ثمان شهور اجي نفس المكان حزة المغرب

**مومهم اسمي** · 20-05-2010, 07:28 AM

على الموعد بـ/ لهفه , جيت لامانع و لاتأخير

لفيت من العصر هايم /, مع ان الموعد المغرب

وجتني بس انا مدري شعرت الجيه هذي [ غير ] !!

وهي تقرب من ( عيوني ) شعرت ان الممات اقرب

وقلت :/ الله يهونها .. عسى في جيتك لي خير

انا من شفـتك ..[ اقبلتي ..] وانا خايف ومستغرب ,!

على كثر ( الحكي ..] مدري كأنه خانها { التعبير }

قالت لي [ جمـل ] و اشيـاء ؛ لا تكتب ولا تعــرب .,!

هدت فجأه تطالعني /, وانا في حاجة التفسير

لجل نحكي بهدوء اكثر .. سألت الحلوة وش تشرب ..!؟

وصاحت بي [ اناأحبك] ولك في هـ/ الحشى تقدير ..

وتدري ان ( المثـل ) فينا وفي احساسنا يضــــــرب !!

صحيح انك ( وفـي ) وانك ( بـري ) من تهمة { التقصير }

ولكن ذي عوايدهم من ايام وزمــن ..{ يثـــــــــرب ]

تكون البنت لـ/ آبن العم ؛ ورغبات الكبار تصيــر

وتدري الاقربون اولى /, مع انك للخفوق أقــــــرب

وتدري للقدر كلمة /, و لعادات الأهل [ تأثيــر ]

لذا ارجوك ,! تتركني وانا من دنيتك بـ/أهــــــرب

شعرت بـ/ حكيها كنه قصاص و أمر بالتعزير؛؛

شعرت الدنيا ضاقت بي /, من المشرق ليا المغرب

مشت خلت وراها ( طفل ..] مايدرك وش التدبير !؟

يحسب ان الغرام [ اشعار ] شاعر و اغنية مطرب

ضحكت وماقدرت اني الاقي لـ/ ضحكتي ؛ تبرير

من اللي بـ/ وقتنا مره ضحك من لدغة العقرب ؟!

رفضت استوعب اللي صار / ولا استسلمت للتغيير

[ ثمان شهور ] أجي نفس المكان بحزة المغرب

برغم ان الثمان شهور ( جرح ) وكلفتني كثير !!

انا لـ/ اليوم أجي وادعي .. تجي يارب .. تجي يارب !!

/ /

راقت لي

/ /

**خطاك دمر غلاك** · 20-05-2010, 08:27 AM

قصيده روعه يعطيك العافيه

على الطرح

**جبرني الوقت** · 20-05-2010, 01:32 PM

مومهم اسمي
يقف قلمي عاجز عن شكرك ...
فقد ابدعتي في طرحك ...
ونثرتي لنا عقودا من اللؤلؤ...
قوة منبهره تخرج من هذه الصفحه البيضاء...
تحيااتي لسموكـ ...
جبرني الوقت

**صعبة المنال** · 20-05-2010, 01:48 PM

رووووووعه قليله فيها

من جد تجنن

**мżσση** · 20-05-2010, 03:06 PM

ضحكت وماقدرت اني الاقي لـ/ ضحكتي ؛ تبرير

من اللي بـ/ وقتنا مره ضحك من لدغة العقرب ؟!

جووووووووونآن

يعطيك الف عافيه يالغلا

دمتي لنا~

**عـ ن ـود الـ ص ـيد** · 20-05-2010, 06:24 PM

[align=center]رآآآآآآآآآآآق لي مآراق لكـ
آبيآآآت في قمه آلروعه..
وآآصل تميزكـ وآبدآآآعك..
.
.
وتقبل مروريـ المتوآآآضع..[/align]

**ــــــــ** · 20-05-2010, 07:20 PM

وجتني بس انا مدري شعرت الجيه هذي [ غير ] !!

وهي تقرب من ( عيوني ) شعرت ان الممات اقرب

وقلت :/ الله يهونها .. عسى في جيتك لي خير

انا من شفـتك ..[ اقبلتي ..] وانا خايف ومستغرب ,!

:55:
يعطيك الف عااافيه قصيده اليييييمه يالغلا
تقبلي مروري