مسااؤكم مفعم بطاعة الرحمن ..
مدخل //
حيااكم الله في قسمكم من جديد،،
جاء رمضان ورجعنا لكم القسم لفطوركم وسحوركم وسوالفكم
وكل أكشنااتكم الرمضاانية ..
وراكم جايين عجلين وتركضون .. روقوا المانجا واشربوا لكم شي
تروقون عليه وتعدلون أمزجتكم .. ترى كلها أياام وتتركون البلع
من الفجر للمغرب .. ولو إني أدري بعض النااس مثل اللي عندي
هنا ينامون هالوقت كله لكن المهم بالنهاية ما راح تاكلون
تذكرون يوم كنتم بزران << هذا الكلام لغير البزران
أكيد كانت لكم جمعة في رمضان ومكان أو وقت ثابت تجتمعون فيه
وبعضكم يفطرون فيه ويتابعون الشيخ الطنطاوي ماهو حبٍ فيه لكن
لعنون طااش ما طااش اللي يجي بعده طبعاً هالكلام كله على
القناة الأولى اللي الحين ما تطالعونها وبعضكم حاذفها من القائمة
حتى ومرتزين لي قدام ام بي سي وروتانا خليجية وأبو ظبي والراي وفنون
ما علينا من هالكلام المهم كنتوا تجتمعون وترتزون وتبربرون وما فيه
موضوع ما تفتحونه وتناقشون فيه وما تنسون كم شخص بعد تكملون
فطوركم على لحمهم وتقطعونهم
طبعاً هذا الكلام كله كان قبل التنكلوجيا << فيس يطالع همسة غلا ههههههه
الحين تطورنا وصرنا نجتمع من كل ديرة في مكان واحد وأكيد فوضى
حبيبنا بيجمعنا ..
الحين صاار عندنا دكة مثل حقتنا العام اللي يذكرونها القديمين عندنا
واللي كنا نتكي فيها كل يوم من الفطور للسحور ونفلها ونبربر مع بعض
ونطلع اللي بروسنا كله ..
دكتنا هذي للسوالف والدردشة راح تكون مفتوحة لكم من الحين
إلى أول يوم برمضان وبعدها راح تفتح من الفطور للسحور بس
عشان تهجدون بالنهار والعيال يخلصون مشاوير أهلهم والبناات
يلفون السمبوسة ويحطون الحلا بالثلاجة وما ينسون الثلج بالفيمتو
وما ودنا أهلكم بعد يقول هالفوضى حتى برمضان أشغل عيالنا عن
العبادة بالعكس حنا نعينكم عليها لكن نجمعكم تفلونها بباقي الأوقاات
وبيني وبينكم بس لا أحد يعلم أحد أخبركم تتفلتون شوي بالحكي وما
ودي يجي الحش والتقطيع وأنتم صايمين خصوصاً الي مفهين قدام
الشاشات وهاات يا خقخقة على المزايين عيال وبنات مثل صقر وخوااته
وعصاام وبنت أبو حااتم مدري وش اسمها وإلا ريم عبد الله وشهد الياسين
وماجد مطرب وباقي النفراات اللي خقيتوا معهم العاام وكل سنة
<< فيس يقول يا ويلكم تخقون مع اللي ما يسوى
نسيت أقولكم ترى رمضاان شهر بالسنة والخير فيه كبير أتمنى كلكم تشدون
حيلكم فيه وتقرون القرآن وتصلون التراويح والقياام وتفوزون بالأجر بإذن الله
ولاحقين على الدوجة بالأسواق والسهراات والروحاات والجياات
يلا انطلقوا بهذرتكم ولا يردكم إلا الخطوط الحمراء اللي كلكم عارفينها واللي
موب عارفها نعلمه إياها ونعلمه شلون الأخلاق الفوضاويه
<< عطني هيبة ملك
افتتح الهذرة في دكتنا ..
بروفيسور بن همسة غلا بن هيبة الملك الفوضوي < حلوه ذا القبيله
الدردشة برعاية
فيمتوووووووووووو
المفضلات