**
الله ياقلب العنى مدري واش اللـي تحتريـه
من واحدن باع الغلا والحب في وضح النهار
باعه بلاش ابلا ثمن كذا كذا من غيـر ليـه
اقصد كذا يعني خلاص انهاه مره باختصـار
حتى نسى باني كتبت احلا القصيد العذب فيه
واني قريت اجمل حروفه يوم يكتب بانبهـار
واني ليا شفته حضر قريت باسـم الله عليـه
وكتبت له يامرحبـا يامشعـل الخفـاق نـار
يامرحبا باللي نبيع اغـلا العبـاد ونشتريـه
يامرحبا والعيـن لـك ياسيـد الخـلان دار
يعني ليا منه حضر كل الحروف اتذوب فيه
وانا ليا مني حضرت ايصير في جوه اغبار
ايحاول انه يفتخر باللـي معـه وانـه يبيـه
حتى وجودي ماحسب له فالحسابات اعتبـار
هو يدري اني تايهن في بسمته بالحيـل تيـه
واني عليه اغار حتى من نسيم الليـل اغـار
وانه بعد في ناظري ماله مع العالـم شبيـه
وانه ليـا منـه جفـى يقودنـي للانتحـار
انا بغيتـه يحتوينـي فـي حنانـه واحتويـه
وايصير لي مثل الفضى واهيم فيه ابلا مدار
واصير له كل الغرام اللي بفكـره يشتهيـه
واجبر حروفي تنحنيله كلها حـس ووقـار
وان كان حصل فالاوادم شخص غيري يهتويه
اعلنت له كل الوفاء والتضحيـه والاعتـذار
صحيح احبه من قديم وميتـن بالحيـل فيـه
لكن عزاي انه يقال التضحيه طبـع الكبـار
للشاعر :
حمدالوذيناني
المفضلات