مسحت الخاتم

[رياح الشرق]

:61:السلام عليكم ورحمة الله وبركاته

توقف الشعرعشرون دقيقه عند هذه القصيده

مسحت الخاتم اللي في خيالي وانفجر دخان = تلاشى وانكشف عن مارد من بيني وبيني
يقول اطلب انا العبد الذي مايعرف العصيان = على ماتشتهي تقدر على كيفك تمشيني
تبي بلقيس والا عرشها ياحضرت السلطان = قبل رمشـك يـرد لـرمشك الثاني ويــمديني
طلبته حاجتي صوتي بقاء يدوي على الجدران = ابي حضن يدفيني أبي حضـن يدفيني
تعذر لي عذرته ولاكفرت بايه الاحضان = تعوذت الجليد اللي نبت عشب على يديني
يجي باكر ويبني في خيالي من الحنان اوطان = وأقول أنساك ياأمس قدرت إنك تعريني
أبي انسى الاه ليته ينسكب في عقلي النسيان = ويمحي في سطور الذاكره همي ويمحيني
أنا بير الجروح اللي حفرني معول الكتمان = سكوتي مثل صمت العاصفه يسبق براكيني
يرج الوقت صدري ويتفجر منه الطوفان = وأشيله بالسفينه من يجي دينه على ديني
طلبت المارد اللي زارني ياقاتل الحرمان =أبي تبحر بدمي وتقتل الخوف بشراييني
أبي نشوة مديمه خالده في ساحة الميدان = تزلزل في حشاي الزلزله وتبني لي سنيني
هلا بك ياجنون المعرفه ولاعدت أنا لقمان = تابطت الجنون وياعسى عروه يخاويني
باوقف للقوافل وانتقم من حكمة الشيطان = وأبي افرض في بلاد الله علىالصحراء قوانيني
طلبت المارد اللي زارني في هيئة إنسان = يجيني في خريطه من مماتي لين تكويني
تعذر لي عذرته قلت مادامني عطشان = أبي ارض ربيع ترتوي مني وترويني
رحل عني رجع لي طار فيني والضما ضميان = وفي صحراء الذواري نايحه فيها نزل فيني
اسوي ويش اسوي فيك ياصقر النبي سليمان = عسى ضعف وفقر ذلني منك يجازيني
يقول اطلب تمنى وش تبي قلت اطلب الرحمن = يردك في مكانك واختفى ماشافته عيني

[بنت ابوها]

الله الله صح الله السان قايله ولاهان جايبها

[خيالي]

صح لسانك وسلمت اياديك

[صمتي مهابه]

[align=center][table1="width:95%;"][cell="filter:;"][align=center]صح لسان شاعرها
وتسلم يمين ناقلها[/align][/cell][/table1][/align]

[~عيون خجلى~]

رائع فعلن قصيده رائعه بمعنى الكلمه


يعطيك العافيه