قصه واقعيه عن الخيانه

**مطعون بسهام الغدر** · 22-10-2010, 06:57 PM

بسم الله الرحمن الرحيم
قصه واقعية عن الخيانه تقطع القلب :

طالبه بكليه التربيه بااحدي مناطق المملكه في شهور حملها الاخير
المراه تستعير جوال زميلتها لتتصل بزوجها الموضف لياتي بنقلها للمستشفي
لشعورها با الالم الطلق والولاده
مها: محمدالله يخليك تعال بسرعه بطني يتقطع من الالم ودني دكتور والاشف لي حل
محمد : يابنت الحلال انا مشغول اللحين عندي اجتماع ضروري والله ما اقدر اطلع
من الدوام حاولي تصبرين او اوتمرين عياده الكليه كلها ثلاث ساعات واجيك
مها : يا ابن الحلال اقولك تعبانه تقولي اجتماع ؟؟
محمد : ثلاث مرات اجي اخذك ويطلع مافيه ولاده ولا شي00
اكيد كا العاده ماراح اتاخر عليك اخلص اجتماعي واجي 00 والله يرحم والديك
لا تشغليني كلمه وحده وانتهينا00 قفل الجوال00
وحده من زميلاتها قالت يامها 00 شكلك مره تعبانه
مها شكلي ابتصل علي ليموزين ولا اي احد يوديني
الزميله :انا عندي حل 00 بس ما ادري توافقين عليه ولا لا انا خويي بيجي ياخذني من الكليه ابطلع معاه الي قبل نهايه الدوام 000 ومثل ماتعرفين ماراح يطلعوني بس اذا انتي تعبانه منها نوديك للمستشفي ومنها اخذك عذر واطلع
معه 00 هاه وش رايك ؟؟
مها :يابنت الحلال مو مشكله المهم اوصل المستشفي انا حاسه اني ابموت
الله يخليك بسرعه خلييه يجي 00 تتصل زميله مها بخويها
((خلاص تعال اللحين بلاش بعد ساعه اللحين ضروري بسرعه تعال بتلاقاني
انتضرك برا يلله باااي ))
تتجه مها وهذه الزميله الي المشرفه يشرحون لها الوضع وان اخو مها سوف ينقل المريضه الي المستشفي 00
وامام حاله مها المترديه تسمح بان تاذن لها
تخرج مها مع زميلتها ينتضروون هذا الشاب ليوصلهم للمستشفي
وبعدها يذهب مع هذه الفتاه 00
وتري مها امامها الصاعقه00
خوي الفتاة ماهو الازوج مها اللذي ترك زوجته في عز حاجتها له ليمارس الخيانه
لا يوجد بعد هذه الصدمه تعليق
تخيلو هذه المسكينه ؟؟
وهي ترا زوجها يخونها 00 بحجه اجتماع وهي في حاله ولاده 00

كـــــان الله بعون المسكينه مها

وهذه من أقوى قصائد الخيانه:

لا ردك الله لا ولا اطـلـب تـرديـن ......ادعــي علـيـك بعـثـرة فـــي صـلاتــي

عثـره تشلـك مــا بعـدهـا تقومـيـن ......يــا قاتلتـنـي يــوم صـرتـي حيـاتـي

خــدان لــك بالقـلـب كـانـت بساتـيـن ......وريـضـان وغصـونـا بـهـا يانـعـاتـي

كنـتـي مـنـاة القـلـب والــروح والعـيـن ....والـيـوم عيـنـك يعلـهـا مــا تبـاتـي

كنت أحسبـك للعهـد والحـب توفيـن ..قلتـي الغـدر بالحـب ماهـي بسواتـي

وحلفـتـي يمـيـن الله مــا مـنـك اثنتيـن.......وانـك مــلاك دون كــل البنـاتـي

وانك علـى عهـد المـودة تسيريـن ....ولا تسمعيـن أهـل الحسـد والوشاتـي

وصـار اليميـن ستـار خلفـه تواريـن .......ورمـاح غــدرك بالخـفـا مشرعـاتـي

وبـان الغـدر سـم جـرى بالشراييـن ......الله عسـى يسقيـك سـم الفعـاتـي

كلـي سقيتـك حـب واليـوم تنسين........تقوليـن حـلـم ايــام والـيـوم فـاتـي

خذتـي الهـوى لعبـه علـى مـا تحبيـن ......ليـن عصفـت بالهـوى عاصفـاتـي

مـن زينـك يـا بنـت بالشعـر تزييـن ............ مـن صــورك بابيـاتـه الطايـلاتـي

انا من غرامي قلت كانك تذكرين ...... قلـت الخجـل صـاب البـدر مـن مناتـي

وصرتي بشعري في العذاري تباهين.تقولين انا شمس العصـر فـي حلاتـي

زينتـك بشعـري ولا غربـك الزيـن ..........مـا زانتـك صبغـات حـمـر الشفـاتـي

صورتك بالشعـر حـزام ورياحيـن .......واثـرك هضـاب وشـوك مـا بـه هداتـي

رسمتـك سحابـه خيـر قطـر تنفيـن .........فـزت لـك الصحـراء زهـور ونباتـي

رسمتك مهـاه للجميلـه تقوديـن .............واثـرك قطيعـه وضيعتهـا الرعاتـي

واثرك غراب يوم سدل الجناحين ......كنت احسب انـي شايـف لـي قطاتـي

بالشعـر غليتـك علـى كـل غالييـن ...........واثـرك دنيـه وتعشقيـن الدنـاتـي

وبالشعر عاتبتك عتـاب المحبيـن .........انـا مـن يسـوم الـروح لـك يـا غناتـي

توسلت لك خايف على حب عامين .......عاميـن لكـن فـي حسابـي مئاتـي

ناديت لكن لي ابد ما تسمعيـن ...........عمـري وروحـي فكـري فـي ثباتـي

حذراك للشينات عمري تماشيـن ............عديمـات اصـل اخلاقهـن دانياتـي

غاب الولي عنهن ولعبن بحبلين ................يا خـس واليهـن وخـس الولاتـي

ما همهن في الناس زين ولا شين ...........وقلوبهن من حقدهن مظلماتـي

وقلتي وربك لو يكونـا ملاييـن ..............مـا غيـرن بالطباعهـن مـن سماتـي

تحسبيـن انـك بالمهافـه ترقيـن .................كيـف الصعـود يكـون للهاوياتـي

وخنتي وبعتي كل عهـد واياميـن ............مـا عـاد يفـرق بيـن ماضـي واتـي

وصرتي مثل غيرك برخص تبيعين .........يا مرخصتنـي مـا بقـى لـك غلاتـي

صبري نفـذ واليـوم ثـارت براكيـن .............مظلـوم انـا وباكـر تحـل ادعواتـي

سمعي عسى من بعدها ما تسمعين ...سمعي دعا من صار قلبه حصاتي

ادعي عسى من ناضرك ما تشوفين ......وتطحن بك الايـام طحـن الرحاتـي

وعساك عوق منه ما عاد تبرين ..............عوق تشافق لـه قلـوب العداتـي

ويالله عسى يحتار فيـك المداويـن ...........تبيـن الممـات ولا يجيـك المماتـي

ويالله عسى كف الندامه تعضين ..............تندمين يـوم انـه يفـوت الفواتـي

وتبكين دم يسيل من مقلة العين .............وتحتـار امـك عـن عنـاك وتحاتـي

عسى ما تلاقي من له القلب تهدين .....وان حصل ادعي عسـاك الشتاتـي

يا بلوة اللي وسط بيته تعيشين ..........ساهي وحوله شب جمـر الغضاتـي

عسى بعمرك ساعه ما تهنين ..............وتمضي حياتك بين هـم وشقاتـي

يا بنت قلبي وين مثله تلاقين .................قلبا عطـاك الحـب مـا قـال هاتـي

جيتك وروحي شلتها لك بكفيـن ............وفـي التاليـه رمـح الخيانـه جزاتـي

يالله عساك النار يـا أم وجهيـن ................كلـه انكشـف لا مـا تفيـد العباتـي

ويالله عسى تلبسك جن وشياطين .....وتكونين مدعـاة الحكـي والشماتـي

يــا حـيـة رقـطـا تـقــود الثعـابـيـن .........بـاكــر تـحــن ايـامــك المعتـمـاتـي

وباكر على فعلك بمثله تجازين ..............ظلم المشاعر مـا تحكمـه قضاتـي

بيني وبينك تحكم ايام وسنين ............وانـا شاهـدي قلبـا مـن الغـدر ماتـي

ويا دمعة التمسـاح لالا تذرفيـن .................العيـون رغـم ادموعهـا كاذباتـي

لا ما عرفتي الحب لا ما تحسين .............وغدرك تعـدى غـدر ذيـب الفلاتـي

الذيب يعوي قبل يغدر بمسكين ........وانتـي غدرتـي خافقـي فـي سباتـي

لـو كـان غـدرك فـي كفـوف الموازيـن ......لـكـان رجــح كــل غــدر البنـاتـي

انتي السبب سقتي على القلب .......جرحين غدر الغرام وموجع الذكرياتـي

وانتي السبب واليوم لالا تلومين ....... وان جاك باكـر شوفـي اشلـون يأتـي

والله لاكتب وافضحك في دواوين .........وارقـص واغنـي يـوم خبـر الوفاتـي

وارسم لاهل العشق قلبا وسهمين ............وقصة خيانه مـا روتهـا الرواتـي

ويمين لانشر فوق اسمك عناوين ........واشهرك من قاصي اليمن للفراتـي

ومـن غـرب هالدنيـا الـى قاصـي الصيـن .....ديـوان غـدر فيـه كـل اللغـاتـي

والبادي اظلم سنة العيـن بالعيـن .............والا فـذي لا عادتـي ولا صفاتـي