تكـونِ البنتٌ { لآبن العـمْ .. ورغبآت الكبـ‘ـآر تصيـٍر~

**آهــات طــفلهـ** · 16-09-2010, 07:08 AM

دعَتْني وجيت للموعد وكنت مْن الفرح كالطيـر
وجيت من العصر طاير مع أن الموعد ـآالمغرٍب

وجتني بس مدري ليه شعرت الجيّة هذي غيـر
وهي تقرب من عيوني شعرت أن الممات أقرب

وقلت الله يهوّنها عسى فـي جيّتـك لـي خيـر
أنا من شفتك أقبلتي وأنـا خايـف ومستغـرب

على كثر الحكي مـدري كأنّـه خانهـا التعبيـر
وقالت لي جُمل وأشيـاء لا تكتـب ولا تعـرب

هدت فجأة تطالعني وأنا فـي حاجـة التفسيـر
لجل نحكي بهدوء أكثر سألت: الحلوة وش تشرب

فصاحت بي أنا أحبك ولك في هالحشـا تقديـر
وتدري أن المثل فينا وفـي إحساسنـا يُضـرب

وكنت أنت الوفي وأنت البري من تهمة التقصير
ولكن ذي عوايدهم مـن أيـام وزمـن يثرٍب

تكون البنت لأبن العم ورغبات الكبـار تصيـر
وتدري الأقربون أولى .. مع أنك للخفوق أقرب

وتدري للقدر كلمـة.. لعـادات الأهـل تأثيـر
لذا أرجوك تتركني وأنا مـن واقعـك باهـرب

شعرت بحكيها كنّه قصـاص وأمـر بالتعزيـر
شعرت الدنيا ضاقت بي من المشرق ليا المغرب

مشت خلّت وراها طفل ما يـدرك وش التدبيـر
يحسب أن الغرام أشعار شاعر وأغنية مطرٍب

ضحكت وماقدرت أني ألاقي لضحكتـي تبريـر
من اللي بوقتنا مرّه ضحك من لدغـة العقـرب

رفضت أستوعب اللي صار ولا أستسلمت للتغيير
ثمان سنين اجي نفس المكان بساعـة المغـرب

ورغم أن الثمان سنين جـروح وكلّفتنـي كثيـر
أنا لليوم أجي وأدعي.. تجي يارب .. تجي يآرب

**بنت المدينهـ|~** · 17-09-2010, 01:09 AM

ألِف شكرٍ لِك عّلِى آلِقصيًدِه آلِحلِوَه

رٍبيً يًعّطيًك آلِعّآفيًه

لآ ننحرٍم من هآلِنقلِ

وَدِيً لِك

**هيمه** · 17-09-2010, 02:57 AM

فوق هذا الحب أحبك وبعد أكثر كثير..
يالي تدري إن قربك أنا أحتاجه كثير..
يمكن أكثر من غلا روحي لروحي..
وأنت من نساني بالدنيا جروحي..
ونساني نفسي وخلاني أحبه..
هو صحيح إني قدرت أوصلك..
لكن ماني عارف وين أباوصل بالمحبه..
لقيت بك عمري الي ضاع..

**мżσση** · 17-09-2010, 03:12 AM

مشت خلّت وراها طفل ما يـدرك وش التدبيـر
يحسب أن الغرام أشعار شاعر وأغنية مطرٍب

ضحكت وماقدرت أني ألاقي لضحكتـي تبريـر
من اللي بوقتنا مرّه ضحك من لدغـة العقـرب

فالصميم غاليتي

قصيده مرا مرا عجبتني

مودتي
004