طوُل غيآب الي له القلب ملهوُف ! [ إياد المريسي ] ~

[مومهم اسمي]

طول غياب الي له القلب ملهوف

والشوق ظالم ماعرف يوم رئفه

الجسم ناحل حيل والون مخطوف

مدري علامه طول ارحال عطفه

امراض دنيانا لها طب معروف

مافادني طب ٍ ولا (1000) وصفه

خلاني لاسمع ولاحس ولاشوف

عايش بنصف انسان مذبوح نصفه

لا والذي ماله بهالكون موصوف

حوا جمال الكون والتاج عفه

ماتوصفه اقلام بيات وحروف

( احيه ) ياوجدي على ذيك شفه

محروم من لاشاف خلي ومتلوف

والله مايغمض من ال( آآه ) طرفه

بيده لمحت اليل والصبح ملفوف

ذيك الانامل كيف بالشال لفه

كل ٍ يقول اليل والفرق بالشوف

في ذمتي شفته على اطراف كتفه

كذاب من قال ان حكي الصوت مألوف

غير البشر ياناس صوته وحرفه

صوته يلوف القلب ويلوف ويلوف

خلاني مركب لاشراع ودفه

باقولها من غير رهبه ولاخوف

والله يستر واسأل الله لطفه

لا(ريم) لا(حصة) ولا(مي) او(نوف)

(هتان) (ريميه) مع اشعار (وطفه)

والله لو للحسن ميزان وكفوف

كل البشر في كف و ( ****** ) بكفه

قسم حنايا القلب ادراج ورفوف

ورتب هيامي ولوعتي فوق رفه

ياناس ياعالم ياهوه ملهوف

والشق ظالم واقف ٍ دوم صفه

منهو يقول لصاحبي ليه مايروف

( اياد ) من شوقه دنا اليوم حتفه

قالوا يموت الورد لي صار اليوم مقطوف

وانا حبيبي الورد يحي بكفه


مما راق لي

[بنت المدينهـ|~]

بوح رائع

تسلم يمينك ع النقل المميز

تحيتي العطره

[مومهم اسمي]

الاروع وجودك ياقلبي في متصفحي
ودمتي ياالغلا لمن تحبين
والف شكر لك