أيميلات غثيثه..

[мżσση]

ن اشكركم على تواصلكم وعلى ايميلاتكم الحلوة
بس عندي طلب
تكفوووووون اللي ارسل أواللي ناوي يرسل
فيه ايميلات اتمنى ما أحد يرسلها لي
أولاً
هذاك الايميل حق الحبيب السري
قسم بالله طلع مع خشمي
بذيتونا والله العظيم ؟
طب لو ماعندي حبيب غصب يصير لي ؟
مااالت
الايميل الثاني
تحذير من الويندوز
أرسل هذه الرساله لكل المضافين والا بنقطع حسابك
بلييييز في هالنقطه ابي العقل يشتغل شووي
لا وبعد مصدر موثوق BBC
ههههههه قسم بالله اني قعدت اضحك
انا مسوية ايميلي هذا لي 4 سنين !!!
يعني لو فيه شي صدق بتحصلون الوينوز لايف نفسهم مرسلين لكم
لكن حسب ماسمعت
انه فيه ناس لها مصلحه انها تزحم السيرفرات
وش تستفيد الله أعلم ؟؟
يعني انا ارسلتها لـ40 .. غيري ارسلها لـ60
بعدين لــ 100 و200 و500
وش هالسخاااافة
مررره زحمه على غير فايده
بليز لا اشوف أحد مرسل هالايميل .. ترى بلوك كبر جبهته
...
ومن الايميلات اللي مسويه زحمة ع الفاضي
هذاك الايميل اللي يقول فيه
واحد تحداني القى 300 مسلم قبل يلقى هو 300 كافر
<< بزراااااان
يعني يقدر يصف 300 اسم بعشر دقايق
يعني لو التحدي عنده سالفه كان صار في موقع معروف
يحط رابط ويبشر بـ 3000 مسلم مو 300
وكلن يدخل يسجل اسمه
لكن ايميل .. معليش حكي فاضي وين الصدر يعني ؟
والعالم بكل فخر ترز اسمائها .. والحمد الله حنا مسلمين
ناس فاضية يااااربي
الايميل الثالث
برب كلمه تغضب الله

معليييييييييييييييييييش
هنا الجلطة
يعني عارفين انه برب = بي رايت باك .. واختصارها
BRB
وش دخلها بـ (قل أعوذ برب الفلق)
والا خلاص بس نشوف آيه .. خلاص نقول هــــاه والله شكله صدق
طيب لو قلتلكم انه
OK
هي اختصار لإسم قسيس نصراني
Ordeal Keenly
كان يختم على صكوك الغفران التي تمنحها الكنيسه بأول حرفين من اسمه
O.K
اي تمت مسامحة المذنب وتطهيرة من كل ذنوبه
وللأسف انتشرت عندنا بمعنى الموافقه
حتى ان النصارى راهنوا انهم ينشرونه عندنا وتحدوا انهم يخلونا ننطق اسمه
تقريبأ في شكل يومي
حتى اصبحنا نقولها في 80% من كلامنا
نياهااااهاااي
<<< خشيت جو بالـتأليف
شفتوا إننا دلوخ !
الايميل الرابع
ايميلات .. أنشر تؤجر .. لا تدعها تقف بجهازك

كلنا نبي الأجر .. والدال ع الخير كفاعله
لكن اذا ماكنتوا انتم اللي مسوين الايميل
ومو متأكدين من المصادر .. لا تنشرونها
للأسف كثير من الأحاديث تكون ضعيفه
هذا غيرالاقوال والأدعيه اللي تطلع بدعه مالها اي اساس من الصحه
وحنا ننشرها عن حسن نيه
والله العالم بنية اللي يسويها
الايميل الخامس
ايميل ... حامل مفاتيح الحرم النبوي
يا ناس يا عالم نبي لو مرة بالعمر المخ شوي يشتغل يعني الحين هذا الاخ او على قولتكم الشيخ أحمد اللي حلم بالرسول صلى الله عليه وسلم انه زعلان و انه كثر القتل و ماادري ايش <<< ناسي الرسالة
المهم و اذا ما ارسلته لعدد و قدره سوف تحل عليك مصيبة و هي خسارة فريقك او ينشق سروالك في المطعم او تعطس في وجه مديرك
واذا ارسلتها لعدد من الاشخاص سوف ياتيك مديرك في العمل من اجل طلب يدك لابنته او تلاقي سيارتك تغسلت و ملمع الكفر
<< شرط مهم للنظافة
يعني اتمنى كل واحد قبل ما يرسل رسالة يزيت مخه و بعدين يفكر في ارسالها
الإيميل السادس
ايميل إذا نشرت لك 300 حسنة وإذا نشرها اللي أرسلت له لك 600 حسنة
وإذا أرسلها لل7 أضربها بسبعة و ... و...
خييييييييييييييييييييييييييير خيير
وين إحنا قمنا نحسب الحسنات والسيئات !!
صارت الدعوا زيد وأطرح وشيل ونقص ؟
ربي يعطيك أكثر من اللي حسبته ويأخذ منك ماأراد
سلامات انقلبت رياضيات قسمة وحساب !
خذنا دور الملائكة ؟
مين إنتِ ومين هي تقعد تحسبها
( من قال لاإله إلا الله غفرت لهُ ذنوبه ولو كانت مثل زبد البحر )
هذا شيء ذكر في الحديث
لكن تجيني تحسب لي 1000- حسنة
وتحسب اللي راح واللي جاء
سلامااااااااااااااااااااااااااااااااااات !
الإيميل السابع
برستيج ماسنجري
أولا برستيج يعني اتكيت !
ماتجي إتكيت ماسنجري سامعينها وجايين يكشخون وماعندهم سالفة !!
ثاني شي أحد سألك وش علينا منك أنتي وإيميلك
وليتهم صادقين كل وحدة تفقش عالثانية أجل (بعض الناس) تقول المضافين 1288
وين ياعمتي والله لو أنك رجلة أعمال ارحمي عقولنا !!
الإيميل الأشد بثارة
هذهِ الرسالة ستقف أمانة في عنقك يوم القيامة
أرسلها ولاتتكاسل ويلعب بك الشيطان
أنا خصيمك يوم القيامة و.. و
لا لامعليش
هنا أنهبل ؟
مو على كيفك تخليها أمانة بعنقي ولا مو أمانة
أرسلها ولا ماأرسلها أنا حرة ؟
دينية مو دينية
أنا حرة ؟
ولايقول لاتتكاسل ويلعب بك الشيطان ؟
ياشييخ روح منّاك إنتِ اللي لاعب الشيطان يوم تكتب ذا الخرنبط
أجل تدرون أنا لاجاني إيميل كذا أستعبط ولا أرسلها !
كذا عناد
اخيرا
اذا جيتوا ترسلون الايميل امسحو الزحمة الي فوق
الواحد يقعد ساعة عشان يوصل للمضمون
صفحة كاملة
from-to
from-to
وبعدين
واذا كنت بترسل الايميل لاكثر من واحد
حطهم بالحقل المخفي (show bcc & 0bcc)بليز
في ناس صارو يضيفون اي احد يلاقون عناونه في الرسالة
او يراسلونهم وبعضهم شباب واذا سالناهم من وين جبتوا ايميلاتنا
قالو شفناه مكتوب في احد الايميلات

وســــلامـــتـكــم
عذراً على الاطالة
ونلتقي في "ايميلات غثيثة الجزء الثاني"



موضوع فطسسني ضحك

وعجبني محتوااهـ :fawda.c022:

[سمو المشاعر]

هههههههههههههههههههههههههه

اعجبني كثيييييييييييييييييييييييييييييراً

[мżσση]

منووور يابطل

004

[بنت المدينهـ|~]

فعلاً ايميلات غثيثه



يعطيك العافيه يارب

[мżσση]

منوووره حبيبتي 004

[لکبًرًيآئيےرًوَآيـهـ]

هههههههههههههههههه
بجد ايميلات غثيثه
يعطيك العافيه يلغلا ع الطرح
تقبلي مروري
004

[мżσση]

منوووره ياقلبي

004

[اميرهـ بأخلاقي]

هههههههههههههههههه

يسلمووو ياسووكر

[мżσση]

يسسلمك ربي ويحميك 004

[غيمة شتآء !~]

هههههههههههههههههههههههههههه

بجد روووووووعة التعليق عليهااا

عوافي هنووو004

[мżσση]

يعافيك ربي يالغلااا


منوره 004

[فــــراشــــة]

[align=center]
وربي صآادقه

افتكر مرا جاني ايميل و صاحبته تدعي ع اللي مايرسلو لاحد تاني

صح الايميل كان مهم وتحذير بس وربي قهرررررررتني

مسحت دعائها اعوذ بالله منها

ورجعت رسلته للبنات خفت يصيرلي شيء < تكفين ههههههههههه

تسلمي هنآاوي
[/align]

[мżσση]

ههههههههههههههه

يسلمكم ربي ع المرووور

004

[يزودي]

مشكور و يعطيك الف عافية

[мżσση]

يعافيك ربي

منوور اخووي..~004