قصيدة فخرا في ربعي المراويـــــــــــن\\\أهداءلكل مرواني

**بنت ابوها** · 20-08-2010, 08:53 AM

السلام عليكم ورحمة الله وبركاته

مساء\صباح\ الخير لجميع اعضآء هذآ المنتدى الشامخ...

الحافل بالادباء والمفكرين والناقدين والشعراء..

اضع بين ايديكم هذه القصيدة الحصرية والمتواضعه.. في حق ربعي المرآوين..

واتمنى ان تروي ذائقتكم..

انا ليـا جتنـي جـداد الهناديـب
في الصبح والا في عتيم الضلامـة

عديت رجلي في طويل الشخانيـب

وفيضت في راسه لهيـب الندامـة

ميقاعهٍ بيـن الضلـوع المحاديـب

نارٍ توقد فـي خفوقـي ضرامـة

وارخيت حبلي ناوي لي مقاضيـب

بنات هرشٍ مـن بعيـد الفهامـة

وجتني تبارى طايعـاتٍ مناجيـب

تلوي رقاب اللي يبيهـا غشامـة

بنات فكرٍ تاخذ العقـل ويغيـب

كنه حرام الشرب كـاس المدامـة

ناسٍ تجيب الدر مـن دون ترتيـب

نزر الكلام اللـي بعيـدٍ سهامـة
وناسٍ يروح الليل ترجي مطاليـب

ترجي رجاها مير حامـت حيامـة
لاشك سهم الحظ مابه عذاريـب

وانا سهامي فـي عليـت سنامـة
من فضل ربي كافل الرزق بالغيـب

اترك مناديـب القصايـد بشامـة

ماراعني غرو البنـات الرعابيـب
لو انهـا حولـي وترخـي لثامـة

واليوم راح اللوم من دون تثريـب
على ربوعٍ سنـد القـاف قامـة

اولهم اللي يوم قـذف المشاهيـب
بالموقف الغصاب سوطه حسامـة

نبـاه يرقابـي طويـل المراقيـب
ويشوش راسي من قوي الشكامـة

لاشك شفته يوم في عارضة شيـب
باول سنينـي فـي توالـي عوامـة

جدي صلاح بيوم حزم الكلابيـب
ماراعه العايـل بصـوت الجهامـة

اذكر ميقافة يوم جـوة المحاضيـب
عشرين لحيه مع كتـاب الصرامـة

تكالبوا حولـة كـروزٍ تراتيـب
وصار العراك وطار عج العسامـة

عصاه باليمنى ووجهٍ كما الذيـب
وقلبٍ مضرا في حقـوق الكرامـة

اليا رفع يمناه صـاروا سناجيـب
واليا خفتها قِيـل عهـد وذمامـة

راحوا ماذاقوا غير جذب التلابيب
والا العصا عيـت تفـارق بهامـة

ومن بعدها طب الفياض المعاشيـب
وخلا النحية في فـروخ الحمامـة

ريف القصير بالسنيـن المشاحيـب
واول هزيع الليل ماطـول قيامـة

جعله طهور الذنب من دون تعذيب
وجعل المناشي فوق قبـره غمامـة

ويشوش راسي في صدوق المواجيب
اللي على الحدرات شرقة وشامـة

عمي وخل القول تنصى لواعيـب
يوم انها تبكـي همـومٍ جسامـة

تبكي ولدها بالدموع المساكيـب
وترجي لعـل الله يرسـل قطامـة

وارسل كريم الخلق خير المناديـب
سجاج للفرجة عصيـب العمامـة

دخيل خلي في ديـار الاجانيـب
افلـح وهاتـة والجبيـرة علامـة

تكفى ياخو حسناء عليكم مواجيب
وهذي قطيفة للرديـف وحزامـة

وسج القدم من ساعته راعي الطيب
ماخار عزمـة ولانصتـة الملامـة

شقران ياشقـران ذب المجاديـب
انهج لدار مطيـر بعـزم وجزامـة

يمشي ولاراعه سمـوم اللواهيـب
في كنتهٍ تشوي وتحـرق عضامـة

وجاب الكسير اللي قصيدة تناحيب
ورده ولم الشمـل راع الشهامـة

جابه لثعيلب ماشعتـه المحاسيـب
معه البناخـي ماتراخـا رخامـة

عمـرٍ مديـدٍ ياكثيـر المناقيـب
اللي على الطالات ماسك خطامـة

هذي فعولٍ تعجب الفكر وتنيـب
في موقفٍ وسط المجالـس صرامـة

ربعي مراوينٍ على الخيل والنيـب
يوم المعيشة للي يكـرب حزامـة

اللي يغزانا مايحـوش المكاسيـب
واللـي يحالفنـا تهابـه خصامـة

مردٍ على جـردٍ تبـاعٍ حناديـب
لاجاء نهار الكون وزاد احتدامـة

عدونـا يلقـى سهـامٍ معاطيـب
ودخيلنا يبشـر بطـول السلامـة

والضيف يلقا الكيف حلو المشاريب
والجـار ملزومـة كفلنـا لزامـة

اقولهـا وانـا كريـم المجـاذيـب
حـرٍ ولـد حـرٍ بعيـدٍ مرامـة

هذا اعتزازٍ مادخـل بـة مثاليـب
قولٍ موثق فـي دواعـي نضامـة

فخري في ربعي ضاهرٍ بالمكاتيـب
باول كلامي ليـن اتلـى ختامـة

أتمني أنها تعجبكم م\ن :47:

**منتهى الرقه** · 20-08-2010, 09:23 AM

ربعي مراوينٍ على الخيل والنيـب
يوم المعيشة للي يكـرب حزامـة

اللي يغزانا مايحـوش المكاسيـب
واللـي يحالفنـا تهابـه خصامـة

مردٍ على جـردٍ تبـاعٍ حناديـب
لاجاء نهار الكون وزاد احتدامـة

عدونـا يلقـى سهـامٍ معاطيـب

**بنت ابوها** · 20-08-2010, 09:48 AM

يالبي قلب المروانية هلاهلا
الله يعافيك ياالغالية نووووووورتي

**مستر بن** · 20-08-2010, 01:52 PM

[align=center]
ونعم وسبعة أنعام
[/align]

**مستر بن** · 20-08-2010, 01:57 PM

تكفى ياخو حسناء عليكم مواجيب
وهذي قطيفة للرديـف وحزامـة

أخو حسناء عبدالمحسن الفرم الحربي

**~عيون خجلى~** · 20-08-2010, 11:04 PM

وانا اشهد

ونعم والله في كل القبايل و المراوين<<فديتهم خاصه

بعدي والله يا بنت ابوهااااا

صح الله لسانك ولسان قايلهااااا

ويعطيك العافيه

**بنت ابوها** · 21-08-2010, 09:11 PM

مستربن الله ينعم بحالك فديــــــــــــــت حرب كل أبوهم على راسي ابوعياف

**بنت ابوها** · 21-08-2010, 09:12 PM

هلاوالله بلمروانية الله يعافي حياتك من المصايب
فديت مرورك العطر

**صمتي مهابه** · 21-08-2010, 09:37 PM

[align=center][table1="width:95%;"][cell="filter:;"][align=center]
سلمتي على روعه طرحك

لكـي خالص احترامي[/align][/cell][/table1][/align]

**•°بسمـــہَ خ ـجل°•** · 22-08-2010, 02:50 PM

ربعي مراوينٍ على الخيل والنيـب
يوم المعيشة للي يكـرب حزامـة

اللي يغزانا مايحـوش المكاسيـب
واللـي يحالفنـا تهابـه خصامـة

صح لسآآآآآآآآآآآآآنك ياالمروانيه ههههههههه