صـــافــي يـالـبـن

**سمو المشاعر** · 22-09-2010, 03:47 PM

عضو متميز و شاطر وماعليه كلام
بس أحس إنه قوي والقوي الله
غامض و مـ ......!!
بلاش نحش في هالآدمي!
هواياته : المراسله / القراءه /
جمع الطوابع / السباحه
الرمايه / ركوب الخيل / البولينق!
نبذهـ عن حياته يقول فيها :
فكوني من شركم
ترى لو أنتو شريرين
في أحد أشرّر منكم!

••

لبى قلبه الصافي أنا
يقولون أنه عسل عسل
لولا هالفهاوه والدلاخه اللي طاقته
مدري من وين جابها ؟!
بس أحس أن شخصيته مش ولا بد
و تصرفاته طايشة و جــ.....!
بلاش نحش في هالآدمي !
هواياته : فنيه /شاعر / رسام
يجمع علب البيبسي ههههه
نبذهـ عن حياته يقول فيها :
عايش سني وبأغني
وبحب الحياهـ
أنا طبعي كدا وحياتي كدا

••

نقدر نقول " ما " وافق شن طبقة ؟
كل من شافهم يقول
" سبحان من جمعكم مع بعض!
مدري ليه يقولون أنهم أصدقاء
" بالحيل بالحيل " مع إنهم إلى الآن
عجزوا يتفقون على شيء واحد طول حياتهم !
بس سبحان الله ! أصدقاء !
قدّر الله وسجل واحد منهم بمنتدى ما
في يوم من الأيام
وبما أنهم أصدقاء" بالحيل بالحيل "
قال للثاني يسجل معاه
و من يومها واحد يشجع الثاني عشان
يزيدون تفاعلهم بها المنتدى

••

العضو 1 :
العضو 2 ألحق ترى أكتشفت
أن كل مازدت من الأرقام
اللي عند كلمة الـ " مشاركات "
يعني أنك بتصير أقوى
العضو 2:
ماشاء الله عليك مسوي فيها فاهم يالأخو!
هذا وأنت أكبر مني بـ 5 أيام وكذا تفكيرك ؟
أجل ما أعتب علي !
أنا أقول كل مازدت
من طول توقيعك بتكون أقوى
العضو 1
طالع هذاك المشرف كيف التنسيق حق ردودهـ !
الألوان اللي فيها خطيرة ولا الخط !
كلام ثاني
لا لا باين من ردودهـ أنه رزهـ !
العضو 2
طل على ملف ( فلان) توني ألقى موضوع
له يموت من الضحك !
ليش أنا ما أقدر أسوي زيه !
العضو 1
لا ياغبي ! لاتفتح ملفات الناس !
ترى لو شافك المودير ولا المشرف العام بيدري
أنك ملقوف وماعندك سالفة !
العضو 2
لا ما أعتقد أحد يقدر يشوفني
العضو 1
إلا أحس إن الملونين يقدرون يشوفون كل شيء
مدري متى بتصير تفكر بشكل عميق مثلي ؟
العضو 2
أنا أفكر أعمق منك
أبي أصير ملون !
العضو 1
أجل تفتح ملفات الناس الشخصيه ؟
وتبي تصير ملون !
عسى بس مافتح ملفي الشخصي
بعد ياويلك!
ترى أنا ما أحب أحد
يتدخل في حياتي الخاصه وكذا
العضو 2
وش أبي بملفك !
كل مواضيعك مخيسه !
أجل كاتب موضوع عن اش سويت
يوم طردك أبوك من البيت
واحنا أش دخلنا نعرف اش سويت
العضو 1
شدراك؟
أسكت بس ، مايتكلم إلا الغيران !
يكفيني إنه رد عليه واحد ووحده ملونين يعني واصلين
العضو 2
عسى ماكان رده ينقل للقسم المناسب ؟
العضو 1
شقصدك تشكك بقدراتي الكتابية ؟
العضو 2
أنا ماقلت كذا
أنت اللي قلت هالشيء مو أنا

••

وعلى هالمنوال*
من أول ما سجلوا
و هـ المكان والناس اللي فيه
صار شغلهم الشاغل
توهم جدد ومانشرهـ عليهم
في كل يوم يمر كانوا يتعلمون شيء جديد
ويستفيدون ومع الوقت
العضو 1حفظ أسماء أغلب الأعضاء
وتعرف على محتوى أغلب الأقسام
العضو 2 للآن يلخبط
بين قسم الإستراحه والحوار الجاد
بعد مدهـ بدت علاقتهم تتوتر بشكل ملحوظ
يقولون أن قاعد تتكرر معهم مواقف كثيره صارت
تأثر فيهم وبينهم وبين منتداهم
حاولت أتحرى السالفه
وأعرف إيش المواقف اللي يقصدونها
و الأسباب اللي خلتهم كذا
المهم أني قدرت أعرف اللي صاير
من مصادر خاصة وموثوقه >> مايمديني يا الـ أف بي آي

••

_ 1 _
العضو 2
يالعضو 1 طالع هالرد إقراه بسرعه :
اقتباس:
أنا أصلا أكره هالأدمي
ماتحس إنه يقصد أحد ؟
العضو 1
إلا يقصدني وربي
مين اللي كتب هالرد ؟ ووين ؟
وش مسوي له عشان يكرهني كل هالكره!
العضو 2
أصلا أنا " أحس يكرهـ كل الناس !
العضو 1
صدق ؟
العضو 2
مدري مدري أستغفر الله أخاف نظلمه..
بس باين من صورته الشخصيه إنه حقودي !
العضو 1

يعني ما أصير أكلمه مره ثانيه
؟
العضو 2
إي أحسن
أبعد عن الشر وغني له ياخي
العضو 1
لا مارح أعدّيها له أنا أوريه والأيام بيننا
أجل يكرهني وأنا ما أكرهه !
العضو 2
إيه لازم تعامل الناس مثل مايعاملونك
-2 -
العضو 2
ياحليله مشرفنا روعة النسيان!
- روعة !! هذاك المشرف! -
" أحسـ " ـه مره شاطر وحبوب
وما يبغى يزعل أحد منه
العضو 1
لاتجيب طاريه تكفى
لا تقول ياحليله !
مالت عليه
العضو 2
أوف ليه ؟ وش مسوي ؟
العضو 1
تخيل كل مانزلت رد حذفه
كل مانزلت رد حذفه !
" أحس " مسوي فيها مستقوي وعنده إشراف
العضو 2
لهالدرجة ظالم ؟
لاعاد ماكنت أتوقع إنه كذا
العضو 1
إيه ، حتى " أحس " أنه مستّقعد للأعضاء
ماغير يحذف بمواضيعهم وبردودهم هالمساكين
العضو 2
حسبي الله عليه
إذا هو مستقعد لنا حنا بعد نستقعد له
- 3 -
العضو 1
المشرفه حقت القسم اللي أحبه
تركت الإشراف
العضو 2
لا قهر !
العضو 1
تتوقع وش السبب ؟
العضو 2
" أحس" إن في أحد مزعلها !
تتوقع زعلانه من الإدارة وإلا من عضو معين ؟
العضو 1
لا لا ما أعتقد
العضو 2
إلا أنا " أشك " إن هذا اللي صار لها
أصلا كل لما مشرف يترك إعرف أنه
متضارب مع أحد ، أو أحد مزعله
العضو 1
أجل شكلها الإداره هي السبب
العضو 2
إيه " أحس " كذا
حالــة الـ " شكــشكـة " :
حالة متأزّمـة ..
تجي للناس بشكل يفوق الوصف
متى تحدث ؟ :تحدث لما تصير الأحاسيس
و الشكوك تتحكم في تعاملات الناس مع بعضها !
في هذي الحاله يصيرون الناس " يشكشكون "
أسبابها :
لم يعرف سببها الفعلي إلا الآن
في ناس تقول أن سببها هو التفكير
بشكل سلبي في كل الأمور
هذه الحاله صنفت من أشد الحالات
اللي تخلي الشخص حاد الطباع
في التعامل مع غيرهـ
للأسف منتشره بكثره
وبشكل يلفت الأنظار
لها آثار مدمره
كل مازادت حالة الـ " شكشكة "
زادت هالآثار قوة ..
العلاج :
- التخفيف من كلمتين " أحس " ، " أشك "
- تصفية النية عند الحكم على الآخرين
- النظرة الإيجابية الدائمة في جميع تعاملاتنا مع الناس
نصائح وقائية :
- مو كل شيء ينقال يتصدق
- لو واجهتي أختي العضوة وأخي العضو أناس أمثال العضو 1 و العضو 2
من ناحية التفكير طنشوهم
نكمل مابدأنا به
الـ " شكشكة " غالباً تبدأ بيننا وبين نفسنا
نصير نهوجس باللي حولنا كالآتي :
أحس فلان يقصدني بكل مواضيعه*
أحس فلان يكرهـ فلان*
أحس فلانه تكرهني*
أحس فلان متكبر*
أحس .. وأحس ..وأحس*
تستمر هالـ " شكشكة " لين تتطور
ويصير الشخص مايتقبل تصرفات اللي حوله بمجرد أنه
( حس )بأن غيرهـ يتقصدهـ ولا يكرهه .. إلخ ..
مع الوقت تبدأ تطلع آثار الـ " شكشكة "
وهي التخاصم ، والتعامل الحاد بيننا وبين بعض مثال :
حسيت إنه يتقصدني أنا أوريه !
حسيت إنه يكرهني بأكرهه
حسيت إنه* بــــ *
وبالتالي تصير بيننا مشاكل سببها :
أبد ولا شيء !
شكشكنا في البداية شوي وبس
لما نبني تصرفاتنا مع حولنا على أساس الـ " شكشكة "
فـ هذا غلط بحقنا وبحق الآخرين

••

معاً لـ :
نتقبل الآخرين / نكون مرنين / متسامحين
-*نمسكها وحدهـ وحدهـ* -
نتقبل الآخرين :
هو أننا نبني علاقاتنا وتعاملاتنا
معهم بشكل إيجابي
ونتقبل وجهات نظرهم بسعة صدر
من أهم الأسباب اللي ماتخلينا نتقبل غيرنا هو :
التكبّر*
مثال :
( مين هو عشان يتجرأ يرد رد مخالف لرأيي ! )
( هالعضو ماصارله أسبوع ومسويلي فيها
أقوى واحد هذا اللي ناقصني ! ) إلخ ..
إذا نبي نكسب اللي حولنا
فـ هذا التفكير لازم نتحاشاهـ*
طيب والحل!!
نكون مرنين :
مأخوذه من مصطلح أسمه ( المرونة )
لما نقول أن المطاط مرن
فهذا يعني أنه يتشكل بسهولة
ولما ينضغط من أي جهه
يتحمل هذا الضغط بشكل سلسل>> لا عاد تضرب أمثلة
المرونه في التعامل تحتاج لـ مجهود + صفاء نية + صبر
مانقابل الإساءة بالإساءة نحاول نقابلها بإحسان
باقي الـ تسامح :
غلطنا بحق غيرنا كثيييييييييير*
وغيرنا غلط بحقنا كثيييييييييير*
مافي أحد مايغلط ..
بس ماينفع نبقى على الغلط
لازم نسامح بعض
ونغفر زلاّت وأخطاء بعض !

وأناأقول صافي يالبن بـــ أعضاء المنتدى الغالي

**اميرهـ بأخلاقي** · 22-09-2010, 04:42 PM

طـــــرح راااائــــــــــع تشكر عليه

يعطيك العافيه تقبل مروري

**فــــراشــــة** · 22-09-2010, 04:45 PM

[align=center]
حليب يآقشطه ههههههه

موضوعك آكثررررر من رآئــع .. وجداً مهم وحآاصل كتير للأسف

معاً لـ :
نتقبل الآخرين / نكون مرنين / متسامحين

الله يعطيك العآافيه
[/align]

**نوف الجهني** · 22-09-2010, 04:53 PM

رآق لي

كُن بخير

**حنين الشوق** · 22-09-2010, 06:12 PM

صدقت هذا حاااال كثير

من الاعضاء على المنتديات

مافي أحد مايغلط ..

واكبر غلط يوم نكابر ونقول ماغلطنا

ومن منبر سمو

اعتذر لكل شخص غلطة بحقه

ودي واحترامي
لك سمو