[ALIGN=CENTER][TABLE1="width:95%;background-color:black;border:7px ridge red;"][CELL="filter:;"][ALIGN=center]













ما كنـّي أعرفـه ولا كنـّي أبغيـه
وأنا عليه من أمّه أحـّب واجـرى



ياكثرهـا تسليمـةٍ يـوم ألاقـيـه
لي عين تكتب له .. وله عين تقـرى



وإن حلّ طاريـه تجاهلـت طاريـه
ماكنّي أدري عنه وأنـا بـه أدرى



بسكات يغليني وأنـا حيـل مغليـه
لا تيلفـون ولا مواعيـد غــدرى



يصـون ودّي عن عذوله وأحاميه
وأنا عليه أحجى من القلب وأذرى



حبٍّ عفيفٍ والصراحه سواقيه
في وقتنـا ماظنتي زيد يطـرى



لا أسولـف بحبـّه ولانـي بكانيـه
وغيري لو انّه يوالفه كـان هـذرى



أحشم قريبه حشمـةٍ لـه وأداريـه
وأخشى يجـي في خاطره شي وأدرى



لايحسب انـّي يوم قفّيت ناسيه
لعيونـه انّي ماتحاليـت عذرى



ليت الزمن يرجع وأنا اعلمـه ليـه
وإلا الكفوف من المقابيـل تشـرى



كـل العذارى في الوفا ما تساويه
كنّه يمين وباقـي الغيـد يسرى



قولوا له إني ماأرتضي بالبـدل فيـه
لا مال قارونٍ و لا عرش كسـرى



يرتاح ماغيره مـلى عيـن هاويـه
غلاه نهر النيـل والقلـب مجـرى



وأكبر دليل إني إلى غـاب أحاكيـه
كم لليلةٍ ماتت على كـف مسـرى



وإن قالوا إنه شرق وأزريت لا أجيه
وجهت وجهي كل ما نمـت حـدرى



***



من روآئع / محمد بن فطيس



[/ALIGN]
[/CELL][/TABLE1][/ALIGN]