وأنـا أدري ياكـلاب الحـفـل أنــي .. ( بالسـجـن ) .. بـكـره
إلـيـكـم هالقـصـيـده .. ياجمـاهـيـري وهـــي خــطــره
وخـلـوا .؟ هالرقـابـه تـسـجـن الـشـاعـر وجـمـهـوره !!
هــدوءًا .. أيّـهـا .. هالـسـاده حـضـور الحـفـل والسـهـره
مسـاء الخـيـر .. عالصـاحـي وأشــوف الـنـاس مخـمـوره !
أنــا آســف عـلـى الأزعــاج ولـكـن طــارت .. السـكـره
ذكـرت أنـي قبـل سـاعـات ..؟ .. أصـيـل وعـزوتـي نــوره
عـلـى فـكـره .. ( الكرفـتـه ) .. عـجـزت أفكّـهـا عـسـره
أبــي واحـــد ينـزلـهـا .. أو .. أيّ وحـــده ومـشـكـوره
وأبـي ثوبـي .. جيبـوا لـي ثـوبـي الأشـهـب مــع الغـتـره
قـبــل والله .. لطربـقـهـا عـلــى هالـحـفـل بـحـضـوره
ولا واحـــد يتـكـلـم قـبــل مـــا أخـلــص الـنـشــره
ومــن يحـكـي قـسـم بالله لـــدوس بـرجـلـي حـنـجـوره
تـراهــا .. قـفـلـت يــاســادة أبــــلادي ويـاسـتــره
وهــي مـدامـهـا خـربــت .. بـقــول اللـيـلـه الـثــوره
أنــا بحـكـي مــن أول يــوم جـيــت لـدنـيـة ٍ قـــذره
وتـكــرم عـــن قـذارتـهــا بــيــوت الله ومـعـمــوره
أنـا مـولـود .. فــي ليـلـة شـتـا .. مــع بـردهـا مـطـره
فـي خيـمـه وســط صـحـرا مابـهـا سسـتـر .. ودكـتـوره
أنـا ياحـضـرة الـسـاده غـريـب .. وضــاع مــن صـغـره
لـعـن .. جــدي زمـانـي بـيـن .؟ مـدهــوره ومـهـجـوره
حمـلـت مــن الشـقـا .. مــالا يـطـاق وجـايـكـم ذكـــره
ولانــي عـاجـز .. أتحـمـل وأمــوت بـنـفـس مـقـهـوره
وأنـا أدري يـذبـح الـرجـال .. كـثـر الصـبـر فــي قـهـره
وعــن قـهـر الـرجــال المصـطـفـى حـــذرّ ومـذكــوره
وهــم قـالـوا .. مفاتـيـح الـفـرج .. للـحـيّ فــي صـبـره
وأنــا أشــوف الصـبـر مـفـتـاح ضـــاع وزاد طـابــوره
تعـبـت الـمـلـم أيـامــي .. بـيـديـن الـهــم والـحـسـره
تعـبـت ألـمـع الـبــرواز وأمـســح غـبــرت الـصــوره
تعبـت أبـوس كـف الـجـوع وخـشـم الفـقـر طــال عـمـره
تعبـت أكـذب عـلـى الحـاجـه ... وأقــول الـحـال ميـسـوره
تعبـت أحمـس مــن القـهـوه .. وأحــط السـمـن والتـمـره
تعـبـت ودلـتــي وحـــده .. وكـــل شـــوي مـنـثـوره
أحـسـب الـعـز بالـدلـه .. وبـيـت الـنـذل .. بــه عـشـره
دلالـــه .. أكـثــر المـلـعـون .. وملـيـانـه ومـسـطـوره
أنــا بحـكـم الـبـداوه .. أنــزرع فــي داخـلــي بـــذره
عــن أعـلـوم المـراجـل .. الــف بــذره فيـنـي مـبـذوره
تربيـنـا .. عـلـى الـديــن ونـطـيـع الله مـــع شـكــره
وتعلمـنـا نـصـلـي ونـحـفـظ الـقــرآن وكـــل ســـوره
تعلمـنـا نـحــب الـضـيـف وفـيـنـا الـكــرم .. فـطــره
تعـلـمـنـا نــقـــول الــصـــدق .. لالــفـــه ولادوره
تعلمـنـا نحـلـب الـنـوق .. ونـعــرف وشـهــي الـبـكـره
تعلمـنـا الضـمـا .. وحـنــا بيـديـنـا الـبـيـر مـحـفـوره
تعـلـمـنـا وكـثـيــر الــلــي تعـلـمـنـاه وش كــثــره
أخـذنــا درس بالـدنـيـا .. بـــلا دفــتــر وســبــوره
وأنـتـم ياسـكـارا .. الحـفـل عـفـوًا .. أيــوّ .. هـالـزمـره
مـنـو فيـكـم عــرف قـهـر الـزمـان وظـلـمـه وجـــوره
مـنـو .. فيـكـم وطــاه الـجـوع وذلــه وصفـقـه فـقــره
مـنـو .. فيـكـم عــرف يحـتـاج للـقـمـه ونـشــف زوره
مـنـو .. فيـكـم مــن الضيـقـه حـفـر بأصـابـعـه قـبــره
مـنـو .. فيـكـم رقــد ليـلـه وســط أجـســاد مـقـبـوره
منـو .. فيكـم مـشـى حـافـي .. برمـضًـا .. كنـهـا الجـمـره
مـنـو .. فيـكـم سـهـر لـيـل الـظـلام بــدون أبـاجــوره
لكم ( الماء ) .. ( والوجه الحسـن ) .. ( والمـال ) .. (والخضـره )
ولنا حنا ( الضما ) .. ( والجوع ) .. ( وفقر ) .. ( وشيفة ٍ عوره ) !؟
ولامــره .. ضـحـك حـظـي بوجـهـي .. وأشـكـره مـــره
وغـيـري يبتـسـم حـظــه .. وكـــل أيـامــه مـســروره
كتبـت الشعـر .. مـن صـغـري وبيـوتـي مابـهـا .. كـسـره
وأنـتـم تـبـرزون الـلــي .. كـتــب بيـتـيـن مـكـسـوره
أنــا ياحـضـرة الـسـاده .. فقـيـر ٍ مــا أغتـنـى ّ بشـعـره
مـدام .. ( المومـس ) .. الـلـي تـشـري الأشـعـار مشـهـوره
وأنـا ياحضـرة .. الـسـاده ..هـنـا الليـلـه .. وعـلـى فـكـره
تـرى .. ( هالبدلـه ) .. مسروقـه .. ورجلـي بجزمـه محـشـوره
ولـكـن قـلـت .. أبحـظـر .. هالحـفـل والعـمـر أبخـتـصـره
وأبـي أبـدع .. معاكـم وســط .. ليـلـة أنــس .. ومحـظـوره
وأذا كـانــت .. رجولـتـكـم بـكــأس الـثـلـج والـخـمـره
أنـا بـشـرب .. بــدون الـكـاس وثلـجـه .. ألــف قــاروره
أبـويـه .. قــال لــي مــرّه .. دســم شـاربـك بالـغـبـره
مـايـدري .. بالشـنـب محـلـوق .. وجـابـر فـاقـد أشـعـوره
أنــا بمـشـي مـــدام الـلـيـل ودّع .. وأبـتــدى فـجــره
بــروح أرد .. ( هالبـدلـه ) .. عـلـى المـعـلاق .. مــزروره
وأنـا أدري ياكـلاب الحـفـل أنــي .. ( بالسـجـن ) .. بـكـره
مــدام الليـلـه جـبـت العـيـد بـهـذا الـحـفـل وحـضــوره
قصيده للشاعر /جابر بن هايف
أعجبتني وحبيت انقلها لكم
دمتم بود
رد مع اقتباس
المفضلات