اطالع صورته وابكي

**جمالي من حلى روحي** · 19-07-2010, 02:10 AM

أطالع صورته وأبكي وأهل الدمع من ذكراه

ومن نار الألم والشوق أضم لصدري الصوره

أحس إنه يكلمني يقول الحب لاتنساه

وأقول أنسى المحبه كيف وروحي فيك مسحوره

تراك أنت الوحيد اللي أحبه وأعشقه واهواه

تراك أنت الوحيد اللي نزع قلبي من جذوره

إذا أنت الموت بأموتك وإذا حبك حياة أحياه

من أجل عيونك الحلوه سنين العمر منذوره

أبيك ولا أبي غيرك ياعزي والبخت والجاه

مقاديرك على الحاجب مدى الأيام منشوره

صحيح ماجت مقاديري على ماكنت أتمناه

عسى ما إنتي يا هالدنيا بكثر الخير مذكوره

حرمتي العين من شوفة حبيب عشت في رجواه

وقلتي بغير حلم الليل أبد لا تحاول تزوره

أنا بسألك يالدنيا حبيبي كيف كيف أسلاه

إذا عندك جواب تفضلي قوليلي ومشكوره

أبي منك الجواب لسائل في عز عمره تاه

بكى من كثر مايشكي وشكى لله مقدوره

شبابه ضاع ببحور العذاب ومل من دنياه

تناهش قلبه المبلي العليل سباع مسعوره

أنا مشكي البشر حالي أنا أشكي ماجرى لله

عسى روض الأمل يمناي تطول الورد وزهوره

ويرجع من سلب عقلي وعيني تفرح بلقياه

ومن بعد الفراق المر نصير إثنين في صوره .

**мżσση** · 19-07-2010, 02:14 AM

أنا مشكي البشر حالي أنا أشكي ماجرى لله

عسى روض الأمل يمناي تطول الورد وزهوره

صح لسانك ولسان قايلها
اسستمري 004

**بنت المدينهـ|~** · 19-07-2010, 03:29 AM

كلمات جداً رائعه
استمتعت النفس بالمكوث هنا

انتقاء رائع راق لي
ودي

**جبرني الوقت** · 19-07-2010, 08:09 AM

جمالي من حلى روحي
لحَرفِك رحيِق الزهَر يَروُي الفُؤاد وبشَكل نقيِ ..
فآهلاً بهذا الكَم المُترف بالنثَر ..
وتحيِه تليِق بكِ على آرضَ فوضىِ
تحيااتي
جبرني الوقت