هديه لها

**سمو الذات** · 08-06-2010, 12:49 AM

ليش ذاب الصدق بقلوب الرجال ؟!
ليش انا قبل الزواج كنت اناديها "الغلا "
وكنت اناديها "الغرام"
و "بعد أُمي وابوي"
و "ضحكتي ... وابتساماتي ... وبلسم جرحي المفتوح وجروحي"
وعقب ما ربي جمعنا ...~
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول "ســم...! "
و "لبي قلبك يا بعد قلبي انا"

صرت اناديها عقب ذاك الغلا
"هيه... وينك يامره...؟!"

ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت ... او اخلفت ميعادها
ما ازعل عليها

لاآآآآ
ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال
ويوم صرنا مع بعضنا
لو حكت لي كلمتين
او سولفت ... او مازحتني وضحكت
قلت :كافي ... بس ... ما ابي قلة ادب
" واعتقد يكفي كلام وبربرة ...!! "

يااااااااااااااااااااااهـ !!
بعد ماكان الحكي بشفاهها ينقط عسل
صار بتاليها حكي...؟!
لآآآ
وليته حكي ...
صار اسمه " بربرة ... أو ثرثرة...!! "

ليش اراضيها منوّليوم تزعل
وما آتحمل بس لو لحظة زعل
وكنت ادللها
واموت بضحكها
واقول "آسف يا غلاي "
واكتب [اجمل بيت شعر ] لعينها لين ترضى
وعقب ما ربي جمعنا
من تزاعلني اقول لها
" في بليس ... طقي راسك بالجدار أنتي حي الله بقرة...!! "
وربي احنا صدق [[مرضى عشق]]
واشواق
ومشاعر
وعشقنا من دحدرة في دحدرة
ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها

بس نتكلم على
ثرثرتها
وبربرتها
وحكيها السامج
ما نخاف الله يعاقبنا وهي
عطر دنيانا وهوانا ~
بدونها تظلم سمانا ... بدرنا في خدها ~
وصبحنا في قدها ~
وشمسنا بكفوفها ~
وربي وردة ... يا سعد من شمها ~
وغيمةٍ تمطر حنان ... والحلا في دمها ~
وشكل بسمتها جنان ... والكرز في فمها ~
وبن عمتها المطر ... وغيمة الشوق أُمها ~
و ولد خالتها الربيع ... والزهر هو عمها ~
وخصرها دنيا لحاله ... حظ صدرٍ ضمها ~
وريقها نكهة عسل ... والعطر في كمها ~

وشهي الدنيا اذا مابه بنات...؟!

صحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !
برحمتك يارب ... " خل لنا البنات "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم
رحمتك يارب ... " خل لنا البنات "

قصيدة مرررررررررره عجبتني قيلت في البنات بس مدري منهو الشاعر
قلت اسدحها هنا ياريت اللي يعرف الشاعر يقولي ....

**غالية الاثمان** · 08-06-2010, 12:55 AM

يالبى قلبنا يالبنات وهـ بس علينا هع
قصيده رووووووووعه
فديت شاعرها قسم انه ذووووووق ..
يسعدك ربي سمو
>> قريتها قبل هيك بس للاسف مااعرف منو شاعرها ..

**سمو الذات** · 08-06-2010, 12:57 AM

مرورك الاروع غاليه

ومن قال يارب يعيش بسعاده

لاهنتي

**مستريح البال** · 08-06-2010, 02:59 AM

صح لسان قائلها وسلمت يمناك ياسمو علي النقل

كعادتك يالغلا تواجد راقي وحضور مميز

الله يعطيك ألف عافية لا حرمنا الله هذا الجمال؛

دمت بحفظ الله ورعايته ؛

**سمو الذات** · 08-06-2010, 04:24 AM

ربي يسعدك اخوي

لاهنت يالغالي عالمرور

**العزوف** · 08-06-2010, 04:35 AM

سمو الذاتـ..
مآشآء الله تبآرك الله
ذو,و,و,وقك في الانتقآء ملفت للنظر
أشكركْ على مآآجُدت بِه هنا
وونتظر ابداع رآئع آخر
أصدق المنآيآ وأرق آلتحآيآ

**سمو الذات** · 08-06-2010, 04:41 AM

الذوق توقيعك في متصفحي غاليتي

لاهنتي اختي ...

**мżσση** · 08-06-2010, 04:59 AM

يعافيك ربي على طرحك الأكثر من رائع
عن جد يحكي معاناه أكثر من فتاهـ للأسف
لك خالص التحيه~

**منارالكون** · 08-06-2010, 11:44 AM

يعطيك العافيه
كلمآآت راااااااائعه
انتظر جديدك بشوق
ودي..

**جبرني الوقت** · 08-06-2010, 12:45 PM

سمو الذات
كلمآت زآخره بــ[الأحآسيس]
[اطربتنآ]بـ عذوبتهآ...
لآمست[الوجدآن] ~
[لتكسينآ]من روآئعهآ~

[هنـــآ]انثر لك جزيل الشكر~
سأكون دووماً[بأنتظآر]هطول قلم ـــك~
اطوآق من اليآسمين[لقلبك ]
جبرني الوقت<<مر من هنا