الله عسآني ما تغير على حد

آهدتني الدنيا تعاليم ودروس
وقالت لي ان الجزر ما يشبه المد

وان الكرم في النفس هو شي مغروس
ولا للبخل حد ولا للعطا حد

الآسئله تطرح على عقول في روس
والمشكله ما فيه عقل يبي يرد

الخد ما عمره جرح خاطر الموس
والموس ما يرحم إذا جرّح الخد

تعبت من الوقفه ومحتاج لجلوس
فارقت لي ضد وقابلت لي ضد

محتاج لي سهم ومحتاج لي قوس
عشان اتفاهم مع الناس من جد

[امير الجنون]

الله يكون بـ عون قلبٍ تحرّاك
من غيبتك شبّ التعب في خفوقه

إستسهلتني كل دمعه بـ فرقاك
وعذبت شعرٍ ما جفتني طروقه

أسهر على ذكراك واصحى بـ ذكراك
ونخيل حزني مايلاتٍ عذوقه

[امير الجنون]

يشهد الله إن حبك سكن وسط الفؤاد
وإن عيني لك بكت ما بكت قبلك لحد

قد جرى حبك بمجرى دمي واليوم زاد
لين صار الدّم لولاك بعروقي جمد

إن بغيت أبعد لجل صالحك نبقى بعاد
كنّي أنزع راية الروح من صلب الجسد

ما رضي قلبي بغيرك ولا هو عنك حاد
كلما آروضه عما سوى حبك مرد

إن ذكرتك هزّ قلبي كما قدح الزناد
وإن طرى طاريك جسمي تراجف وارتعد

وش بعد لاهب حنيني لعذبات الوداد
وش بعد لوعات بعدك قلي لي وش بعد

ما فُرض بالغصب حبك ولاجيته عناد
أعتنقته حرّ ورضيت ولفه للأبد

أشهد إنه يغني الروح عن ماءٍ وزاد
وأشهد إنه هو دواء علةٍ وسط الكبد

وأشهد إنه غيث قلبي ولجروحي ضماد
وأشهد إنه تاج للرأس ولظهري سند

لكن والله عيشتي بين نارينٍ وقاد
نار حبي لك وخوفي تعيشي في نكد