أنا يا ابن الحلال أصعـب حكايـه
كتبني الوقت .. لكن مـا قرانـي
مضى عمري و تقـدر تعتبرنـي
غريب .. و في زمن ماهو زماني
زماني راح مع نصفي .. و نصفي
نسى نفسه مع الوقـت و نسانـي
أسافر حزن .. و الصحبـه ثلاثـه
أنا .. و الصبر .. و سهيل اليماني
و اذا مريـت فـبـلاد الطفـولـه
فتحت الصدر للحـزن و طوانـي
هنا .. دمعه جرت من عين جاهل
هنا .. لاقيـت همـي و التقانـي
هنا .. باعتنـي الديـره و أهلهـا
هنا .. ضحيت لفـلان و جفانـي
هنا .. حاولت أصيح و ما سمعني
سوى بعض الشـوارع و المبانـي
انـا يـا سيـدي .. دقـه قديمـه
بغيت أخذ من الوقت .. و خذانـي
على الأنقاض واقـف دون حيلـه
أشوفـك وجهتـي بيـن الموانـي
تعاال .. و طفّ بيدينـك حنينـي
تملكني .. و أنا أشعل لك حنانـي
تعال .. و ضمني يا تـاج قلبـي
دخيلـك لا تخلينـي .. عشـانـي
المفضلات