خاطرة ابكت الكثير (( رحيل والدي )) خاطرة الطفلة الحزينة

[الاصيل]

أحبــــتي أعضاء المنتدى ..... أنقل إليكم على لسان...طفلة ...فقدت ..كل فرحة وكل أمل ..مع فقدانها ..والدها ..في
حادث مروري , بسبب السرعة القاتلة والمتهورة ...




ثقيله هالدقايق

اذا كان الوجع

بـ عمر ..انسان

ثقيله يا ثواني

هي بداية... (تمر ازمان )


بغيضه يالدموع اللي على خدين طفله

بعمر الورد/ وكبر الجرح حزينه يا الاماني ..ليه ؟ّ

انا مدري وش اللي ماخذينه بس!!

انا مدري من المسؤل ؟!

عن الحصه / عن التلميذ / وآخر درس

انا مدري ..

انا ليه اكتب حروف اللحين ؟!!

احاول...اشرح ..الحزن الدفين

بثرثرات ...حروف ...وغصت عين

حكاية من حرم طفله..

تحس بضحكة الاطفال..

صباح العيد

حكاية (آآآآآه )..في حلق حيرتها

ورجفة أيد ..

وتتنهد في جدار القبر...ساعة

كنها ظلم الليالي ..بوحشة بيد

ومع أول دقايق سالفتنا ..

على شارع ...حمل ثوب الحداد

وحشرجات ..القبر ..

بسرعه مر ...

مع الوعد الذي ...ما قدر يوفيه

مع اسماع طفله ...ما تعرف الحزن !



لا..


لا..


لا..


كانت ما تعرف الحزن ..

تغرد له بصوتها النعسان ..

وتعزف أعذب الالحان ..

(يبه ..عمري ..حبيبي

لا تْأخر ...

ابي ترجع قبل ما انام ..

ابي اتلحف حنانك...في

تصبحين بخير .. مع بوسه على خدي ..

يبه وانام ..

وقبل ما انسى ..يايبه اسمع ..

ابي دفتر رسم أحمر

وابي اقلام للتلوين ..

وابي فستان ...مثل لون

الشموس اصفر ..

وابيك انته ..تلبسني ..

تحمل يا يبه ارجوك ..

تمهل يا يبه ارجوك ..

شوي /// شوي )

وكان آخر ..وصاياها ..

وعلى غفله ...تهور ..

مع سرعة ...بدون حساب ..

ينادي هالرصيف الموت ..

ينادي له ..تعال ...تعال ...تعال... تعال..

وانتهت قصة...عمر ..انسان

وابتدت ...حيرة.....يتيمه ..

ما اكملت عامها التاسع ..

يضيق بدمعها ..

صمت الشبابيك.. الكئيبه ..

على الجدران ..

تحاول ...تنحر اجابة هالسؤال اللي

تفجر ...في قصيدة حزن ...

بلا..عنوان ..

(يبه وينك؟!

تعبت انتطر ..

تعبت أتخيل ايدينك ..

يبه وينك ...

تعبت أسأل زوايا البيت ..

تعبت أسأل ثوبك المكوي

تعبت آشم عطرك

واحضن غيابك ..

تعبت اكذب على دمعي

وارتب عيني وثيابك ...

يبه وينك؟!

الف الدار ..واتذكر ....

هنا ..يمشي ...

هنا يجلس ..

هنا يضحك ..

هنا كنا على شانه

نجي نسهر ..

يبه وينك ..

ويقطع حزن هالافكار ..

باب الدار ...

واصيح بصوت ...واتحشرج ..

منو بالباب ؟!..منو اللي دق هذا الباب؟!

انا مابي لعب ..واقلام ...

انا مابي هدايا

انا ما ابي اشوف اصحاب ..

يبه وينك ؟!

يبه .. يرضيك حالي اللحين ؟!

كرهت المدرسه ...والدرس ..

ولا حد فيني حس ...

تذكرني بغيابك... شهاداتي ..

معلمتي ...

وباب المدرسه ...

والدرس

اصحابي وعلاماتي ..

يبه وينك ؟!

كلامي يا يبه حارق

كلامي مر ...

وانا اقرا في الدفاتر هنا ..

(يوقع ولي الامر)

من اللي فرحتي تتكحل بعينه ؟!

وضحكاته

يبه ..وينك ..؟!

نجحت ..وتختنق فرحه

وسط صدري ..

تجيني الناس وتبارك ....

وهذا الحزن بي حارث ..

ولا تدري ...

باني يتيمه ..

والسبب حادث.. )

وبدت تذرف دموع

تشق صدر الليل

سواده ...حيل يشبه له شعرها ..

يشبه له غياب...الاب..

غايبه ..

ما وراه غياب..

ولا يمكن يعوضه ..

القريب / الاخ / والاصحاب

ثقيله هالدقايق

اذا

كان الوجع..بـ عمر ..أانسان


بغيضه يالدموع اللي على خدين طفله

بعمر الورد حزينه يا الاماني ..ليه ؟ّ

حزينه يا الاماني ..ليه ؟ّ


مما راااااااااااااااااااااااااااااااق لي[/color][/size]

[روح تآئهه]

الاصيل
...
يآهي كلمآت قأسيه على القلب
يحزن قلب قارها ومستمعها
الله يحفظ لي أبوي ويحفظ لكل من أبوه حيه
ويرحم جميــع من مات ويجمعه معهم بالجنه يااارب
مشكوووره على هالخاطره الا بجد تقطع القلب
الله يعطيك الف عاافيه
سلمت يمناااك
تقبل خالص ودي
رووووح

[الاصيل]

روح تآئهه

اسعدني وجودك تلك الروح الجميلة التي مرت من هنا وعطرت متصفحي بدعواتها الرائعة والجميلة


تمنياتي لك بكل التوفيق

[•°بسمـــہَ خ ـجل°•]

الاصيل

اعجز ان اصف بكلمات روعه ماكتبته

خاطره رائـــــــــعه

لا تحرمنا من جديدك



ودي

[الاصيل]

•°بسمـــہَ خ ـجل°•

الروعة هو وجودك ومشاركتك الجميلة اسعدني مرورك الرائع تمنياتي لك بكل الخير

[мżσση]

كلمات في منتهى الألم
ياجعل ييومي قبل يومك يايبه

الله يرحم موتى المسسلمين ويجمعهم مع من يحبون بمنزلة الشهدااااء يارب

تقبل طلتي~

[الاصيل]

هنـــآإوي~

اسعدني وجودك طلتك جميلة ومشاركتك الاروع تمنياتي لك بكل الخير وان يحفظ الله لك والديك

[وفيت بآحساسي]

الله يعطـيـكـ العاآآآفي ــــه
على الطرررح الرآآئــــع
ماآآآننحرم من أبداعكـ
لكـ ودي ووردي

[الاصيل]

وفيت بآحساسي

اسعدني وجودك ومشاركتك الجميلة تمنياتي لك بكل الخير

[ذلتهم ع ـيوني]

الله يعطيكـ العآفي ـه على آبدآعكـ
في طرحكـ وآستمر آخوي في آبدآع قلمكـ ولآتحرمنآ من طرحكـ المتميز وأ لا كثر من رووعه
لكـ ودي :2:

[الاصيل]

ذلتهم ع ـيوني

الروعة مشاركتك ووجودك في متصفحي تمنياتي لك بكل الخير