وينك يالفرج

[مستر بن]

يوم ضاقت ..
قلت وينك يالفرج ..؟
قال : جيت ..
وشفت حولك ألف صاحب ..
وخفت أسبب لك حرج !!

إرتكيت ..
بس وين اللي يشيل الحِمل وينه ..
وين ذاك اللي ذخرته للظما قطرات .. وينه ؟
وين أبو الفزعات عني ..
ما قدرت ألقاه وينه ؟
من لمحني فوق كفّ الموج .. فضّ
كسَّر ألواح الرجا بيني وبينه !!

حزّ نفسي ..
غصّ في حلقي .. ورضّ
كل ضلعٍ لي معاه .. وغضّ عينه !!
يحسب إني مِتّ همّ ..
ولا درى إني حيّ لكن ..
مِتّ من خنقة يدينه !!

يالفرج ..
صاحبي ما شفت زوله ..
من فقدته فيوم شِدَّه ..
بس لو جاني على قلعة عيوني ..
حالف إني ما أردَّه ..
والمودَّه يالفرج .. هيِّ المودَّه ..
صاحبي .. مالي بصدَّه ..
صاحبي .. روحي عرينه ..
ولو نصاني والنواصي عشب قبري ..
والله إني غصب لآحيا .. ثم أعينه !!

إرتكيت ..
وطحت ..
والجلمود .. ناخ .
آه يا كذب الليالي البيض ..
آه يا ظلم السباخ ..
من مشاها ولا وراه زنود تبري الكبد .. داخ .
يا كثر ما خيِّبتّ .. ظنّ اللبيب ..
ويا كثر ما غيِّبتّ .. وجهٍ قريب ..
ويا كثر ما شاف منها ..
صافي النيَّه .. وشاخ .

إرتكيت ..
و أثر ظِلِّي ما يمون ..
و أثرني كومة طعون ..
من غلاة أصحابها ..
ما قدرت أقول : آآآآخ .

لي مبادي ..
وصاحبي .. لوجار منه الجور .. عادي
وصاحبي .. لو هو قتل ذكراي .. عادي
وصاحبي .. لو هو بِخل بِرضاي .. عادي
وصاحبي ..
يبقى العزيز الناصع اللي له ودادي

ودام أنا ستره وثوبه ..
صاحبي .. ما أقول : عنه أبداً ، وتوبه ..
يا هلا به ..
وبعيوبه ..
وبذنوبه ..
يا هلا .
إن وصلني .. ياهلا .
وإن قطعني .. يا هلا .
صاحبي وإلا فلا .
والغلا نعمة كريم ..
وساقها لكلّ الملا .

ويالفرج .. حاول تحبّ .
دام لآهل الأرض ربّ .
ولو تشوف .. أصحاب واجد حول قلبي ..
لا تعاندّ .
السواعدّ من سراب !
والحصايدّ من يَـباب !
والشِعرّ .. كذَّاب !

خلّ فِتَّال الشوارب .. عن يمينك ..
ولا تخاف من الحرج .. لو قيل وينك ؟
كلّهم مثلي تراهم .. باالنهاية ..
طالبينك .. طالبينك
طالبينك .. يالفرج !!
ويوم ضاقت ..
قلت وينك يالفرج ؟
قال : جيت ..
وشفت حولك ألف صاحب ..
وخفت أسبب لك حرج .








كلمات : د. صالح الشادي

:81:

[آهــات طــفلهـ]

طرح رائع يسموو بذائقه راقيه
راق لي ماطرحت هنا
لاخلا ولاعـدم
بإنتظار جديدك المميز

[مستر بن]

[align=center]
هذا من ذوقك

يعطيك العافية

سعدت بمرورك
[/align]

[بنت المدينهـ|~]

سلمت لنآ أنآملك وَ سلم لنآ إبدآعك وَ ذووقك



ننتظر جديدك بـ شووق



دمت بـ سعآدهـ غآآمرهـ


.

[00.00.01]

سيدالقلم ..

حس وذووووق بالاختيار رائع ..

كلمات لها وقع كبير بالنفس .. احسنت الاختيار . لا عدمتك ولا عدمت تواجدك كنجم بسماي ..

يعطيك العافية

[مستر بن]

[align=center]
يعطيكم العافية

سررت بتواجدكم
[/align]

[بنت ابوها]

يالبييييييييهـ ياخوختي
جعلــــــها ياااااارب ماتضيق فيهـ ثانيــــــهـ
تسلم يدينك
كلمات في قمهـ الروعهـ

[~عيون خجلى~]

ابياااااااااات قي قمة الجمااال

يعطيكـ العافيهـ

[مطعون بسهام الغدر]

إرتكيت ..
و أثر ظِلِّي ما يمون ..
و أثرني كومة طعون ..
من غلاة أصحابها ..
ما قدرت أقول : آآآآخ



يعطيك الف عاافيه خيوووو

طرح مميز من شخص مميز لالاتحرمناا جديدك

[مستر بن]

[align=center]
يعطيكم العافية

أسعدني تواجدكم
[/align]