ََﱢﱟﱞﱡ۩ﱡﱞﱟﱢ ‏الثووور يوم يلحقنا طاربه قريح ههههههههه ََﱢﱟﱞﱡ۩ﱡﱞﱟﱢ

[لسعة شقاوه]

[size="6"]واااحد يحكي قصته مع الثور ......

السلام عليكم ورحمة الله وبركاته
مساء الخير والسرور عليكم جميعاً شخصاً شخصاً
مبطين عن قسم التسليه قلت بعلمكم عن سالفتنا مع الثور << ايقاله ثور خخخخ طاربه قريح يوم يلحقنا انا وربعي لكن لاتعلمون احد زين << زين ولا موبايلي
في يوم من الايام يوم حنا صغنطوطين قالوا ربعي وش رايك نروح نسبح كان الجو حار مرره قلت ميخالف قووه ورحنا كل واحد على سيارته ( صح صغيرين لكن نسووق ) هههههه
حنا 3 سيارات وكلنا 5 اشخاص .
وصلنا البرتسه الاه نظيفه وتصب ورهيبه ماودك الا تطافش ولا تطلع ابد من زينه .
كلن فصخ ثييباته وزاروقي بالماء قعدنا نلعب مع بعض وكلن يعافر الثاني ويغرقه .
طلعت انا بعد نصف ساعه قلت ابقعد اصيد تعرفون بواردي وابعدت عنهم وكان حولنا حوش البقر وخابرين ان فيه ثوور مهب صاحي الله لايوفقه ههههههههه << من قلب لانه حسربنا حسرن مهب صاحي وله قرون لو يعف الجدار طيحه من كبرهن . طلع واحد من العيال من البرتسه وراح لم الحوش ولا حسوبه العيال وهو مخطط انه بيطلع الثور من حوشه . رقى فوق الجدار وحاول يفتح الباب وفتحه . ههههههه هو فتح الباب ماصدق خبر الثور سيدا وهو مجلعد طلع على سرعته وخطم من عند العيال اللي يسبحون وكلن شد سرواله من الذراقه وسووا شي على روحه ..... <<< مشفره ههههههه لانه بدا يلاحقهم وهم بوسط البرتسه ههههههههههههه وتجمعوا بالوسط علشان مايقدر يوصلهم
الثور من القشاره اللي به رقى على الساقي وبدا يويدز عليهم من فووق هههههههههه وانا بعيد عنهم واسمع صراخهم لكن ما ادري وشبهم قلت ايه يلعبون ويمزحون . مادريت ان السالفه به ثوور
قعد عندهم شوي الثور وهو يخوفهم ومار يلتفت جعل رقبته للكسر . وشاف واحد جاي لمنا من زملانا وانا اصوتله اسمه الدحمي واقوله تعال لمي ابيه يشيل من الصيد ويلقط معي الطيور ومار يطير لمه الثوور ولا حوله الا النخله ورقاه على سرعته << هماي شفته رقى النخله قلت ايه هين بس السالفه فيها إنَ وكانَ وكل اخواتهن مير تولم يامـهند بيك وشف وش السالفه كان بيني وبينه جدار صغير رقيت فووقه بشوف وش اللي جاي لمه وخلاه يرقى النخله بهذي السرعه . الاي وش اشووف الثوور جاي لمه وبراسه قشااره .
الثور بدا يحك قرونه بالنخله ويرجه يبيه يطيح ويحرث برجلينه تحت النخله ويحفر ابن البقره بكل قووه حسبي الله عليه <<<< قاهرن الى الحين وودي اكفخه وابقسه . حاقد عليه لو اطمع انه حي الى الحين رحت وانتقمت منه ههههههههههههه
اييس منه لانه مايقدر يوصله ورفيقي مهب نازل لو تجي الساعه 3 بالليل .
المهم تركه الثور والعيال طلعوا من البرتسه وبعدين بس يضحكون علينا تحسبونه راح لمهم لا ابن اللي منب قايل تركهم وشافن فووق الجدار الصغير وانا اناظره ومعي البندق ومار يطير لمي وبدن رجليني كل وحده تكمخ الثانيه معين ابهج الحين دبيت من فووق الجدار على حوض كله مياهه ورطاريط وطين وانغرست بوسطه تقل فرخ نخله انا وبندقي هههههههه . قلت بيجي اكيد لمي لان نهاية الجدار قريبه ومهب طويل الثور جعله للكسر خابرن المزرعه ويعرف الجدار انه كلها لفتين وينتهي راح وديور على سرعته ناطحن واشوى فكن منه الطين غرز شوي وانا مع الاحواض الهجيج الهجيج ولا ردن الا الصندقه حقت الدجاج رقيت فوقه ومادري شلون رقيت هههههههه ومنه الى بيوت العمال مقامز بمقامز ابي الفكه منه جعله للماحي ههههه . واللي قهرن زياده اسمع ضحك العيال علي مبسووطين ومتانسين على المطارد .
طلعوا العمال واشوى حجروا للثور وخلوه ينقلع لحوشه .
انا قلت والله ما اخليه لهم لان كل ثيابي طين بطين والبندق لونها صار بني من الطين . انقهرت منهم ورحت اسبح علشان اوخر الطين من جسمي وثيابي وانا اسبح افكر وش اسويبهم عيال اللي منب قايل ههههههه وطرت على بالي فكره مصرقعه .
طلعت من البرتسه ايقالي بتنشف وانا اجمع ثيابهم اباخذهن واهج . هههههههه
اخذتهن وهجيت وركبت السياره وطيران . هههههههههه
هم مايدرون وراي هجيت عنهم قالوا يمكن زعل مايدرون انهم بيجون للديره مصاليخ
ههههههههههههه
ههههههه

طلعوا من البرتسه ويدورون ثيابهم الا ماعندهم احد قالوا اخذهن وهج هههههه .
وش الحل ياولد مامعهم الا الجريده ههههههههه بدوا يشققون منه ويحطونه على اجسامهم لانهم بيدخلون وسط الديره مصيبه يصيرون مصاليخ ههههههههههههههه ولو انا داري ان الجريده بتفكهم كان اخذته قبل الثياب . والسواق يقول للرديف امسك الجريده على جسمي لاني انا اسووق وانت خلك مطمبس تحت . واللي حاط السجاده على صدره واللي مطمبس وهو يسوق وحالتهم حاله . ههههههههه
انا كنت متغبي بشوف اشكالهم اذا خطموا مع الخط ومار اشووفهم وابدا اناقز على المرتبه من الونااسه اشكالهم تفطس من الضحك ههههههه وعجزت اسووق من الدمووع على عيوني
هم قالوا لي عقب ماشفتهم انهم يفكرون يروحون لاي مكان يلقون فيه سراويل طوال او ثياب او اي شي يسترهم ههههههههههه . فكروا يروحون للسوق لكن من يبي ينزل يشريلهم وهو مصلوخ ولا يقدرون يروحون لهلهم وهم بهذي الحاله كان لشهار على طول هههههه .
لكن واحد منهم قهرن لقالهم حل قال قووه لمزرعتنا ونلقى بالاستراحه ثياب اخواني او اي شي نلبسه ههههههههه .
راحوا لم الاستراحه ولبسوا شين يسترهم همن راحوا لهلم يلبسون زين .
يوم راحوا لبيوتهم كلن يقول لخوه رح جبلي ثياب واللي يدخل لبيتهم ولا احد يدريبه وحالتهم حاله .
ـــــــــــــــ
خلصت الحتوته وحتى الحين اذا ذكروا السالفه تمزعوا من الضحك وانقهروا ودهم ياخذون حقهم مني . لكن ذا بعدهم الصعاليك خلوا ضحككم علي مع الثور ينفعكم .
وخلصت الرحله مع الثور الله لايحلله ههههههههههههههه
التعليص مسمووح [/size]

منقووول للوناسه

[هيبـة ملڪ]

هههههههههههههههههههههههههههههههههههههههههههههههههه هههه

هههههههههههههههههههههههههههههههههههههههههههههههههه ههههه

ربي سعدكِ