همسه ||
قرّائي الحلووين 
قارءاتي الحلوات 
.. عندما تدخلون موضوعي ..
رجاءً حسسوني بالدفء والأمان .. والعطف والحنان .. اللي أحلم به من زمان .
.
لاتحسسوني أني ما انتمي لهذا المنتدى 
تذكير ||
قبل الدخول في الموضوع .. تذكير فقط ..
عندما تقوم بوضع رد .. فيه اعتراض على ما سيرد ..
الرجاء لا تتعرض لشخصي الحساس بكلام يجعلني أعتزل الكتابة على الفور ..
ترى ماضوعي ماحطيته الا عشان تبادل الآراء ماهنا كلافتن إن شاء الله ..
وعشان تسذا أعذروني بطول شوي .. ومعليش بمد رجيلاتي عشان أحتسي معكم وأنا مرتاحه 
..
وشكرن 
موضوعنا هالحين 
بصراحه لي ساعه وانا احوس شلون ابدا بالموضوع واحط مدخل ماطرا بالبال شي
لذن بدخل فيه دوغري دون قبلات
المهم , ياكثر القنوات وياكثر اشرطة القنوات وياكثر من يرسل لها القنوات وانصب مابه
هالكلام اللي يحطونه , ومن الفضاوه اقعد اقرا بذا الشريط لين تحول عيوني
احيانا يكتبون اشياء يضيق صدري عليها , واحيانا يغشى علي من الضحتس ,
ومرتن اتحمس واجيب ورقه وقلم واكتب مقادير حلا والا خلطات لتكبير الخشم وتصغير الفنخر
وخاصتن قناة بدايه والا حواء اللي يستدير راسي من كثر اشرطتها ما ادري اركز على اي واحد
وهذي كم رساله شفتها :
ام سعد : بنتي فيها قمل اعدتها الشغاله جعلها ريح ام حمد والا بنيتي نظيفه من وين يجيها وانا كل يوم اسبحها عطوني حل الله يعافيكم
الحصي : الحل عندي حطي بشعرها فلاش واكتميه بباغه ساعه والقمل فاطس 
الطفشانه : استحلفكم بالله ادعوا لي بالرجل عاجلا غير اجل وما احلل اللي ماتدعي < كدينا خير
ابومصيول : اشكر زوجتي العزيزه على الغدا الحلو تسلم يدينك < ياحظك 
شموخ فخريه : احمد الغالي كنت مفكره حالي اطيب انسانه بهالوجود بس طلعت نقطة ببحرك < منهو احمد 
دلوع العليا : عن اذنكم بروح اودي عشا جدتي اشوفكم بأخر الليل < فاردز يادلوع
عاد فيه رسايل وهـ اغبى منها مافيه اللي تقول وش اختار لون ستارتنا بنفسجي والا اصفر ياشيخه وش يدرينا بكنبكم يومتس تشاورين ؟
والا اللي تقول اختي عندي اسوي عشا والا نطلب < صدز خساير على قل فايده
الرسايل اللي بها اجر عندكم :
باغية الخير : اذكروا ربكم و صلوا على الحبيب
محبتكم في الله : جمعة مباركه لاتنسون قراءة سوره الكهف والدعوه في اخر ساعه فإن هناك دعوتن لاترد
الداعيه: مايهرب احدكم من شي الا وجده خلفه الا القبر يهرب منه فيجده امامه
وكثير من الرسايل منها الصاحي والطآحي والمفيد واللي مال امّينه داعي
بس لعب على البشر وقفط ام الرصيد آنا مهوب صيدي من طرح هالموضوع انه حرام
ترسلون طبخات وخلطات وموديلات واستفسآرات
بس حبيت اوضح ان التسذب ماهوب زين حرآم تضر غيرك وانت ماترضآها على نفسك 
واستغلوا رسايل الشريط باللي فيه الخير والفايده والمساعده والاجر اثابكم الله ..
أدري أنه كثر هرجي ومرجي في الموضوع .. بس إن شاء الله إنكم فهمتوا الغاية من كل هالزحمة اللي فوق 
عاد في النهاية عندي كم استفسار يقرقع في قلبي ودي إنكم تجاوبونه
*
1/ هل انتم من المؤيدين للأشرطه ذولي ؟
2/ برايكم وش الاسباب اللي تخلي بعض الناس يعرضون مشاكلهم, على العامه وما يحتفظون بها لأنفسهم ؟
3/ أنت من النوع اللي يتسيمج على الخلق ويرسل - جلسة اعتراف - ؟
أما آن لِ غرشوبه أن تمد رجليها !
رد مع اقتباس
المشاركة الأصلية كتبت بواسطة سمـو ٱلـذاتے••
- جلسة اعتراف 
المفضلات