تعـزي قلبـك العاشـق وفيـك القلـب عـزانـي ََََ

**мżσση** · 22-05-2010, 04:51 AM

أبكتب لك مـع ابياتـي كـلام مشفـرٍ تشفيـر ...

لعلـك تفهـم المعنـى ورمـزٍ صاغـه السانـي

انا اللي عاشقه خلٍ عشق غيـري بـلا تقديـر ...

تمنيتـه وهـو ناسـي واحسـب انــه تمنـانـي

سقاني كاس بيدينه طلع كاس الهـوى تخديـر ...

احسبـي مالكـه قلبـه وهـو مـع واحـدٍ ثانـي

انا نفسي على الذله تعاف الزين لو هـو غيـر ..

واباطـا قلـبـي برجـلـي إذا إنــه تحـدانـي

أنا أبنسى عنا الماضـي وأبرحـل دونمـا تبريـر

عسـى الله يسعـد أيـام العزيـز اللـي تمنانـي

تبي تدري وش القصه , وش المعنى , وش التفسير

وش اللي سهّر عيوني وخـلا النـوم مـا جانـي

وش اللي كسّر الخاطر كسور(ن) ما لهـن تجبيـر

وش اللي أرخص دموعي بجـوف الليـل بكانـي

أبرسل لك مع ابياتي علامـات(ن) بهـن تبصيـر

وابوصف لك معالم جرح ينـزف وسـط وجدانـي

ابرسـم لـك شظايـا خافـقٍ متكسـرٍ تكسـيـر

وابنظم لك قوافـي شعـر فيهـا قصـة احزانـي

وابكتب قصتي معها عـذر وارفـع لـك التقريـر

انـا المظلـوم لكنـي بمفهومـك انـا الجـانـي

أنا شفتك على دربي ومن اجلـك عكسـت السيـر

وانا مـدري وش اللـي يـم ذاك الـدرب ودانـي

لمحت اسمك مثل نجم(ن) على نوره يطير الطيـر

وانا من يوم شفت اسمك فرحت وجيت لك عانـي

تقابلنـا انـا وانتـه علـى صفحـه بهـا تسطيـر

تهلي بـي مـن اولهـا وبآخـر سطـر تجفانـي

لقيتـك تنتظـر غيـري حقيقـه مابهـا تـزويـر

وانا اللي كنت اظن انك علـى الصفحـه تحرانـي

تعيش الحلم مع صوره علـى التصغيـر والتكبيـر

تعـزي قلبـك العاشـق وفيـك القلـب عـزانـي

سبحت بداخل اعماقـك وغصـت بغبـة التفكيـر

ولاتحسـب هواجيسـك مـع اللـي راح تخفانـي

حملت المسك باليمنـى وباليسـرى نفخـت الكيـر

تـداوي جـرحٍ بقلبـي وتفتـق جـرحٍ أشقـانـي

بخفـي جرحـك الدامـي وابدفـن سرنـا بالبيـر

وابنثـر ذكرياتـك شعـر للهاجــس تغشـانـي

واذا نادمت هاجوسـي ابذكـر عشرتـك بالخيـر

وابدعي لك إذا هب الجنـوب وهيـض اشجانـي

عسى دوم(ن) معك يمشي رفيق بدربـك التيسيـر

وأنـا ماضيـع مـن بعـدك ولـي رب تولانـي

أنا يا صاحبي برحـل وسامحنـي عـن التقصيـر

أنا نفسـي تعـاف الزيـن إذا مـا كـان يبغانـي

وتبي أفرز لك المعنى على الصافـي بـلا تكثيـر

واسّبِك صافـي المعنـى بقالـب بيـت وحدانـي

خلاص الوقت علمني حفظـت الـدرس بالتكريـر

نصيحه لا تجـي وان جيـت مـا ظنيـت تلقانـي

مما رآق لي

دمتم بود~

**محمودى** · 22-05-2010, 09:41 AM

سلمت اناملك أختاه

دمت بهذا الجمال وأكثر
لك من كل قلبي كل الود واعظمه ،،
لانك بحق تستحقيه وأكثر،،

**خطاك دمر غلاك** · 22-05-2010, 12:45 PM

قصيده جزله يعطيك العافيه

**мżσση** · 22-05-2010, 07:36 PM

أسسعدني مروووركم يالغـــوالي

**جبرني الوقت** · 22-05-2010, 10:16 PM

هنـــآإوي

لاتحتاج لشهاده مني على إبداااعك وتميزكـ ...
نبضك أرقي من الرد عليك ...
فقليلكـ يكفي كثيراا سيدتي ...
ولكن ساقولـ انتي منبع الابداع يامن اشبعتنا جمال الحرف ...
الى الامام ولاتنسى اننا خلفك وننتظر ابادعك لكي نرتوي من رحيقه ...
تحيااتيـ ...
جبرني الوقت