خيال مكشوف

**منتظر غايب** · 28-08-2010, 04:20 AM

:Do5_008:

خيـــــــــال مكـــــشوف

الخيال واحلام اليقظه من النعم العظيمه اللي لولاها كان

متنا من الهم , فكم مره سافرت لباريس وتمشيت في

الشانزليزيه ورقيت جبال الألب وانا ٍ اتبطح في استراحتي ..

ولان خيالي جامح واحلام اليقظه عندي ماتحقر روحها ماخليت ممثله في هوليود

ولابوليود الا وتزوجتها ,, وازين مافي الخيال مافيه نشبه وودنا للسوق وجبنا من بيت اختي

ورح تقض من العثيم !! ابد فلها وانبسط وثم هز راسك شوي الين تنمسح الصوره !! وعلى

اني طفران

ماخليت سيارة ماسقتها ,, بس ماش البي ام الجديده مارتحت في سواقتها

احس مطبها قوي ( ذا الخيال عايشه وانا ماكل مطب بالددسن )

..

واحسن مافي الخيال ان ماله وقت محدد ومهوب يتعب ولايخسر وتقدر تسوي فيه اللي تبي

وانت راقد في مكانك ,, ولو يمتلك البشر قدرة السيطره على الخيال ويصبح مكشوووف لكل

انسان تخيلته معك واي واحد يحضرك في خياله تدري عنه كان مشكله !!!

يعني ( تخيل )

مثلا تقوم من النوم وتلقى عدد المتواجدين 5 كلهم جايبينك في خيالاتهم وتدري عن التفاصيل كل خيال !!

والمشكله لو ينكشف الخيال للناس !! كان انواع الفضايح ,, هذا كاتب موضوع في منتدى عن خيال صديقه ..

وذاك منزل مقطع في اليوتوب ( فضيحة خيال فلان ) والثالث ماسكته الهيئه لانه متخيل انه يرقم بنت جيرانهم !!

والرابع مسجون لانه متخيل انه طاق المدير بالدباسه ,, والحمدلله ان الخيال مايدري عنه غيرك ولا كان علوم !!

ويازين الستر وتكفينا فضايح الواقع ..

عاد ( تخيلو )

:43: ملطوش