أّبِيْ أَقْهَرْ قُلُوبْ البَعَضْ ومِنْهم قُلُوبْ عٌذَّآلِيْ

**سمو المشاعر** · 12-07-2010, 10:03 PM

على رعشة ظما جيتك .. أبي نظره على حالي

أبيك تشوف محبوبك .. كيـف ان القـدر خانـه

أجيك وكلي ياصغري .. وقلب من الكبر خالـي

وأحـاول قـد ما أقـدر .. أدور للرضـا خـانـه

آنا لو قلت آنا أحبك .. وحبـك مشغـلٍِ بالـي

تصفق لي عروق القلب .. تغني لي على ألحانـه

آخاف آطيح من عينك .. بعد ماكنت آنـا غالـي

آخاف آكون ذاك اللـي .. فقـد ربعـه وخلانـه

آخاف أني أصوّت لك .. وآصيح بصوتي العالـي

وآخاف أنك تجاهلني .. وتنكـر قلبـي واعلانـه

آنا وشلون أسولف لك..؟وأعبر لك عن احوالي

عطني فرصه وازهلها .. أخلـي الدنيـا رويانـه

قلوبٍ ترتجي وصلي .. وآنا أكبـر منهـا بوصالـي

أبيع قلوب حبتنـي .. وكـل هـذا علشانه

انادي له حبيب الروح .. تعـال وخلـك قبالـي

تعال وكلي سميتـك .. ( عقـد لولـو ومرجانـه )

تعال وننسى دنيانا .. ونسكـن برجنـا العالـي

ونكتب للحزن فارق .. ماعـاد لدمعتـك خانـه

تفضل دامني خيلك .. حبيبـي وانـت خيّالـي

قصيدة عشق سميتـك .. وقلـبٍ ياكبـر شانـه

حبيبي لـو تناسيتـك .. أمانـه منهـو يبقالـي؟

بشر ماهمهم قلبـي .. بشـر والدنيـا خوّانه

هذاك بيفرح لموتـي .. وذاك بيشمـت بحالـي

قلوبٍ ماتعرف الحب .. علـى هالدنيـا غلطانـه

حبيبي لو بغيت الموت .. أبيـك تكـون قتّالـي

بشرع الحب آنا مسامـح .. أذا هالدنيـا زعلانـه

ولو ماودك بموتي .. أكـون بسجنـك أحلالـي

سجينك من وسط سجنـه .. يناديلـك ياسجّانـه

أحبـك يالغـلا دامـك .. بقلـبـي الأول التـالـي

طيري في سما صـدرك .. يرفرفلـك بجنحانـه

أبيك تعيشني قصـة .. قبـل موتـي وترحالـي

قبل لايندفـن شوقـي .. مـدام كفوفـي عطشانـه

حبيبـي طالبـك طلبـه .. اذا وصلـك تهيّا لـي

ترا عمر الزمن جافي .. ولـو ضمتنـي أحضانـه

أبيك تضمني حتى .. تشوف أنـه هـدا بالـي

وأذا حسيت في روحي .. تراها حيـل ولهانـه

أبي أقهر قلوب البعض .. ومنها قلوب عذّالـي

أبي أدبل كبـود اللـي .. بغـت حزنـي وعنوانـه

أبي لامنهم دروا عنك .. ترفع حاجبـك عالـي

رجيتك أسكت وطالـع .. هـذولا نـاس مرضانـه

فديت حجاجك ورمشك .. فديت الطيّب الغالـي

فديت أسمك ,, أذا أسمك .. اهـو قافـي وعنوانـه

مما اعجبني ...

**إلياذه** · 12-07-2010, 10:06 PM

قصيده راااائعه ...
دام ابداعك وتألقك ..

**мżσση** · 12-07-2010, 10:24 PM

حبيبي لـو تناسيتـك .. أمانـه منهـو يبقالـي؟

بشر ماهمهم قلبـي .. بشـر والدنيـا خوّانه

يعطيك ربي الف الف الف عافيه

استمر 004

**سمو المشاعر** · 13-07-2010, 04:39 AM

يعطيكم الف عافيه على مروركم الكريم

**جبرني الوقت** · 13-07-2010, 04:01 PM

سمو المشاعر
قصيده اكثر من رآئعه..
دام عطر بوحك ونبض احساسك..
راقت لذائقتي هذه الكلمآت العذبه..
نتظرر جديدك القاااادم ..
ودمت بسعااااده.
ودي وتقديري...
جبرني الوقت

**رج ـهـ بس رزهـ** · 13-07-2010, 04:17 PM

يــــ ع ـــطيكـ الف ع ـــافيه

وربي جونآآآآآآآآآآن مبدع يالغلا

تقبل مرووري

**سمو المشاعر** · 16-07-2010, 05:03 AM

يعطيك العافيه على المرور

**ђmŜю GђłΆ** · 16-07-2010, 05:23 AM

ياريق الحرف ياشامخ المعاني
تنثر عبارات امام صرحك العالي
سمو المشاعر
ابدعت ...في طرحك الرائع والمميز
الله يعطيك العافيه
وننتظر جديدك
دمت بخير
لك مني آحلى تقييم
:81:

دخول الاعضاء

الموضوع: أّبِيْ أَقْهَرْ قُلُوبْ البَعَضْ ومِنْهم قُلُوبْ عٌذَّآلِيْ

أدوات الموضوع

عرض

أّبِيْ أَقْهَرْ قُلُوبْ البَعَضْ ومِنْهم قُلُوبْ عٌذَّآلِيْ

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة