الـجــرح أرحـــم
اللي بقى لـي مـع الأيـام .. وفّيتــه
والضيق لـو ينهمـر تشربْـه وديانـي
ماهي كبيـره علـي والحـزن غنيتــه
وْلاهـي غريبـه إذا وقتـي تحـدانـي
الخوف يا من نبشت القلب وادميتـه
لاعشت زهرة شبابك وانت وحدانـي!!
كم جرح خذْته من الأحباب ضمّيتــه
وجروح قلبـي زكـاة لْحُـبّّ خِلاّنـي
مطعون؟ عاااادي ،، جفا الأقراب؟ داويتـه
تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحال؟ مرّيتــه
مقرود؟ أدري ،، وإذا حرمان؟ عدّانـي
ما فاح هـمّ ٍلـك الله مـا تقهويتــه
ما مـرّ حـزن ٍبغيـري مـا تبلاّنـي!
ياما ويامـا مـن الخـذلان .. عديتــه
إلا بصاحبْ .. بعد عِشـره تناسانـي!!
أزريت لأنسـى غيابـه ليـن ناديتــه
والمـوت لامـن تجاهلنـي وجافـانـي
وينه يجينـي .. وكـل عْتـاب كنّيتــه
ياليت يدري بعد فرقـاه وش جانـي!!
من كنت طفل ٍوانا أرجـاه فـي بيتــه
شيّبت.. واثره على هالحـال خلانـي!
حتى جنـاح العَتَـب لرضـاه ذليتــه
ماطِرْت بعده فـرح مـن ذلّ جنحانـي
يا قلب صبرك .. ترى كل شيّ سويتــه
ما كان أفضل من اللي كـان بإمكانـي
لو بيّ قـوه علـى الهجـران؟ خليتــه
لو بـيّ ذره مـن النكـران؟ يفدانـي
الجرح أرحم .. إذا يرجع مـن أغليتــه
مجروح؟ فِدوه .. ولكن صعب وحداني!!
للشاعر المبدع / عبدالله الظفيــري
المفضلات