ماكل من ركب الخيل, خيــــــــــــــال

**بنت ابوها** · 01-08-2010, 08:17 AM

ماكل من يركب على ( الخيـــل ) خيــــــــــــال......

ما كل من يركب على الخيل خيال
ولا كل خيل تعجبك هي أصيـله

ولاكل من يعجبك هرجه برجال
بعض العرب ملسون وأيده بخيله

الكل يلبس ثوب و شماغ وعقال
وعند اللزوم أفعالهم هي قليـل
الرجل تثبت له أقاويل بأفعال

لا قال شئ ونفذه هو دلـيله

والرجل لا شفته مع القيل والقـــال

ابعد عنه هذا صفاته عليلة

والكذب خله عنك ما فاد لو طال

قول الصدق يا صاح غنم وجميـله

وخلك شجاع وذي صفات للإبطال

اللي كما سيوف تبارق سليـله

واللي شراك اشريه لو كان بالمال

خلك معه وان مــــــال دور بديله

واصبر ترى الدنيا تبدل بها أحوال

وما كل شئ صافي تشـــــوفه تجيله
وبعد الكدر تشرب صفا عذب وزلال

هذا الزمن فيه استــــقامه وميله
وصاحب خليل لو جفـ االوقت ما مال

ترى الرجل يعرف بقيمة خليـله

واقفل على سرك بكتمان وأقفال

بعض العرب يسمع و ينوي بحيله
وخلك أمين إذا توليت الأعمال

منخان في يوم الحشر يا حليلة
خل التواضع فيك واضح بالأفعال

ترى الكبر يردي بيوم وليـله
ولاتحسد اللي عنده أموال وعيال

وش ينفعك لو كان حـــسدك يزيله
ولاتزور تقلب الزين بطـال

الله عليم بالنوايا الدخيلة
وخلك رزين ترى المخفه للأطفال

واصفح عن المخـــــطي ولو زاد قيله
واحمل همومك لو تزن وزن آلآثقال

بكره تروح وتنجلي لو ثقيلة
وصل الفروض ولاتنسيك آلآشغال

محدن في الدنيـــــا درى وش بقي له
وزور آلآقارب للرحم كون وصـــــال

وخلك عظيم الشأن وسط القبيلة
وصلاة ربي عد ماهل همـــــــــــــال

على النبي اللي صفاته جليلة

**~عيون خجلى~** · 01-08-2010, 12:46 PM

قصيده رائعه كروعتك

بنت ابوهاااااا <<< فديتك وه بث

**بنت ابوها** · 01-08-2010, 08:36 PM

فداك الكون كله الاروع مرورك عزيزتي

**عـــزف المستحيل** · 02-08-2010, 01:40 AM

صفات ولااروع ~ وعسى الاغلب فيهم هـ الصفاات ~

يعطيك العافية ~

**عـــزف المستحيل** · 02-08-2010, 01:42 AM

ياليته يحس فيني ليته يقدر اوضااعي ليته ~

ليته يعرف اللي بوسط قلبي لعيونه وروحه ~

**мżσση** · 02-08-2010, 01:47 AM

قصصيده جميله
ولكن لا اظن يوجد من تنطبق عليه هذه الصفات الا القليل
يعطيك ربي الف عافيه يابطله
استمري 004

**بنت ابوها** · 02-08-2010, 06:04 AM

عزف المستحيل الله يسعدك خيوووو أسعدني مرورك

**بنت ابوها** · 02-08-2010, 06:20 AM

هناوي الله يعافي حياتك من كل شر فديتك

**•°بسمـــہَ خ ـجل°•** · 04-08-2010, 04:36 AM

واصبر ترى الدنيا تبدل بها أحوال

وما كل شئ صافي تشـــــوفه تجيله
وبعد الكدر تشرب صفا عذب وزلال

هذا الزمن فيه استــــقامه وميله

سلمت الانامل اللي نقلت لنآآ
هالابيات الرائعه
دمتي بخير

**بنت ابوها** · 04-08-2010, 10:04 PM

بسومة الاروع مرورك فديتك

**♥қL ₥ấḟểήể ŷ7ḃҝ ♥** · 07-08-2010, 01:20 PM

[align=center][table1="width:95%;"][cell="filter:;"][align=center]بكل ماخطه حرفك

وبكل ماجمعه فكرك

تبقى مميز

ثق بأني أستمتعت كثيرا من بين السطور

كذاك كان موضوعكـ اخــــتي[/align][/cell][/table1][/align]