يـا سهيّـف الذرعـان مانيـب مـرجـوج <~قصة قصيده الشاعرالكبير/بندر بن سرووور

**мżσση** · 07-06-2010, 04:00 PM

الســـــلام عليكم ورحمة الله وبركاته

كيفكم إن شاء الله طيبون:h040:

جبت لكم قصه لقصيده للشاعر الكبير /بندر بن سروور
رحمه الله

مررررررره عجبتني القصه وعجبتني القصيده
أخليكم معها

ـآلقصيدة لها قصة وهي خروج ـآلشاعر الكبير بندر بن سرور
الى الكويت وقيامة ببيع البضايع من الكويت ليكسب خلالها أرباح
لأختلاف السعر في ذلك الوقت..
وكان أمير المنطقة الشرقية سعود بن جلوي غاضبا من بندر حيث قبض عليه اكثر من مره ويخرجه أمير عتيبة تركي بن ربيعان امير الفوج التاسع بالحرس الوطني وهو من شيوخ قبيلة عتيبة اللي لهم كلمة عند الملك والحكومة وكان ياخذون تعهد على بندر بعدم التهريب الا انه مطنشهم ولا يسمع الكلام ..
المهم وصل للامير بن جلوي ان بندر هرب بضاعه ولا قدروا يمسكونه فحلف بن جلوي ان يقتل بندر اذا قبض عليه ومعروف عن بن جلوي قسوته وشدته وجبروته اثناء حكمه للمنطقة الشرقية .. ووصل لبندر كلام الأمير وتهديده بس ما ارتدع ..
وفي يوم وبعد المغرب بشوي كان بندر نازل مع النفود بسيارته الونيت وتفاجأ ان حرس الحدود مخيمين اسفل النفود وأيقن انه مقبوض عليه لا محاله فهو لا يستطيع العودة لأن النفود عالي وإذا نزل معناها مسكوه فأوقف السيارة وترجل منها ورجع على أقدامه وصادف سيارة وركب معاه وطلب منه يوصله لبيت الشيخ تركي بن ربيعان ووصل له حوالي الساعة وحده بالليل وقام يطق الباب بقوه والليل هادىء وصحى كل اللي بالبيت وكان الشيخ بن ربيعان بالدور العلوي وراحت بنته تفتح الباب وبندر يطق الباب بقوه وفتحت الباب وهي ما تعرفه ولا قد شافت بندر وقال لها ابوها من اللي عند الباب يا بنت قالت رجال كنه مرجوج يبغاك ( وسمعها بندر وهي تصفه بالمرجوج ) قال خليه يدخل للمجلس وغير الشيخ ملابسه وقامت البنت تسوي القهوه ولما دخل المير تركي بن ربيعان وخلفه بنته معها القهوه التفت عليها بندر وقال

*.*.*.*.*
يـا سهيّـف الذرعـان مانيـب مـرجـوج
== رجّـتـنــي الأيــــام جـتـنــي بـحـيـلـه
يا بنت لـولا اللـي علـى تاسـع الفـوج
==تـركــت نــجــد وعــــزوةٍ بالقـبـيـلـه
لاشــك حاديـنـي عـلـى نـجـد هـيــدوج
== مسقـي الفيافـي ليـن يـدرج مسيـلـه
تركـي ليـامـن الـبـلاوي غــدن عــوج
== حـمــله عتـيـبـة كـلـهـا مـــا تـشـيـلـه
يرسي كما مينا البواخر علـى المـوج
== ومنـيـن مــا صــك البـحـر يرتكيـلـه
مـــادام تـركــي حـــيٍ مـــا ودي أدوج
== وإن غاب غبت من الرجوم الطويله
*.*.*.*
عرف الشيخ بن ربيعان من الأبيات ان بندر في مشكلة ويبي الفزعة وأبتسم الشيخ وقال أبشر يا بندر وش طلبك وأخبره بالسالفه وأنه خايف ينمسك ويبيه يشفع له عند ابن جلوي قال له أبشر يا بندر وركب بندر مع الشيخ بن ربيعان بسيارة الشيخ وراحوا للدمام ووصلوا لقصر الأمير بعد صلاة الفجر بدقايق وكان الامير سعود بن جلوي متعود كل يوم بعد الفجر يجلس بالمجلس يتقهوى ويسمع صفحتين من كتاب الحديث فأوقف بن ربيعان سيارته مقابل المجلس بس بعيد وكان الوقت لا زال ظلام ونزل لوحده وسلم على الامير وجلس بجانبه ولما صب المقهوي الفنجال للشيخ بن ربيعان انزل على الأرض ووالتفت عليه بن جلوي وقال وش فيك نزلت الفنجال قال بن ربيعان لي طلب قال اشرب فنجالك واللي تطلبه جاك فشرب بن ربيعان الفنجال وقال طلبه وزعل بن جلوي وقال والله لو اني داري انك جايه علشان بن سرور كان ما عطيتك طلبك وأنت تدري اني غاضب منه لكن دامك شربت الفنجال فطلبك جاك

.:/ رحمك الله يابندر بن سرور /:.

إن شاء الله ترتقي لذائقتكم :10:
ودي~

**•°بسمـــہَ خ ـجل°•** · 07-06-2010, 04:04 PM

يعطيك العافيه

اعجبتني القصه

احلى تقيمزلعنيناتك

تقبلي مروري

**мżσση** · 07-06-2010, 04:16 PM

المشاركة الأصلية كتبت بواسطة •°بسمـــہَ خ ـجل°•

يعطيك العافيه

اعجبتني القصه

احلى تقيمزلعنيناتك

تقبلي مروري

الله مير يسسلمك يالغلا
حياتس الله غناتي
أسعدني مروورك العطر:10:
ودي~

**خيالي** · 07-06-2010, 04:21 PM

القصة والابيات رائعة كروعتك هناوي لاعدمناك يالغلا

**мżσση** · 07-06-2010, 04:35 PM

المشاركة الأصلية كتبت بواسطة خيالي

القصة والابيات رائعة كروعتك هناوي لاعدمناك يالغلا

يعطيك ربي ألف عافيه على مروورك الرائع
لك خالص التحيه:10:

**عـــزف المستحيل** · 07-06-2010, 07:39 PM

ياما رددتها ياهنآوي

وتغنيت بهالابيات الرائعة .. بندر بحر .. بحر لاشاطئ له ..

توفي عن سن صغيرة والا كان له الشئ الكثير .. الكثير ..

عرف بتهريبه للسلاح .. وكثيرا ماتغنى بسيارته في ذاك الوقت ,,

ووصفها باجمل الوصف ..

<~ نادرة من نوادر الشعر .. تحسب لك هناوي جلبها وامتاع ذائقتنا بها ..

أحسن تقييم بالعالم .. لك ..

**мżσση** · 07-06-2010, 07:46 PM

المشاركة الأصلية كتبت بواسطة عـــزف المستحيل

ياما رددتها ياهنآوي

وتغنيت بهالابيات الرائعة .. بندر بحر .. بحر لاشاطئ له ..

توفي عن سن صغيرة والا كان له الشئ الكثير .. الكثير ..

عرف بتهريبه للسلاح .. وكثيرا ماتغنى بسيارته في ذاك الوقت ,,

ووصفها باجمل الوصف ..

<~ نادرة من نوادر الشعر .. تحسب لك هناوي جلبها وامتاع ذائقتنا بها ..

أحسن تقييم بالعالم .. لك ..

بندر بن سرووور شاعر لايختلف على اثنان
مببببببببببببببببببببببدع <~الله يرحمه يااارب:42:
يعافيك ربي على مروووووووورك
للأسف ماقدر انزل اكثر من موضوعين والا كان ابشر باللي يعجبك إن شاء الله:20:
لك خالص التحيه~