الصعود للأسفل / روايه رومنسيه: للكاتبة : سامية المقام

[♥} آمـل الـ عٍ ـشآق ♪]

في السيارة
مبارك

طالعت مبايلي ، خيبه خمسه مكالمات لم يرد عليها 4 من رقم غريب والخامس من حصيص ، رقم منو هذا يمكن في شي مهم ، ليكون حد من الشباب فيه شي
دقيت اعاده اتصال للرقم الغريب
مبارك:ألووو
:هلا والله
لحظة هذا مب صوت الي دقت أمس والله ما عندي سالفه أدق
:هذي أنتي ، من أي رقم داقه اليوم بعد ، تحريت شي والله
صكيت التلفون في ويها ، هاي الي ناويه تبلشني ويا حصيص صدق يوم قال حمود أخويه وحليله ، البنات هالايام ما يستحن مول ، ما اعرف من وين طالعه هاي
صكرت عنها ودقيت لحصيص ، اووووف عكرت مزاجي
مبارك:الو
حصة :هلا وغلا ، أهلا وسهلا ، هلا بروحي ، هلا بعمري ، هلا بشيخ الشباب ، هلا بقلب حصة
ابتسمت رغم أني كنت معصب قبل شوي : هلا حصيص ، جاهزة حبيبي
حصة :شفيك مبارك
مبارك:ماشي يلا جهزي عمرج بمر عليج بتروح لدكتورج
حصة : مبارك لو متضايج ماله حايه
لحظة وين راح تفكيرها هاي ، مب مضايق عسب بنروح للدكتور ،أووووف شو اقولها وحدة تحبني وتغار عليه وتصيح وادق علي وأنا رديت عليها وسمعتها امس لو أنتو تعتبرونها شي بسيط أنها دقت وكلمتني وقالت تحبني وهالخرابيط وانا صكرت في ويها أنا اعتبره شي كبير خاصه اذا كانت الانسانه الي مرتبط فيها حصيص هاي الوفيه ، كيف جيه أحس خنتها
مبارك:بجتلج والله ، كيف تفكرين حصيص ، قتلها بمزح : يلا جلدي ماما لو تاخرتي بروح عنج
حصة: يلا رايحه اتجهز
مبارك:زين يلا بنسير مشوار بعدين
سمعت صوتها مب مصدقة :والله وين
مبارك:ههههه يا حبج للطلعات ، بعدين يا الفضوليه يلا خمس دقايق وأنا عندج
صكرت حصيص ، ابتسمت وشفت مبايلي فيه 3 مسجات
(( دخيلك بقولك بس شي واحد ))
(( رد علي الله يخليك ، ليش تلفونك مشغول تكلمها ))
(( مبارك بس خمس دقايق ))
لا حول هاي يايه تحاسبني على حلالي ، ما أعرف أرد عليها واشوف شو تبا ولا أطبها ، اممممممممم خلا تحترق شو بتسوي يعني ، بس شو هالشي الي تباني فيه
ما حسيت بعمري الا وأنا أدق الارقام بس قبل لا ادق على اتصال
مسحتهم ،ولا الكون كله يخليني أخون حصة
شليت المبايل وكتبت مسج (( شوفي يا بنت الناس ، لا ادقين ))
بس لحظة شو هالمسج البارد مب لازم مسج شوي جامد عسب لا ادق أوووووف
مسحت المسج وشفتها تتصل ، شكلي ما بخلص من هالانسانه
رديت عليها
مبارك :ألووووووو
آمنه :هلا مبارك ، شحالك
مبارك رفعت واحد من حياتي : سمعي شيختنا مب وقت شحالي وحالج قولي شو عندج عسب اقولج شو عندي وتصكرين
آمنه : زين بس دخيلك اسمعني لين الآخر
مبارك :زين يلا ارمسي اسمعج
آمنه : أنت تحب حرمتك شوف أنت كيف تحب حرمتك وما تقدر تعيش بدونها أنا أحبك نفس الشي والله نفس الشي وأكثر بشوي شوف نفسك وقارن بحالي ما بغمضك ما بتحس بمعاناتي أنا ما ابغي منك شي والله ما ابغي اعتبرني أختك ما يخصك أنا شو اعتبرك
سمعتها مستغرب : ومن وين يايبه كل هالحب من وين تعرفيني ولا مرمستني عسب تحبيني جيه لا تقوليلي من أول نظره
آمنه :من أول مرة شفتك في حياتي ، ما بقولك الحين متى مع الايام بتعرف بس أنا حاولت انتحر بليله عرسك
مبارك: شوووووووووو
آمنه :والله ما جذب عليك
مبارك: الحين شو المطلوب مني تنتحرين ولا غيره هذا شي بينج وبين ربج أنا ما يخصني اذا أنتي ما عندج ايمان ، ومب متربيه أنا شلي ، بعدين أنا منو بالله عليج الا انسان وأنتي من صوتج شكلج صغيره شو تبين فيني دوري انسان بيبادلج هالشعور ليش تبني اعلقج
آمنه:أنا نصيبي جيه دخيلك أنا جيه راحتي
مبارك : مب عارف شو المطلوب مني الحين ؟
آمنه : ولا شي بس اتصل فيك اخذ اخبارك بين كل فتره وفتره ما بزعجك بس بطمن عليك
مبارك : زين أوكي
آمنه :مشكور مبارك وايد مشكور
سمعت صوتها تصيح
:ماله داعي للصياح الحين اسمحيلي فداعته
آمنه :الله يحفظك
صكرت التلفون مستغرب كيف رضيت كيف قتلها دقيلي ، بس غمضتني شو هالحب الي تحبني ياه معقوله هالانسانه من وين تعرفني أنا هاي ابغي اعرف شو سالفتها ، أيام بس اذا جافيتها ورمستها باسلوب خايس بتغير رايها ، بس اذا ما رضيت بتزعجني بتلفوناتها عسب جيه خلا أكون حليم شوي وافتك من هالعله الي ما أعرف من وين طلعت لي ؟؟؟؟؟؟ بنشوف أخرتها وياج يا آمنه ؟؟؟

[♥} آمـل الـ عٍ ـشآق ♪]

في السيارة
شما

شما :لحظة لحظة ، فراااااااس وقف عند بيتنا هني بنزل
عواش:يلا عاد ، دلاعه مستويه ابويه قام يسأل ليش ما تين عندنا
شما:أنتي جب ما يخصج ، مب مستحيه تسأل بعد ، أقول الي يباني يني ، تبيني تعالي عندنا مب كل مرة بي عندكم
فجيت الباب ونزلت من السيارة شوي والا شفت عواش نزلت وراي
ودخلنا بيتنا
قالتلي بصوت واطي :أول مرة أشوف بويه تخاف من الابره
صديت عليها :دخيييييييييييلج وقفي علي صوتج شوي خلا اذا في حد في البيت يسمع
طالعتني مبتسمه : يلا انزين سيري داخل بسير بيتنا
شما:لاء والله ليش نازله عيل جان نزلتني عند باب بيتكم
عواش:عسب خاطرج دخلت
غمزت لها:بعد شوي عبدالرحمن بي تعالي
عواش:شمييييييييييم عبدالرحمن أخويييييييييييييييييييييييه ، عن النغزات
عويت بوزي:زييييين روحي بيتكم انجلعي من جدامي دام ما تبين اخويه أنا ما اباج
شفتها تضحك وراحت مسوده الويه
دخلت الصاله شفت عبدالرحمن يالس ومعطني ظهره يطالع تلفزيون
تجدمت صوبه : ليش بعد هالكاب في البيت
ما صد عليه رحت صوب القنفات وانسدحت على قنفه :رفعت كم عباتي : تصدق الابره لين الحين تعورني حشا اول مرة سستر ايدها جيه ثــ.. .. ثــ
خالد :ثجيله قصدج بلاج بلمتي
فتحت عيني هذا خالد كيف ما نتبهت أن خالد الي يالس مب عبدالرحمن
نزلت كم عبادتي وعدلت شيلتي وشليت النظاره من ويهي :أنت
خالد مبتسم : هيه أنا ، ليش شليتي نظارتي كانت لايقة عليج
عويت بوزي وطالعته باستخفاف :مب هذا بيتكم ، البيت الثاني ، ونظارتك ما باها وفريتها على الطاوله
قام خالد وشلها ورد لبسني اياها وأنا اطالع هاللئيم باستغراب
شما :حوووووووو ، وايد ماخذ راحتك
خالد : مب مشكلة ، تراج حرمتي ليش ما اخذ راحتي
فجيت عيني وثارت فيني براكين نسيت النظاره الي على ويهي ونسيت ابتسامته اللئيمه وقتله باندفاع
شما :شو اقووووووووووووووولك زوووووووووووول احسلك
ابتسم باستخفاف : شما قبل كم سنه ، تذكرين رسالتج الي طرشتيها لي مع عواش
وتذكرين كيف حرقتها جدام عينج ، تذكرين شو كنتي كاتبه فيها
ولد عمي ما اعرف شو اقول بس بصراحة أحبك ههههههههههههههههههه
خالد: الحين يعني عسب حرقت الرساله جدامج وابتسمت ، حاقده عليه ويايه تقنعيني أنج نسيتني ، لا لاء ما اروم اصدق جذبج
قمت من مكاني :حووووووووو أنت مصدق عمرك وايد ترا ، اسمع لو مافي ريال في الدنيا أنت آخر من بفكر فيه
خالد: هيه اقول يلسي يلسي ، مب ميت عليج أنا
قمت من مكاني ورحت عنه فوق هذا سخيف وياي يستخف دمه هني شوي وانا طالعه الدري سمعت صوت عبدالرحمن يرحب به ويقوله اسمحلنا على التأخير هيه ياي عند عبدالرحمن يعني اشوة فكه من ويه السبال خلا يظهر من بيتنا ما ابغي اشوف ويه لاء ونه حرمتي شو سالفته هذا نظرته تقولي كني كاشفنج بس هو شو كاشف فيني أنا متأكدة أن مشاعري له من زمان انمحت وبالنسبالي مجرد ولد عم شو الشي الي ماسكنه عليه هالانسان ؟؟ يلا الايام بتبين ؟؟؟ رحت حجرتي وفريت نظارته على الطاولة ، كنت ناويه اكسرها بس بعدين قلت بكسرها جدامه السبال ؟





عند باب بيت بوناصر
سلطان

طالعت ساعتي أوووووف الساعه ثنتين خيبه يا الحر أووووف صارلي خمس دقايق اترياها متى تي هاي
رحت صوب سيارتي ووقفت عندها أووووف متى بتي هاي بعد ، بلشتنا بلشة وياها
شوي والا لمحت سيارتهم يايه ، هذي مافي غير هالفرصة ، لازم أستغلها
وقفت وطالعتها وهي تنزل ، يا ربي شو اسوي عسب تنتبه أني ابغي اكلمها
مسكت تلفوني وحطيت السماعه على اذني: اسمع ......ابغييييييك ضروري دخيلك اتصل ، 050:!!!!!!! الرقم مب صعب ، مرة ثانيه 050:!!!!!!! :دخييييييلك شامس الموضوع ضروري خست اليوم اترياك في الشمس
شفتها دخلت داخل يا ربي ان شاء الله فهمت عاد تنهدت ودخلت بيتنا ؟؟
أول ما حدرت شفت يدي يالس : مسود الويه
سلطان:نعم
يدي: عمامك بيون اليوم
سلطان:ايييييييييهييييييييييي شو يبهم بعد
بو ناصر:عيالي ويايين
سلطان: مع حريمهم
بوناصر:هذيل حريم عمك شو حريمهم بعد
سلطان: الحين رد مب وقته
بوناصر:هيه ويا عماتك
سلطان:شووووووووووووو عماتي أي عمات ما احيد ابويه عنه خوات وحريم عيالك يهبن عماتي ونه عماتك ، اسمع أنا برقد فوق يا ويلك لو قلت لهم أني فوق فاهم

رحت عنه ناقص أنا ؟؟ ناقص عوار راس وخقة حريمهم عنبو روحي مب متفيج اجامل حد ؟؟ سرت فوق وأنا اطالع مبايلي وابتسم متى بدق هاي ؟؟

[♥} آمـل الـ عٍ ـشآق ♪]

شمسة

ركضت لغرفتي وأنا ارتجف رقمه علم في بالي شو سالفته هذا شو يبا مني شو يبا ، ليش قصدني ليش قال شامس ، زين يمكن أنا ظالمتنه وربيعه اسمه شامس
زين ليش يعلي صوته ، ليش كان يطالعني ، نظرته غريبه شو فيه غير هذا الانسان ،شو يبا مني بالضبط أنا عمري ما خنت هلي وكل تفكيري أني بحب الانسان الي برتبط فيه والحين شو يبا مني هذا ، وليش واقف في الشمس ، ليش
لحظة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قال خست اليوم اترياك ، لو ربييعه ليش ما بيكلمه الا تحت الشمس ليش ؟ يعني مثلا ماشي ارسال داخل بيتهم مستحيل ، مستحيل أكيد في ، أووووووووف ، بشو يباني ؟؟ أنا ما اقدر أدقله لو شو ما أقدر أدقله ، ما اقدر ، بس يمكن يباني بموضوع ضروري ، وشو هالموضوع الضروري هو ما قال يباني أنا يالسة اتهيأ ، وافكر بالي اباه ، أنا اليوم العصر بسأل أمي عنهم أبغي أعرف منو هذيل ، وشو سالفتهم ويانا ، اليد مثلا كان يحب أمي ورفضته وياي حفيده ينتقم مني الحين ، بس أنا شو يخصني ، لو امي ما بغت يده ، صدق أنا مخي كبير وتخيلاتي واسعه شو هالخرابيط الي يالسة أقولها ما أصدق ما اصدق أن هالانسان هالويه البرئ ممكن يخون ممكن يجذب ممكن يلعب شكله كتكوت ، بس داخله شو شو يا رب ، الله وحده يعلم ؟؟؟ ما أدري ، ان شاء الله ما اتهور وادق له ؟








في الشارع
هزاع

طالعت الشارع بضيج أوووووووووف ويا هالزحمة الي مب راضيه تخلص ، تذكرت فطيم ، شو السالفه بلاها فطيم اليوم ؟
وقفت عن الاشارة الحمرا وتذكرت لما اتصلت فيها
هزاع:الوووووووو
فطيم:عله
هزاع:خيبه بلاج
فطيم: شو تبا
هزاع: أقول يمكن أتغدى في شقتي
فطيم:انقلع
وصكت التلفون في ويهي غريبه دومها فطيم مزاجها بارد ليش حسيتها اليوم مقهورة يا ناس أول مرة احس هالانسانه منفعله ومقهورة عسب جيه خايف ليكون تخبلت ، شو تتخبل من وين بحصل وحدة شراتها بعدين وحدة مريحتني ليكون قامت تغار وتحس شرات باقي الحريم آآآآآآآآآآآه شو هالورطه تغار يعني تحاسبني يعني بروح وطي يا ربي أنا كنت مرتاح واحمد ربي كل يوم على هالحرمه الي مرتاح وياها وبارده الحين عرفت قدر برودها الي كنت اتشكى منه
واحذر شر الحليم اذا غضب ، بس شو الي مخلنها محرجه جيه
دخيلج فطيم دخيلج أي شي ولا تصيرين شرات باقي الحريم يا رب لا تغيرها عليه لا تغيرها عليه يا رب ، خلها جيه بارده
بلعت ريجي لما حسيت عمري في الجاراج وصلت أووووووف
نزلت من السيارة ودخلت البيت وأول ما دخلت انصدمت من الي شفته معقوله هاي الي جدامي فطيم ، خييييييييييييييييبه شو مستوي ؟؟؟
حركت بعيني على الصاله شفتها منعفسه وسالم يالس يلعب بمخدات الي على القنفات وعاقنهم كلهم تحت وياكل كافي وموصخ عمره وفطيم يالسه فوق ولا لها مزاج لحد شكلها ومب مفتكره بالمكان ولا بسالم ، غريبه
قلت بلهجه مستغربه جني بقره شايفه حريجه وأنا فاج عيني و بصوت عالي : لاء دخيلكم لا تقولون ،وش هالذي عيني تشوفه ، في حلم أنا ولا في علم ، لاء ما اصدق بيتنا هذا لاء لاء ، داخل بيت غلط الظاهر ، يا ناس هذا بيت فطيم ، فطيم كيف يالسة والمخدات على الارض
ولا المصيبه كلها سالم موصخ عمره ويالسه عادي ، يالله كبيرة عند ربج أنتي فطيم لاء لاء ما اصدق شو صاير في الدنيا ، ههههههههههههههههههههههههههههههه
، شو الحاله النفسيه ووسواس النظافه بعدها ما ظهرت ، زيران النظامه الي عندج بعدهم
شفتها طالعتني وجنه براكين تفور من عينها غمضت عينها واستغفرت وصدت الصوب الثاني
فجيت عيني : شو هذا معصبه خير شو مستوي في البلاد ، قمتي تحسين يعني شرات باقي الناس ، وتنفعلين وتعصبين
رحت صوبها بسرعه ومسكت ايدها وقربتها من عيني: الحين بتقنعيني أن هالوريد فيه دم يعني فيج دم شرات الناس وتحسين وتعصبين يعني مب بارده
سحبت ايدها بقوه وطالعتني : أنت شو ما تحس مافيك احساس ما يايبلي الا ويع الراس ، عنبوك سير شوف الريايييييييييل واتعلم ، ثلاث
وشددت الكلمه وقالت بغيض : ثلاثـــــــــــــــــــــــــــــــــه يايني اليوم البيت عشان حرمه، ولا حرمه ما تسوى وانت آآآآآآآآآآآآآآآآآه منك ومن أرفك
فجيت عيني : شوووووووووو أي رياييييييييييييييييل
طالعتني بغيض : تخيل تخيل هزاع ، حارب ، ونصووووووور وابويه حتى ابويه
تنهدت براحه وتساندت على القنفه :دخيلج حارب أخوج والثاني أبوج وناصر عمج وعمي مب يعني أنه بسنا تقولين نصوووووور متى بتعقلين انتي ، ووينه ليش ما قربتي بهم ما تريوا لين الغدا
فطيم : شوووووووووو تباني اقرب بهم بعد
عويت بوزي :خير شو مستوي
فطيم بغيض وألم وقهر : تخيل شو يايين يبون ، تخيل ثلاثه يا هزاع استلموني
هزاع:ههههههههه فطيم ، صح ثلاثه بس متأكد غسلتيهم غساااااااااال ،فطيم ما اعرف لسانج أنا
فطيم:طالعتني بقهر : اسمع ادق الحين لحارب وتقوله حرمتي ما بتروح وياكم
هزاع:شوووووووو ، لا ابويه انا ما يخصني بينج وبين اخوج ، طلعيني من هالمواضيع بعدين ابوج في السالفه يعني تبين عمي يزعل عليه
فطيم : مب مهم
هزاع : فطيم أنا ريال شاري مخي طلعيني من هالسالفه اوكي
قامت جدامي بغيض وهي تحط ايدها على خصرها :لاء والله هي 3 يايييييين يدافعون عنها وأنا مب محصله واحد
سوتلي بيدها مالت عليك
فجيت عيني اطالعها :ههههههههههههههه زين قوليلي شو السالفه
يلست بغيض :كل السالفه يبوني اعتذرمن حرمه ناصر ولا شوف ناصر يايب ابويه وحارب عسب شو ما اقوله لاء أنا الحين اسير لين بيتها واعتذر منها هالطيطاره
هزاع:ههههههههههههههههههههههههههههههههههههههههههههه ههههههههه ، فطيم شو هالتشبيهات دخيلج ، ونه طيطارة هاي حرمه عمنا عيب عليج
فطيم:روح عنا زين
هزاع:لش أنتي شو مسويه ، شو قايله لها
فطيم:أنا مب قايله لها شي هي تعق رمسه والي يدق الباب يلقى الجواب
هزاع: يعني السالفه كلها من ورا حرييييييييييم ، زين انتي خليج اعقل منها وروحي صدقيني بتكبرين بعين الكل
فطيم : لو تموت جدامي ما اعتذر منها ، هاي يايه تخق علي أنا
هزع قتلها وأنا افج عيني : شوووووووو لاء لاء كيف تخق عليج أنتي ام الخقه كلها ما عنها سالفه تخق علييييييج جييييييه هيه منو أنتي فطييييييييم والاجر على الله
طالعتني بقهرو نقعت من الضحك عليها
فطيم:قول كلمه خير أو اسكت
هزاع ابتسمت : زين شو تبين اسوي
فطيم :ادق لحارب وتقوله انا ما ابغي حرمتي تروح ، ودام ريل بنتهم الي شورها عنده ما رضى محد يقدر يقولي روحي وأنت من راضي
هزاع لويت على جتفها وقربتها مني : زين يا ام سالم هاي كل السالفه ،أنا الحين بدق لحارب وبقول أني مب راضي تروحين بيت ناصر تعتذرين لحرمته مستانسه جيه
شفتها تشققت : هيه
هزاع : كله ولا زعلج عاد ، أنتي الغاليه ،أنتي الساس ،أنتي أم العيال ،أنتي ستري وغطاي وغمزت لها
شليت تلفوني ودقيت على الارقام وانا أطالعها مبتسم
هزاع:ألوووووووووووووووو مرحبا الساااااااااااااع ، هلا حارب .......... شو هالكلام الي سمعته ........لاء لاء أنا زعلان بالقو بعد ..... كيف تون لين البيت وتعبون عماركم ............جان دقيتوا تلفون واحد وأنا بكبري بيييييييييييب فطيم لين عندكم ............. جيه أنا ما اعرفها فطيم اعرفها ويا لسانها الطويل ..........لاء لاء وحليلها حرمه ناصر محشومه تلاقيها هي الي بدت وتحرشت فيها .............شو انا بيبها تعتذر لها غصبن عنها بعد .......... هيه كله ولا حرمه ناصر ..........
ما حسيت الا بفطيم ماسكتني من رقبتي وقالت بغيض :هزااااااااااااااااااااااااع

لا تظن إني بصدك محتسب
لا وربي الكون ما اتبع ثراك
لا تحرا عاد به رد وعتب
إنتهى كل شي وانهيته معااااك~~

[♥} آمـل الـ عٍ ـشآق ♪]

الــــــــــــــبارت الـــــــــــــــــــسابع


آآآه منك منقهر ولا بقا عندي صبر
لا تبرر لي خطاك ما أبي أسمع عذر
روح انساني خلاص وقول فرقنا القدر


بيت هزاع
هزاع

ما حسيت الا بفطيم ماسكتني من رقبتي وقالت بغيض :هزااااااااااااااااااااااااع
هزاع:هههههههههههههههه اجذب عليج ما دقيت والله ها شوفي
راويتها التلفون وشفتها تطالعني بقهر ، شوي شوي قامت تهدا
نقعت من الضحك :ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههه
شفتها ابتعدت وطالعتني مستغربه بس أنا ما قدرت طالعت ويها الي والع من الغيض وفيه علامات استفهام كنها تقول شو يضحك الحين بعد الي سويته
بس أنا طحت على الارض من الضحك شوي والا اعتدلت في يلستي :احم احم هههههه فطيم
طالعتني مستغربه : احلف ما دقيت
هزاع:هههههههههه والله ما دقيت
ناولتها التلفون: ها شوفي
فطيم وهي مب مصدقه وتطالع التلفون : يعني ما قتله الكلام ايل سمعته صح
يالله فطيم بتموت لو حد هان كرامتها لو شوي كيف خقاقه هالانسانه
هزاع: هدي فطيم ما دقيت
شفتها قامت تتنفس بقوه كنها تبا تكتم الغيض يلست على طرف القنفه وطالعتني بقهر :وهذا وقته تستخف دمك ، حسيت قلبي وقف
هزاع:خخخخخخ سلامه قلبج لا شو يوقف يعني تموتين وين بحصل حرمه شراتج بعدين
فطيم: الحين دق ، يلا خلصني بس لو قتله هالكلام بييب السجين وبغرسه في بطنك
هزاع:ههههههه زين زين خففي من هالكلام العنيف أخاف ولدي ولا بنتي الي في بطنج يطلع عنيف
طالعتني بغيض مكتوم ابتسمت على ويها ودقيت لحارب هالمرة صدق

فطيم

طالعت ويه هالانسان كيف بارد وما فيه احساس وقته الحين يستخف دمه وانا حالتي لله ونه ظريف مالت عليه ولا دمه
شفته يدق للارقام قرب التلفون لي
يراويني مكتوب حارب
هزاع:ألو مرحبا لساع ، هلا وغلا حارب ، شو ياييين عندنا اليوم ؟؟............ هيه ما تريتوا للغدا ...... المهم مب هذا موضوعنا .... شوف حارب ناصر غالي عندي وعمي ولو فطيم غلطت عليه هو جان صدقني ما برضى بس أنها غلطت على حرمته وتودونها لين هناك

طالعته شو يقول هذا غرصته من ايدي وقلت بصوت خفيف : ما غلطت
طالعتني وهو يهز راسه ويبتسم : ماعلي حارب هاي سوالف حريم وصارت بين الحريم ماله داعي نحن ندخل فيها ...... أنت على عيني وييتك على عيني بس اسمحولي حرمتي ما بتروح ...... أبغي اصلح بينهم بس ليش ما حرمه ناصر هي الي تي

هزيت له راسي موافقه على كلامه : صح ليش هي ما تي

شفته يضحك : خلاص حارب غير هالرمسة ما عندي ........ واستسمح من عمي
.......... يلا فداعته

طالعني : لو زعلوا عليه أهلج بهواج
فطيم : خلا يزعلون شو تبا بهم
هزيت راسي :الله يعينج الحين لو سرتي مب جان فكيتنا من لسانهم
فطيم:أنا اسير لهاي ولو تموت جدامي ما اعتذر لها

طالعني بمكر :عاد فطيم كل شي وله مقابل في هالدنيا ، صح
رصصت عيني وقلت باستهزاء :ادري ، بتطلب مقابل قول شو تبا
هزاع: ابغي اسافر ، ويا حرمتي دندون جيه يعني سفره خفيفه قبل رمضان
فطيم : هذوه الدرب ربي يحفظك
هزاع : زين ترا انا قلت لو ابويه يعني قال عنج وانتي حامل
فطيم: ما عليك ما بقول لحد أنك مسافر
هزاع :فديتج ويقولون لي كيف عايش وياج تراج ملاك تعرفين شو ملااااااااااك كيف مريحتني أنتي
فطيم: غريبه احيدك تسافر قبل ولادتي ، اذا سافرت الحين موعد ولادتي بتكون هني
هزاع: لاء هالمرة بحضر ولادتج ، المرة الي فاتت سافرت فيها ، هالمرة عندي حل بغلق تلفوني ، عسب مب كل شوي حد يدق ويتصل ويبارك وذا حشا ، بس بتم مشكلة وحدة ، أنتي
فطيم : لا تخاف من صوبي ما ابغي شي
هزاع: لاء أي عندكم اسلم عليج كل يومين
فجيت عيني :شووووووو وليش كل يومين ما يحتاي أنا بقولهم أنك يييييت بس دخيلك فكني
شفته ابتسم براحه وطرشلي بوسه في الهوا ورا ح
طالعته وهو يروح ، خلا يسافر مب مهم عنديه ، المهم أنه سوا الي ابغيه ، وما بعتذر منها ، يالله كيف اكرها هالانسانه مسويه عمرها ملاك وهي من هناك الشيطان بكبره ، عوذ بالله ؟؟؟

[♥} آمـل الـ عٍ ـشآق ♪]

الساعه : 4 الظهر
سيارة مبارك
حصة

كيف يهنالك منام
وأنت ظالم في الغرام
بعت حبي يا حرام
من بعد عشرة عمر~~


طالعت ويه مبارك الجامد وشفته كيف راص على السكان شفيه اليوم مب طبيعي
حصة : حبيبي
صد عليه مستغرب :همممم ، فيج شي
حصة : لاء بس اشوفك ساكت
ابتسم لي بحنان : اريحج من صوتي الا تعالي ، بلاه هالدكتور ما عيبني مول
حصة : مافي غيره
فج عينه : يالله مافي غيره ، كيف يعني ماشي حريم أنا ما ابغي دكتور ريال
حصة: هذا الي عنده العلاج لحالتنا
شفته تنهد وسكت مديت ايدي ورصيت على ايده : وين بتوديني
طالعني مستغرب : ليش وين كنت واعدنج
فجيت عيني : بروووووووووووك
مبارك :هههههههههههه ، بنسير نتغدا برع بما أن حضرتج يلستينا عند الدكتور صارلنا 3 ساعات
ابتسمت له : زين ، أصلا ما اشتهي ارد البيت ،أصلا مب يوعانه ما ابغي اكل بس برايه بيلس وياك أنت كل

رن مبايلي في هاللحظة فما رد عليه مبارك طلعت مبايلي من الشنطه وابتسمت : توأم روحي
مبارك : لا اله الا الله
رديت بسرعه : هلا وغلا بغناتي
صد عليه مبارك يطالعني وكأن الوضع مب عايبنه ،
ومب سوء حظي أن نحن عند الاشاره فربع ايده ويلس يطالعني
حصة : هلا فديتج ، بخير الحمدالله شحالج أنتي
توأم روحي : بخير يعلج الخير ، وينج
بعدها فج الثلاجة الي في النص وطلع ماي وياي يشربه
حصة : أنا ويا مبارك ،الا صح أموووون
ما وحالي اكمل الكلمه الا مبارك غص
حصة : بسم الله حبيبي اشفيك
بلع ريجه وطالعني : كح كح ها ماشي ، يلا قريب بنوصل رمسيها خلاف
حصة :موني سمعتيه
آمنه : هيه ريلج هذا ، الله يعينج بس
حصة :هههههههههه حرام عليج
شفت مبارك يطالعني بطرف عينه كنه عرف أني أرمس عنه
آمنه : يلا ارمسج خلاف
حصة : فداعته حبيبتي
آمنه : الله يحفظج
شوي والا بمبارك مبركن السيارة طالعت المكان : مبارك ، يايبنا البحر
ابتسم لي : هيه ، يلا نزلي
حصة : في هالحر
مبارك : هيه شعرفج في الرومنسيه هالايام الرومنسيه ، تقول كلام حلو وأنت تعرق
حصة : ههههههههه دخيلك أنت
فجيت باب السيارة ونزلت : مبارك شو بتاكل هني
مبارك : ما باكل شي ، باكل رمل شالراي
حصة :هههههههههه تسوي خير ، ما قتلي انك تحب الرمل ، جان ما تعبت عمري كل يوم وطبخت ، يبتلك رمل
طالعني بطرف عينه ومسكني من ايدي وسحبني صوبه : اييييييييييييه وين تبا
مبارك : شو وين ابا حرمتي
تمشيت وياه وهو لاوي على جتفي حسيت شوي بخجل صح المكان ما فيه حد ونادر ما تلاقي حد يمشي خاصه أن ظهر وحر بس بعد نحن في مكان مفتوح وممكن أي حد يمر
رحنا صوب البحر ويلسنا على الرمل
شفت مبارك يطالع البحر ، شفتو نظره الانسان المهموم ، هاي كانت نظرته ، بس ليش ؟؟ ما أعرف ؟؟
مبارك : هالبحر بشو يذكرج
ابتسمت وهالمرة تقربت منه ونسيت حياي وحطيت راسي على جتفه : امممممم فيك ، تراك شراته غدار
صد عليه وقال بجديه : أنا مب غدار أنا احبج
استغربت رده فعله الجديه وايد وطالعته مستغربه : امزح وياك حبيبي
ابتسم لي ورد طالع البحر
نظرته غريبه ما فهمتها
مبارك

روح وانساني خلاص
وقول فرقنا القدر~~
ياما دللتلك دلال
واعتبرت أنك مثال ~~

[♥} آمـل الـ عٍ ـشآق ♪]

طالعت البحر وأنا مضايج ، ليكون هاي آمنه تلعب على الحبلين ليكون قالت لحصة ، يا ربي مب ممكن تكون هاي ربيعتها آمنه وحصة مطرشتنها تختبرني عيل ليش تقولي غدار بنفس اليوم الي كلمتني فيه آمنه ووافقت تكلمني كل فتره وتاخذ اخباري ، يا ربي ارحمني ما اعرف الي اسويه صح ولا غلط ، يمكن شفقت عليها ، بس الانسان الي بيفكر مجرد تفكير يخرب بيني وبين حصة عادي مب الا احرق قلبه عادي اخد قلبه على الارض وادوسه بالسيارة رايح ياي هاي حصيص هاي الغناه
حطيت راسي على راسها الي متساند على جتفي : حر حصيص
حصة : ههههههه أنت يايبنا
مبارك :يايبنج عسب اقولج كلام حلو عند البحر ، عسب تخقين أن ريلج رومنسي
شلت راسها ويلست جدامي وتربعت : مبارك عاد بليل ايبني وفي قمر والجو شوي حلو ، مب الحين
مبارك :هههههههههههههه ، اوكي بنيلس لين بليل لين ما يطلع القمر عسب اقولج كلام حلو ، شرايج
ابتسمت لي بمتعه وطالعتني : صدق لين بليل ، بنتعب
قلتلها بحماس :أنا ما بتعب
ابتسمت لي بدلع وصدت صوب البحر : آآآآآآآآآآآآه دخيلج كله ولا هالدلع لا تخليني اتهور
حصة : هههههههههههههههههههه
يت حصة وقعدت حذالي
بغيت اصد لها بس سمعت تلفوني يرن لما طلعته من مخباي شفت رقم آمنه
حطيته صامت وحطيته بمخباي
شوي والا وصلني مسج
فتحت المسج

(( لاء والله ليش حطيته صامت ، ولا عشان يالس وياها ، ماعلي البحر وايد حلو وياها ))


طالعت المسج مستغرب يعني هي هني تشوفني تلفت حولي مافي حد غيرنا
رديت طالعت البحر ، لحظة ليكون في وحدة من السيايييير
وهالمسج شو ان شاء الله ، تهديد ، ولا تحاسبني ولا شو ، منو هاي بتخبركم ، ياي تحاسبني على شو على حلالي ، زين ماعيل يا آمنه أنا براويج ، لحظة حصة ما قالت لربيعتها آمنه انا في البحر يعني مب حصة الي مطرشتنها يعني هاي مب ربيعتها ، يعني السالفه الي قالتها صدق هاي تحبني ، حبها برص ان شاء الله
صديت صوب حصيص ، يا ترى أي سيارة هي الحين
تقربت من حصة بسرعه وطبعت بوسه طويله على خدها ، شفت ويه حصة ينكمش
حصة : ايه مبارك ، شو تسوي تخبلت
مبارك : هههههههههه بلاج الا بوسه بريئة
ان شاء الله شافت
لويت على جتف حصيص وابتسمت : خلا العواذل يموتون حصيص
طالعتني حصة مستغربه : مبارك أي عواذل
مبارك : ماعليج
سمعت صوت المسج وابتسمت الصراحة طلعت مني ضحكه خفيفه وخلت حصة تطالعني باستغراب
استانست تأكدت أنها شافت
شليت مبايلي وفتحت المسج
(( لا تخليني انزل اجتلها الحين ))طالعت المسج صراحة حرجت

طرشت مسج لها

(( لو تموتييييييييييييييييييييييييييييييين جان فيج خير ولا في أمج خير انزلي أشوف ))

طالعت حصيص : قومي غناتي شرايج نسبح
حصة :شو أي نسبح ن تباني انزل بالعباه
مبارك : لاء عيل بشو بتنزلين ، شو تتحرين ريلج ، يلا قومي لا تخليني افرج في البحر
حصة : مبارك عاد ، اليوم شفيك تخبلت
مبارك :هيه من زمان متخبل أنا
طالعتها وبحركه سريعه طبعت بوسه على يبهتا وخدها اليمين وخدها اليسار
دزتني حصة من صدري : حوووووووووو بلاك مبارك نحن مب في البيت
مبارك : هههههههههههههههههههههههههه ، حصيص يلا نروح البيت ، بردج بليل
حصة : قلت بتم لين بليل ما يخصني
مبارك : هههههههههههه زين خلاص برايج بنتم ولا تزعلين
مديت ريلي على الرمل يومنا اليوم طويل ، ما نروم نكسر بخاطر الشيخة حصة طلعت مبايلي من مخباي وغلقته ويلست اسولف ويا حصيص وأنا اتأمل الليل يطلع بسرعه عسب تشوف القمر ونرد ؟؟؟؟؟؟؟؟؟؟؟؟؟

بيت ميرة
شمسة

انجلبت الصوب الثاني وأنا اتافف أوووووووف ويا هالنوم الي مجافني اليوم ، معني راده من الدوام هلكانه أبغي ارقد ، الله يسامحك يا سلطان
صديت صوب الساعه الي على الطاولة الي عند الشبريه أووووووف 5 ونص
قمت من الشبريه ورحت اتغسل ،

اممممممممم طالعت ويهي في المنظره وايد اشبه أمي يعني ، لو أن شعري أنا اسود فحمي وشعر أمي مايل للبني الفاتح لكنا توأم ، طبعا مع فارق السن الواضح
نزلت تحت وشفت أمي يالسة تطالع تلفزيون رحت يلست عندها وصبيت لعمري جاي حمر
يلست وحطيت ريل على ريل ، لازم أكون واثقة من عمري لما ارمسها عسب لا تشك
شمسة : أمايه يسلم عليج ريال
صدت صوبي : ريال منو هالريال
شمسة : يارنا
ميرة: يالله مداج تتعرفين على اليران ، بعدين مسوده الويه شو مودنج عند الريال
شمسه : لاء ريال عود شافني ذاك اليوم وسلم عليه وتعرفين سولف شوي تعرفين حركات الشياب
عوت بوزها وطالعتني بطرف عينها : الله يسلمه
طالعتها وأنا اركز على ملامح ويها : يقول يعرفج ، وسلم عليج سلامن كثير ، حتى أول ما شافني تحراني أنتي
صدت لي بدون اهتمام : ومنو هالريال ، ما قال اسمه
ركزت كثر ماتتخيلون ، تعرفون الي سهران طول الليل يذاكر وثاني يوم يقولون هذا امتحانك ما بتعيد السؤال غير مره وحدة كيف يركز ويسمع السؤال بكل حواسه أنا ركزت كل حواسي النظريه والحسيه والسمعيه حتى اللمسيه كانت شغاله وقلت لامي
شمسة: حميد غانم ال..........
شفت ويه امي تغير وبلعت ريجها وطالعتني مستغربه : منو قلتي اسمه
عدت الاسم وأنا هالمرة مصدومه كل شكوكي في محلها كان بينهم شي قلت وانا اصد الصوب الثاني بعتب : حميد غانم ال...
شفت أمي طالعتني : وشو وداج عنده ،آخر مرة تروحين صوبه فاهمه
شمسه : ليش وحليله ريال طيب ، بعدين هو ما عنده حد في البيت
ميرة : حرمته بالبيت وما ابغي تعرفج ولا تسمع اسمج ما فيني انا على عوار الراس اخر عمري
انصدمت لاء انصعقت من كلامها : أمايه حرمته ماتت ارتاحي
طالعتني كنها متلومه أول مرة في حياتي أشوف أم جيه متلومه من بنتها ، الا في حياتي ما ظني بشوف ، غريبه ، هاي أمايه ميرة معقوله ، دخيلك يا ربي لا تصدمني في أمي
شمسة : كان خطيبج
ميرة :شوووووووووووو ، لاء ما كان خطيبي
كملت أمي الرمسة : شمسه ، هالسالفه ما ابغيها تنطرى في بيتي فاهمه ، لا هالسالفه ، ولا اسم ولا سيرة هالريال ، واذا فكرتي مجرد تفكير أنج تروحين عنده ، هيه لا تطالعيني جيه أعرفج ، بحش ريولج حش أنتي مب صغيره الحين اعقلي ،

قامت أمي من مكانها راقبتها الفرق بيت امي وهالريال الي هو بوناصر كبير يعني أظن لما كانت أمي 10 يمكن كان هو 25 خلا نحسب 25-10يساوي فرق 15 سنه
نقول عرس بوناصر وهو 15 وياب ولد ولما ولده صار عمره 15 سنه صار عمر بوناصر 30 وعمر امي 15 لما ولده 20 امايه بتكون أكيد 20 يعني قد ولده اذا ولده ابو سلطان من عمر امي اكيد بيكون له ولد من عمري ودام انه عرس قبل امي اكيد ولده بيكون اكبر مني بكم سنه وهو سلطان
يعني جيه السالفه اوكي عمره 35 أمايه 20 أمي قالتلي أول واحد خطبها كانت في العشرينات يعني هو مافي غيره هو 35 وهي 20
هاي السالفه شفتوا شو فايده دراستي الجامعه ادرس محاسبه على الفاضي ، هههههه
ويت شو يضحك أنا توني مستغثه ، خلا افكر شوي شو سالفتهم كانوا يحبون بعض واهلها رفضوه لانه كبير ، ولا لانه متزوج ، ولا هو كان يحبها وهي تشوفه مثل ابوها ، يا ربي راسي مفتر بس تأكدوا دوم الي في بالي يكون صح فثقوا بكلامي توقعاتي صح
تساندت على الكرسي : اممممممممم سلطان ، شو سالفته سلطان ليش عايش ويا يده ، امه وابوه وين عايشين داخل بس ما جد شفت حد ، ولا سمعت حس حد
أنا شكلي يبالي يلسة مطوله ويا امي لو ما رضت ترمس ماشي غير بوناصر وهي بهواها يا ترمس يا بضطر ارضي فضولي بأني اساله ؟؟؟؟؟ تنهدت وطالعت الصاله الي فاضيه مافيها حد ؟؟؟؟الله يعني فضولي وين بيوصلني ؟؟؟

[♥} آمـل الـ عٍ ـشآق ♪]

بيت بو ناصر

سلطان

قمت من النوم وأنا أحس عمريه مصدع أووووف الساعه كم ؟؟؟ شفت الساعه الي حذالي
ست ونص ، محاظرتي مب جنها ثمان ونص ايهي قمت وأنا متنرفز لحظة هذيل راحوا ولا بعدهم
تجدمت قبل لا اسوي أي شي وفتحت الباب وقربت صوب الدري سمعت اصوات
شو هذيل ما يحسون ، شو هالزيارة الثجيله وايد طولوا ما يدانون يدي ولا يون الا في الشهر مرة بس يوم يوووووون شو يوديهم اففففف منهم لحظة شمسه
رحت صوب المبايل شفت في مسكول بس لما فتحت شفت من رقم تلفون يدي
شو هالحركات بعد ليش داق ، عسب انزل لهم فاضي هذا بعد
رحت الحمام عزكم الله وتسبحت ، طلعت وأنا انشف ويهي بالفوده رحت مرة ثانيه صوب المبايل على وعسى تكون دقت بهالوقت
بس للأسف مافي شي ، ماعلي يا شمسه تتغلين ونج ، أن ما خليتج ادقين بعدين وتحترقين وتنتظرين أني ارد زود عن الي يالس انتظرج فيه
تنهدت ورحت اغير ثيابي ، منو بيكون تحت الحين عمي حمد وعمي حميد
وحريمهم وعيالهم
بس كأنهم وايييييييييديييييييييييين كأنهم الا اكيييييييد وايديييييييييين عوذ بالله من هالناس ما تستحي ، الزياره ساعه كم تامين هذيل ليكون ناوين يباتون بعد ؟؟؟؟؟؟؟
تعصمت بغترتي وشليت لابتوبي ونزلت تحت
أول ما وصلت الصاله شفت الانظار كلها يت صوبي
سلطان : السلام عليكم
الكل : وعليكم السلاام
رحت صوب يدي وبسته على راسه على الاقل جدامهم
سلمت على عمامي بالمثل
ويلست على القنفه مب خوفن منهم والله ، لكن عسب ما يزيدن بالرمسه عليه ، وخاصه حريمهن ، عسب يشوفني زين لان لو ما كنت زين مع يدي وعمامي يفرحن هالشي وانا اسمحولي ما اعرف اسوي شي افرح فيه حد عسب جيه بكون زين ويا يدي على الاقل جدامهن
يلست على القنفه سمعت يدي : الله يرضى عليك ، بتروح الجامعه
صديت عليه : هيه بروح بعد شوي
حرمه عمي حميد : قومي مويز صبي لولد عمج جاي ولا قهوة
طالعتها باستخفاف هذا بيتنا اظني ، صديت صوب مويز الي يقولون عنها شفتها يالسة عندي
الظاهر أني يلست على القنفه ومب منتبه منو يالس فيها صديت صوبها : ليت تصبين جاي
موزه : ان شاء الله
قامت صبت لي جاي وناولتني وردت مكانها ، استغربت ليش محمره عنبو ليكون تستحي مني
صديت الصوب الثاني وأنا اعوي بوزي
مرت عمي حميد : أي جامعه انت سلطان
طالعتها هاي محد غيرها الفضوليه شو تبا فيني مليون سؤال بتسأل أم المناكر : جامعه الــ؟؟؟؟
طالعتني باستهزاء : هيه
حرمه عمي حميد : حذال جامعتكم موزة :
موزة : هيه امايه
صديت صوب موزة : ليش أي جامعه انتي
موزة : زايد
حرمه عمي حميد : وبعدك هندسة ولا غيرت
قلت وأنا احط الجاي على الطاولة الي جدامي : لا بعدني ادرس هندسة
قمت من مكاني : استرخصكم أنا عيل
بوناصر : زين الله يحفظك
طلعت وانا ابتسم ، بالعاده نفاد ينفدك ، محترم يدي يوم يوووون وهاي الفضوليه شو تبى بي هالقد اساله ، ولا ونه غيرت تخصصي عنبو كل الناس الحين يدرسون هندسه مستكثره عليه ليش ادرس صدق حريم شو تبين انتي ادرس ببيزات يدي مب بيزات ابوج ، ويدي الا فتره وبعدها بيروح و بتحوشون على كل شي ، مستعيله على شو هاي ؟؟ يالله تعيني ؟؟
ابتسمت باستهزاء مستكثره عليه اأمن عمريه بشهاده بعد ، يالله كيف حسودين وما يبولي الخير ، شو هالعالم ؟؟؟

[♥} آمـل الـ عٍ ـشآق ♪]

الساعه 7:50 مساءاَ
على البحر

مبارك
حسيت بايد حصيص
سرحت شوي في البحر ، بعد ما رديت من صلاة المغرب الي صليتها في المسيد الي حذال البحر ، والظاهر سرحت وايد مب شوي
حصة : ههههههههههههه مبارك نمت شو
يلست عدل في مكاني بما أني ميلسنها مكان بعيد شوي ما كان فيه ناس وايديدن معن الناس بدوا يون بس الجهه الثانيه والي يمر في حاله محد يصد لحد هالايام يعني لو مب حصيص وياي جان رقدت ومحد قالي ليش راقد ، الا جان يو وقالولي تشوه المنظر العام ؟؟
ابتسمت وشفت حصيص : ساعه كم
حصة : ثمان
صديت صوبها : خافي ربج فيني عنبو
حصة : ما انتبهت انها بدت تظلم
طالعت المكان : هيه والله
صديت للسما وقلت بسرعه : هذووووووه القمر ، حصيص انا أحبج ، يلا قومي نروح البيت
حصة : هههههههههههه مبارك وايد عليك هذا الي قدرت عليه
مبارك : حصة عيزت عنبو من العصر يلا ، سرينا
قمت وشفتها يالسه تطالعني
حصة : يالسين كل هذا وتقولي نروح خلا نتعشا هني
فجيت عيني : لاء والله ، حصيص تعبت طالع من الدوام ويلسه عند الدكتور ويلسه وياج تشوفين القمر ، بعد شوي بيأذن العشا
حصة : هذوه المسيد روح صل شرات العصر والمغرب صليت ورديت
مبارك : العصر والمغرب رديت لان قمرج ما ظهر الحين شفتيه ،
شفتها عوت بوزها وقامت رفعت واحد من حياتي : بعد مب عايبنج حرم مبارك ، يلا يلا
ابتسمت في داخلي على حصيص ، بس وقفت نص الطريج
وصديت صوبها شفتها طالعتني مستغربه
مبارك : شوفي القمر ،انتي أحلى منه
حصة : ههههههه تحاول تقول كلام حلو
ابتسمت لها : شو بلاه كلامي ما يا جدام عينج ميلسنج لين ما تشوفين القمر وقتلج هالكلمتين ، ما بيظهر مني زود في هالمود ، وهالجو أووووف هلاك
ابتسمت لي ومشت ومشيت وياها رايحين البيت صراحة بصلي العشا وبرقد ما اقدر ، تعبت اليوم ، هلكت الا ؟؟؟

بيت بو عبدالرحمن
شما

يلست وأنا حاطه ريل على ريل وجدامي صحن فيه فراخ ومج ( كوب كبير ) متروس بيبسي ، كيف لا تسألون هذا المج مخصصتنه للاشياء البارده
ما حسيت الا بواحد يدفر ريلي بايده ويمشي
شما : حوووووووو عبدالرحمن
عبدالرحمن : مليون مرة اقولج نزلي ريلج ، شو واحد من الشباب انتي
شما : أـووووووووف
كملت الفلم الي اطالعه وأنا ساكته لو رديت بيسوي لي سالفه
شفته يطالعني بتدقيق ، يا ربي بيبدا الحين
عبدالرحمن : مضاربه ويا عواش
ابتسمت وصديت له : أشوفك تسأل عنها
طالعني باستغراب : ما سألت عنها
شما : عيل
عبدالرحمن :اسأل عنج انتي ، ما تروحين بيتهم الحين
طالعته وقتله بتهور : ولا بروح
طالعني مستغرب : ليش
شو اقولك الحين اخ منك يا لساني لازم ترمس :آآآآآآآه ماشي بس دوم أنا الي اسير خلا هي تي
طاللعني باستهزاء : سوالف يهال يعني
طالعته بمكر : ليش ، انا ابغي اضبطك
فج عينه وقالي وهو يسوي عمره متفاجئ : له له ، وليش بشو بتضبطيني
طنشت مصخرته وغمزت له : ويا عواش
شفته طالعني بضيج وقال : شمييييييييم ،أنتي صاحيه
شما : بلاها عواش
عبدالرحمن : أي وحدة الا عواش
طالعته وأنا معقده حياتي : لاء والله
عبدالرحمن : أنا من قبل اشوفها اختي ، والحين بعد ما عرفت انها كانت ترمس واحد مستحيييييييييييييييل
طالعته مستغربه : بس هاي بنت عمك وهي صغيره ومالها ذنب
عبدالرحمن : وانا شو ذنبي اخذ وحدة كانت ترمس
طالعته مستغربه : واذا تزوجت أي وحدة شو يظمن لك أنها ما كانت ترمس
عبدالرحمن : على الاقل ما اعرف انها ترمس ، واذا رمست قبل انا ما كنت اعرف وشي وانتهى ، بس هاي عرفت وجدامي انها ترمس بتم طول عمري بشك بها ، بعدين أنتي كيف تحقينها عليه أنا أخوج

استغربت وايد وضجت بعد من رمسة عبدالرحمن كيف يفكر بعواش ، عواش مب مثل ما متصور

شما : لاء والله
عبدالرحمن : شما البنت ما تباني ولا انا اباها انتي معورة راسج ليش
شما : لا تخاذها ، ما اقولك خذها ، بس ليش تفكر فيها جيه
عبدالرحمن : ما افكر فيها اصلا ، عادي حالها حال أي وحدة
شما : كيف أي وحدة هاي بنت عمك
عبدالرحمن : بنت عمي عندها أخوان أنا ماعلي منها ،أنا علي منج انتي وحصيص وبس
طالعته : شو هالانانيه
عبدالرحمن : وشو يخصه الانانيه بالله عليج
شما : يعني
عبدالرحمن : ما يخصه ، أنتي ما يخصج هاي حياتي انا ما ادخلت بحياتج ، ولا حصة يوم خطبها مبارك ما ادخلت ، هاي الحياة الزوجيه كل واحد ونفسه يعني تخص الشخص الي بيرتبط وبس
شما : ولو حد خطبها بتفرح لها
عبدالرحمن: اكيد هاي بنت عمي ، اكيد بفرح لها
على الاقل شوي حسسني بالراحه انه ما بيدخل ولا بيقولي تزوجي ، وأنه لو حد خطب عواش ما بيقول شي ، بس بعد
ضايجني بكلامه عن عويش ، وسكت عنه ما ابغي يزيد عبدالرحمن دايما يشوف عمره أن هو الصح ما احب ادخل وياه في مناقشات مالها اول من تالي واعور راسي على الفاضي

شليت وقايتي : أنا رايحه بيت عمي
ابتسم لي : مسرع ما حنيتي ، عنبو توج ما بتروحين
ما اقدر ما ابتسم لعبدالرحمن يوم يبتسم لي عبدالرحمن وايد طيب وحنون ويخاف علينا وايد بس بعد يقهر ويا افكاره الغريبه العجيبه الي ما اعرف من وين يهل علي بها

رحت بيت عمي لحظتها نسيت خالد وان ممكن يكون هناك رمسه عبدالرحمن عن عويش خلتني ابغي اروح ، اشوفها ، عويش اعز ربعي في النهايه وبنت عمي ، واختي الي ما يابتها امي يابتها مرت عمي هههههههه
أول ما دخلت بيت عمي شفت البيت فاضي الظاهر طالعين عمي ومرته ، وراشد كالعاده محد نادر ما اشوفه
نسيت لحظتها خالد ولا طرا في بالي ما اعرف ليش
ركبت للدري متوجه لغرفه عواش ولما وصلت لنصه
سمعت صوت من ورا ينادي وقفت مكاني اسمع
: شهااااااااااب
وقفت مكاني منو شهاب ، اوييييه ليكون حد ويشوفني مب ناقصة ، هذا مب صوت خالد
: شهاب شفيك تصنمت
وقفت مكاني بلا هذا خالد
صديت ورا وشفت خالد واقف اخر الدري
وقفت مكاني اطالعه
خالد : بلاك يا ريال ما ترد
طالعته مستغربه شو فيه هذا تخبل
صديت ورا اتأكد اذا في حد وراي بس ما كان في حد
طالعته وأنا مستغربه
خالد : هيه أنت أقصدك أنت تتلفت ادور منو
خيبه ليكون تخبل : خالد أنا شما
خالد : شما ، شهاب كله واحد ولا شرايج بنت عمي
طالعته مستغربه شو يقصد ، لحظة كأني فهمت قصده ؟؟؟؟
ما عرفت شو اقول : أنت ما يخصك
خالد :أنا ما يخصني ، بس عبدالرحمن وابوج يخصهم
طالعته مستغربه صدق نذل ياي يهددني ، بس مافي فايده الحين ، الكره في ملعبه : شوفي حرم خالد
فجيت عيني :شوووووووووووو
خالد: يا حرم خالد ، يا عبدالرحمن وابوج يدرون ؟؟؟؟ اختاري عاد !!!!!!!!

كشفتك وانتهى كل شي
بعد ما تنفع أعذارك ~~

[♥} آمـل الـ عٍ ـشآق ♪]

الـــــــــــــــــجزء الثامن

*
!! صدمتني فيك !!

باللي سويته من ثواني ..

{ يعني اش قصدك }

تبي تخليني منك اعاني ..

بيت بو عبدالرحمن
شما

يلست على الشبريه وربعت ريلي ، لين الحين مب مستوعبه الي قاله خالد حسيت برجفه في ايدي بعدها انتقلت الرجفه لكل جسمي ، قاومت دمعه في عيني تبا تنزل بس للأسف نزلت
غمضت عيني وأنا أذكر الموقف
خالد: يا حرم خالد ، يا عبدالرحمن وابوج يدرون ؟؟؟؟ اختاري عاد !!!!!!!!
طالعته مب مستوعبه : بشو يدرون
خالد : بالي فيج ، ما يندرى بويه بس ولا لج سوالف بعد
شما : شو أنت ما تستحي على ويهك شو يالس تقول ، أي سوالف
تجدم مني وطالعني بغضب : شو أي سوالف شوفي فديتج اذا هلج مدمغين وما يدرون تراني عارف كل سوالفكم أنتو البويات فاهمه
ما شفت جدامي لحظتها وركضت من جدامه بس ما وحالي الا بايد تمسكني :
خالد : اليوم شو الخميس ، الخميس الياي ابغي اسمع ردج ، جان ردج لاء نفس اللحظة بخلي عبدالرحمن وابوج يدرون بسوالفج ، وجان ردج هيه أنا بس الي بدري ، قالي باستهزاء : وشوفي عاد لو لاء ، شو بيصير فيج ، ما اظن لو قتلهم زوجوني اياها بياخذون رايج ، يعني في الحالتين بتاخذيني بس الفرق أن بتنفضحين جدام الكل ، عاد أنتي بهواج تبين الكل يعرف ولا حبيب قلبج خالد بس

هد ايدي بعد هالكلام الجارح والتهديد الصريح ، صديت عنه و توجهت لبيتنا وأنا يائسة مصدومه غضبانه كاره عمري كل شي تقدرون تقولون ، ودخلت غرفتي
ياربي شو أسوي لو عبدالرحمن عرف ، شو بيسوي فيني ، معقوله يجتلني ، أكيد ، وأبويه ، شو بيصير فيه ، كيف بستر على عمريه بأني أوافق أخذه بس كيف أخذه ،أخذ خالد خالد الي بسببه تخليت عن أنوثتي بسبب رفضه لحبي ، والحين يباني أوافق عليه ، بعد ما غرست كرهه في قلبي ، بعد ما صار ما يعنيلي ، لاء دخيلكم ، انا حالفه ما أخذه ولو شو ما باخذه ، وبشوف أخرتها وياك يا خالد ، لازم أمسك عليه شي قبل يوم الخميس عسب يوم الخميس أهدده بهالشي بس شو ، شو يا شما ؟ ومن وين بتيبينه هالشي الي بمسكه على خالد من وين ؟؟ لحظة عويش
مافي غير عويش ؟؟
رحت بسرعه صوب مبايلي ودقيت لعواش بنت عمي مثل المينونه :ألو
عواش:هلا وغلا شميم
شما : مب وقته سمعي عواش أي وقت خالد بيطلع من بيتكم دقيلي على طول أبغي أي عندكم ضروري دخيلج
عواش: شو السالفه شميم
شما : سوي الي قتلج عليه
وصكيت التلفون في ويها مب وقتها تسأل، أ رحت الحمام وغسلت ويهي وطالعت ويهي ،أنا ريال ومافي شي بياثر عليه ولين يوم الخميس وايد أشياء بتتغير ، وبنشوف يا خالد ، يا أنا يا أنت .؟.؟ دام تام برع فتره طويله لا حسيب ولا رقيب أكيد له قصة ولا قصتين الا قولي قصص حب يا رب يطلع متزوج وعنده عيال ، يا رب
أوووووووووف كيف أفكر وليش ما قال لاهله ، اذا متزوج ، ليش ؟؟ امممم ماعلي بنشوف آخرتها ؟
وان شاء الله أنا الي بكسب في هالحرب يا خالد أنا مب أنت بنشوف آخرتها وياك

[♥} آمـل الـ عٍ ـشآق ♪]

ثاني يوم
الجمعه
بيت ميره


شمسه

يا ربي اليوم ماشي دوام ما بشوف سلطان ، امممممممم ساعه كم الحين
خيبه مسرع ما صارت 3 ونص
وبعدين يعني أبغي اشوفه ، امممم ، رقمه انحفر في راسي بس ما أقدر ، ما أقدر اتصل فيه لو شو ما صار ما بتصل ، أنا بنت ناس وعمري ما فكرت بهالطريقه ، بس هالانسان غير ، هالانسان أحسه وفي ، أحسه برئ ،ما أتوقع أن هالويه يعرف بنات أو يرمس بنات أتوقعه صادق ، حساس ، رومنسي ، يعني مثل ما أبغيه هذا هو فارس أحلامي مافي غيره ، شو أسوي الحين
أسير بيتهم يعني ، يا ربي ارحمني ،،، امممم أمي ما قالتلي سالفتها ويا هالريال بوناصر ، مافي غير اخليه يخطب أمي ويتزوجها ويون يسكنون بيتنا ، عسب أقدر أشوف سلطان ويكون قريب ، لحظة وين سار تفكيري كيف أرضى ،أمايه تتزوج ،أمي أنا ، ويا ريال غير أبويه ، غير الانسان ايل طول عمريه أشوفه ، بس كيف ، كم أقبلها ما أقدر الصراحه ، بس لحظة ما فكرت في شي أمايه مب انسانه مالها احساس ، ليش هالانانيه ايل فينا ، بس منو الي قال أن بوناصر يباها وأنه خاطبنها قبل وأنه كان يحبها كلها تفسيرات وتبريرات من عندي ممكن كان ربيع أخوها وبس ، شو الي خلاني أفكر هالتفكير الامور بدت تتعقد ، الحين كيف أشوفه
اسير بيتهم وني ازور بوناصر ، بس ليش ازوره هذا يارنا مب من اهلي
مافي غيره
بطي
امممممممممممممم
طالعت أختي أسما : أسما بطي وين راح
أسما :أظني في الغرفه الثانيه ليش
شمسه : لاء بس اسأل
قمت من مكاني بسرعه وشفت أمي في ويهي
ميره : وين سايره
شمسه : ها ولا مكان هني ادور بطي
مشت عني أمي ورحت الغرفه الثانيه وين بطي وين راح هذا بعد
شمسه :بطوووووووي
بطي : نعم خالو
شمسه : وين كرتك
بطي : كرتي في الحوي ، ليش
شمسه : مب ناوي تلعب بها
بطي : الحين حر ، بعدين ليش خالو
شمسة :قوم بنلعب بها
بطي : الحين
شمسه : هيه الحين
هز راسه بطي بالموافقه وطلعنا برع ،اووووووف الساعه 3 ونص تقدرون تتخيلون الحر والجو والشمس ، وخاصة بيوم الجمعه بس مافي غير هالحل عسب أشوف سلطان

فر عليه بطي الكره و مسكتها بايدي
بطي : خالو بالريل مب الايد
شميه : كيفي أنا بكون حارس
مسكت الكره : بطي تعال أوقف هني
وقفته على اساس أن وراه يكون الايدار الي يفصل بينا وبين بيت بوناصر
وفريت الكره وابتسمت لما صبت الهدف وطاحت الكره في بيتهم
شمسه : اوييييييييييه
ههههههههههههههه ضحكت في داخلي على ويه بطي المصدوم
بطي : خالو كرتي طارت
شمسه : ماعليه الحين بنسير بنيبها من البيت الثاني
بطي : انا بيبها وبي
شمسه ":شو لاء لاء انا بي وياك

[♥} آمـل الـ عٍ ـشآق ♪]

بيت بوناصر

سلطان


آآآآآآآآآآآآآآآآآآخ عنبو ، رااااااااااااااااااااااااااسي ، عثره ، منو عق هالكره
سمعت ضحكة من التلفون
: شو حبيبي منو عق عليك الكره
لحظة منو هاي يالسة تضحك علي
سلطان:أقول قلبي أكلمج خلاف
وصكرت التلفون في ويها عنبو مب باقي الا هاي حطيت ايدي على راسي ويلست افرك المكان الي طاحت عليه الكره :آخ عنبو مب فره مره على راسي قاصدينها اشك والله اني مقصود
طالعت :لحظة هذا بيت شمسه ، ماشي الا ولدهم عنلاته من صبي خلا اشوفه جان ما لعنت خيره
سمعت جرس الباب يدق
رحت للباب وأنا محرج خربوا عليه مكالمتي ويا ربيعتي وهاي يديدة بعد ، أنا براويكم مسودين الويه
فجيت الباب وأنا محرج بس ، زالت كل عصبيتي أول ما شفت ويه شمسه ، يلست أطالعها إلا قولوا أتأملها
لابسة مخوره ووقايه بيت ويايه بيتنا ، امممم جنها ماخذه راحتها بزياده ، بالحل مسموحه دام عيني الي بتتمتع وبتشوف خلا برايه ، ابتسمت لها ابتسامه شقت ويهي
سلطان : مرحبا الساع هلا والله قربوا
سمعت حس الولد يقول بنقمه : خالو هذا نازعني ذاك اليوم
قفط ويهي الحين تخطيطي كله هذا بي يخربه آخر شي
طنشته ويلست أطلع ويه شمسه الي حسيته احمر
شمسه :أخويه كرتنا طاحت عندكم ممكن تعطينا اياها
طالعتها مبهم ما سمعت الي قالته كنت مشغول اتامل ملامح ويها : ها
شفتها احمرت زود : كرتنا
هزيت راسي : هيه هاي كرتكم الي طاحت على راسي
شمسه : آسفه والله ما كان قصديه
ابتسمت لها عيبني الوضع وبغيت ازيد بالرمسه عسب ترمس : بالحل مب مشكله ، والحين شو تبون الكره يعني
طالعتني بمعنى شو تشوف أنت : هيه أخويه لو سمحت
سلطان :اسمي سلطان ، لو تناديني باسمي أحسن
شفتها فجت عينها وطالعتني
سمعت حس الياهل : نحن نبا الكره
أوووووووووف وياه هذا شو يبا
نزلت لمستواه :وانت شو اسمك
الياهل : بطي
سلطان : وخالتك شو اسمها
بطي : ليش
لاحظت أنها ساكته ما شفت ويها ، ما ادري مصدومه مستانسه مستغربه متصنمه ما أعرف شو سالفتها

حسيت بصوت يدي بوناصر : سلطان من عند الباب
سلطان : امممممم يرانا
شفت يدي ياي بسرعه وطالعني بنظره ما عيبتني مول : قوم أنت مرحبا مرحبا بنتي شحالج
فجيت عيني شو يقول هذا خرف شو قوم أنت ما ابغي اخرب صورتي جدام شمسه ولا جان رديت عليه


شمسه : هلا عمي اسمحلنا طاحت كرتنا في بيتكم وينا ناخذها
بوناصر : البيت بيتج الغاليه ، قربي قربي
رحت بعيد عسب يدي ما يلاحظ رحت صوب سيارتي وفجيت الباب وظهرت قلم
ورحت صوب كرتهم الي طاحت على راسي
وكتبت ايميلي ، ما فاد الرقم بس الايميل اكيد بيفيد بتزيغ ادق على رقمي عسب لا اعرف رقمها ، بس الايميل ممكن تسوي أي ايميل وتضيفني عليه
ابتسمت وأنا اشوف يدي واقف وياها برع ، ابتسمت واستانست على خططي ومخي الي بيطيحها طيحه ؟؟؟؟؟؟
شمسه

قلت في خاطري بخوف أمـــــــــــــايه ، شو هالبلشة الي ابتلشت فيها والله لو تدري أمايه ولا اسوم بتستوي لي مصيبه لا صارت ولا استوت ، بلعت ريجي خلصت من سلطان طلعلي هالشيبه وين اقرب الحين

بوناصر : اقربي داخل فديتج أنتي من غريبه نحن اهل
شمسه : لا عمي مرة ثانيه ان شاء الله
شفت سلطان قرب وفي ايده الكره ناولني اياها :
سلطان : هاي كرتكم
هزيت راسي بمعنى هي وشليتها بسرعه
شمسه : مشكورين ، عن أذنكم
مسكت ايد بطي ومشيت به بسرعه صوب بيتنا أول ما دخلت البيت :اوووووووووف ما بغينا
بطي : خالو ، منو هذيل
صديت صوبه أنا كيف نسيته
شمسه : بطي مب تقول لحد أن الكره طاحت بيت اليران
بطي : ليش خالو
شمسه : ما باهم يضحكون عليه ويقولون ما اعرف اشوت
بطي : زين خالو ما بقول
ابتسمت له براحه يا ربي انا كيف سرت بيتهم ، شو سويت في حياتي أنا
طالعت الكره بابتسامه : يعني ما طحتي الا على راسه حرام عليج عورتيه
شفت بطي يطالعني مستغرب : خالو تكلمين الكره
هههههههههههه ابتسمت على عمريه : لاء
لحظة شو هذا شو مكتوب على الكره ، شفت ايميل ، هذا اكيد ايميله
يعني الي كنت افكر فيه صح الرقم كان لي والحين الايميل بعد لي بس شو يبا مني انا قلت ما بتصل فيه ، بس ما يمنع أني اضيفه واشوف شو يبا ، بس مب جني بصغر في عينه لاء لاء شو اضيفه ما يصير ما بضيفه ولا برمسه كيف فكرت اصلا
طالعت الايميل امممم رحت بسرعه صوب المطبخ وفجيت الماي وغسلت الكره عسب محد يلاحظ الايميل وخاصة أنها كره بطي يعني عادي ابوه ولا امه يشوفون
ودخلت البيت أول شي سويته رحت لغرفتي على طول وفجيت الدفتر الي اكتب فيه خواطري وفتحت الصفحة وكتبت فيها
الايميل وحتى الرقم الي سمعته أمس وكتبت اسم سلطان
اممممممممم ما عرفت ليش بس كتبت في الدفتر للذكرى لا غير
ابتسمت وصكرت الدفتر وأنا ما اعرف كم بقاوم وشو بسوي وبشو بفكر ؟؟؟

[♥} آمـل الـ عٍ ـشآق ♪]

بيت هزاع
فطيم

من ساعه وأنا أسمع صوت التلفون يرن ومحد يشل يا ربي رحت للتلفون وشفت في الكاشف رقم هزاع

رديت
فطيم : ألو
هزاع : هذا بيتي متأكدين ، تحريت داق بيت حد ثاني ، وينكم متوا شو ، وانتي الشيخة نتريا منو ترد علينا ، داقين لمنو بتخبرج
عويت بوزي يا كثر ما يتحرطم
فطيم: نعم شو تبا
هزاع : الليله بسافر كنت بي اسلم عليكم بس ماشي وقت
فطيم : مسرع ما حجزت ، مب مشكله ، هذوه الدرب
هزاع : أكيد أنتي مب مشكله عندج ، داق أبغي اكلم سالم عطيني اياه
فطيم : سالم وين يعرف يتكلم ، كلمتين ويا الله يالله
هزاع : زين حطي التلفون على أذنه عسب أسمه لو حرف ولا نصخه
فطيم : راقد
هزاع :زييييييييييييييييييين خلاص هونت ، المهم تبين شي
فطيم : لاء
سمعت حس أنوثي عنده ، هاي أكيد حرمته اليديده
وسمعته يقول : لاء حبيبي لا تحطين لي هالجاكيت ما ابغيه ، دندون حطي الي تبينه
هزاع : المهم فطيم خلاص أنا بسافر أوكي
فطيم : زين ، درب السلامه
سمعته يقول بصوت واطي : فطيم
تنهدت بنفاذ صبر : نعم
هزاع : سمعتيها شو تقول
فطيم : لاء ، سمعتك أنت
هزاع : ما تبين اقولج شو قالتلي
فطيم : لاء
هزاع : براحتج قلت يمكن حاسه بفضول ، بس
أنتي ممسوحه هالكلمه من قاموسج المهم مع السلامه
فطيم: مع السلامه
صكيت عنه تعالوا نسيت اساله وين بيسافر ومتى بيرد ، والله يرد متى ما يبا اعور راسيه ليش ، رحت لغرفتي عسب اغير ثيابي بروح عند ربيعتي اليوم ؟؟؟؟؟؟

[♥} آمـل الـ عٍ ـشآق ♪]

بيت مبارك
5:30 عصرا
مبارك

يا دافي الصوت غطيني باهدابك
ودي رموشك تظللني وتحميني
اسكن فؤادي وافتح للهوى بابك
اروي خفوقي و تربع في شراييني
شفت حصة تقوم وهي مستانسه
مبارك : زين حصيص مستانسه هالقد بس عسب بوديج بيت ابوج تبين فرقاي شو
حصة : ههههههههه لاء بس جد ، أنت أي مكان ما بتكون فيه وياي ساعه لين ما ترضى توديني
مبارك : زين روحي تلبسي سريع أنا بترياج في السيارة
راحت ورحت أنا للسيارة شغلتها ويلست فيها اتريا ، حصيص ونه قتلها بسرعه بتنقعني ساعه أعرفها حصيص
امممممممممممممممم
سمعت صوت تلفوني يرن شليته وشفت رقم آمنه شو تبا هاي
صكيت التلفون في ويها بس ما وحالي الا وانا اسمع ياني مسج
فجيته
((مبارك أنت وعدتني ، والريال يكون عند كلمته ))
تصدقون أول ما قريت اخر كلمه الريال عند كلمته رن تلفوني كنها مؤقته متى بيوصلني المسج وبوصل اخرته رديت عليها
مبارك : نعم
آمنه : هلا بهالصوت
رفعت حياتي مستغرب : شو
آمنه : هلا بك شحالك
عويت بوزي : زين شحالج أنتي
آمنه : طيبه طاب حالك
مبارك : اطمنتي عليه ، يلا صكري
آمنه : زين قلنا اعتبرني اختك يعني ارمس ما تبا تعرف عني شي
مبارك : لاء صراحة ما ابغي
آمنه : اسميه امنه ،عمريه 24 سنه متخرجه من تخصص موارد بشريه ،
مبارك : ما يهمني
آمنه : زين حنطاويه ، عيوني سود ، وشعريه اسود بعد ، وطويله بس لا تخاف اقصر منك
مبارك : لاء والله
آمنه : بلا هيه والله
ابتسمت بالخفيف : آمنه شو تبين
آمنه : ابغي ارمسك
مبارك : وتراج رمستيني ، يلا صكري حرمتي بتي الحين
آمنه بغيض : تخاف منها
رفعت واحد من حياتي : هيه أخاف منها ، شو يعورج انتي
آمنه : ادري تغايضني ، الي مثلك ما يعرف يخاف
فتحت عيني باستغراب : الي مثلي
آمنه : الي عندهم هالشخصيه الجتاله ، أنت تذكرني تعرف بشو
مبارك : بشو
آمنه : تذكرني بالنخله
فجيت عيني باستنكار : شوووووووووووووووووووو
آمنه : شموخك شراتها مرتفع عن كل شي
مبارك : ههههههههههههههههه
تبون الصراحه عيبتني رمستها مب لانها مب بنت لانها مدح لي ،انتفخت، يعني أنا مطيح البنات جيه ، وهالشي الي صغرها في عيني وشفت أني شي كبير اسوي الي ابغيه فيها بس لمجرد أنها تحبني
آمنه : ان شاء الله دوم هالضحكة
مبارك : سمعي انا بصكر
وصكرت التلفون في ويها ، ما حسيتوا هالاحساس عسب جيه مب مقدرين
احساس ان انسان يموت فيك يعشقك ، يمكن غرور يمكن محبه نفس بزياده ما اعرف شو من احساس ركبني بس شفقت عليها ، احاسيسي كلها تجاه حصة ، حصة الوفيه ، ومب يالس اخونها الحين بس لين ما ابعد آمنه واخليها تشليني من بالها ؟؟
انفج الباب ودشت حصة
ابتسمت لها
حصة :تاخرت عليك
مبارك : وايد
ابتسمت : يلا سرينا
مديت ايدي ومسكت ايدها قربها وبستها
تميت ماسك ايدها وقلت لها بحنان :أحبج حصيص
ابتسمت لي ابتسامه حنونه و حركت السيارة بوديها بيت ابوها ، هالانسانه كيف تعنيلي يا ربي ، ان شاء الله افتك من آمنه باسرع وقت ؟؟؟؟؟

شما

وهان الهوى وذبلت زهوره
أقولها ودمعي هدولي
بنساك يامن شفت جوره
أبعد ولو زالت شجوني


يلست عند تلفون البيت وحطيت حذاله مبايلي ويلست اطالعهم
شما : يلا حد منكم يرن سريع
اووووووووف شو ميلسنه هالقد في البيت يلا متى بيسير ، لحظة مب باجر الصبح دوامه ، يعني ما بيكون موجود
، شو يصبرني لين باجر أنا يا ربي ، شو هالحاله ، اممممممممم
سمعت رنه تلفون البيت ما شفت الرقم رديت على طول
شما : هلا
: مرحبا الساع هلا بالعروس
شما : سم يسمك قول آمين شو تبا داق
خالد : شو ابغي داق ابغي عبدالرحمن ، بس صراحه ما توقعت خلي التلفون يرن متخبله تسمعين صوتي لهدرجه
شما : شووووووووو
خالد : هههههههههههههههههه
لحظة؟؟؟ خلا أكون أوكيه وياه الحين الكره بملعبه ؟؟
شما : خالد أنت في البيت ، اذا في البيت عطني عواش
خالد : لاء مب في البيت ، عند سيارتي ، بطلع الحين دقيلها على مبايلها ، المهم مب متصل اسمع صوتج العذب وين عبدالرحمن
عرفت الي ابغي اعرفه ، الحين خلا يولي
شما : وأنا شو يعرفني ، زووووووول
وصكيت في ويهه ما يهمني خلا يولي المهم اسوي الي ابغيه ، اليوم مافي غير اليوم ، هالحظة
شليت بعمري وشليت شيلتي ونزلت تحت بسرعه ، هيه هاي هي اللحظة الحاسمه
ابتسمت براحه وسرت على طول بيت عمي
شفت مرت عمي وعمي يالسين تحت بما أن بيت عمي غرفه عمي وحرمته تحت لأن ما يروم عمي يصعد على الدري ، فبجيه باخذ راحتي ،أول مرة أعرف الفايده من أن غرفتهم تحت
سلمت عليهم على السريع حتى استغربوا سلامي ، بالعاده ايلس أسولف ، بس ماشي وقت ، ورحت بسرعه غرفه عواش فجيتها بدفاشه : عوااااااااااااااااش
نقزت في مكانها وطالعتني : شميم دقي الباب روعتني
شما :أنتي فاضيه ( قتلها وأنا اشدها من ايدها ) يلا قومي سريع
قامت وياي : بلاج وين
شما : شو وين ، غرفه خالد
وقفت مكانها مرة وحدة : شوووووووووووووو ، شو نسوي غرفته
صديت لها وين ايلس افهم هالغبيه الحين : شو شو نسوي ، ابغي افتش غرفته ادور شي
عواش: شميم شو تبين بخالد انتي
شما : حساب جديم بصفيه
وقفت وقالتلي بخوف : شميم أنا ما يخصني لا ادخليني هذيه غرفه خالد روحي روحج أنا ما يخصني مول
شما :شو من ربيعه أنتي بتخبرج
عواش : شما تعرفين أنا ما استجري افتش غرفه خالد ، أنتي جان وايد قويه هذوه الدرب ، ما يخصنيه
راحت يلست على الشبريه ، وفجأة انرسم الرعب على ويها : اوييييييه ، شميم دخيلج لا تفتشين اذا عرف شو بيسوي بج انتي مب ناقصه ابعدي عن خالد احسن لج ولي انا بعد
فجيت عيني : أنتي شو تخرفين ، ما تعرفين بالمصايب تراج
عواتش : أي مصايب
شما :ايهي ، أنتي سالفتج سالفه ، مب مخلصه أنا وياج شكلي اليوم بروح روحي
شفتها لحقتني ومسكتني : زين شميم لحظة لحظة
صديت لها وانا اربع ايدي : ما بتين وياي شو تبين بعد
عواش : اكيد ما بي بس اتري بشوفلج المكان ،أخاف راشد في غرفته
شما :راشد محد
فجت عينها : بعد مخططه وشايفه مسرح الجريمه
هديتها ورحت غرفه خالد مول مب وقتها الحين شفتها يلست في الصاله الي فوق ادريبها عواش خوافه ما بتدخل تفتش الغرفه مب مشكله
أول ما دخلت شفت على طاولته صوره له ، مالت على هالشيفه ، ما تستاهل هالويه ،
هزيت راسي لو ما اخاف يعرف أني دخلت الغرفه ، بقصها له ، ولا ليش اخاف خلا يعرف تراني بهدده بالي بلاقيه في غرفته
قصيت الصوره وفريتها على الارض ، مب الزباله خلا يشوفها ويستانس بعمره هالخبيث
رحت أول شي صوب مكتبه فجيت الادراج ويلست ادور اووووووف مافي شي كلها اوراق عمل
شو يعني ما بلاقي شي ادينه به شو السالفه ، ييتي يت على الفاضي
رحت صوب الكبت وفتحته وشفت صندوق عود تحت أول ما فجيته شفت عطور واوراق وصور
بس للأسف كانت صور خالد كلها ويا شباب تنهدت بضيج
وشفت كتاب في الصندوق ، بعد مثقف ويقرى
ييت احط الكتاب مرة ثانيه في الصندوق بس طاح منه صور
ابتسمت وانا اشوف صور خالد ويا وحدة والصراحة زادت ابتسامتي لما شفت عشر صور وكل صورة البنت الي فيها تختلف عن الثانيه
في اجنبيات وفي عربيات وفي خليجيات مب مهم المهم حريم شليت الصور بسرعه و رديت الاغراض في الصندوق ودخلت الصندوق
بس أول ما وقفت بطلع شفت خالد واقف وهو مربع ايده ويطالعني وهو معقد حياته ؟؟؟

تنصدمت قولوا تجمدت قولوا مت ، كل هالكلمات انرسمت على ويهي لحظتها ،أخ منج يا عويش زين نوهي ادري انها لو شافته وانا داخل غرفته ، بتموت مكانها من الخوف ، بس بعد مب تموتين على طول يعني تشهدي على الاقل خليني احس ، اعرف ، مب يطب جيه
شفته صكر الباب وقفله وحط المفتاح في مخباه فجيت عيني أطالعه ايييييييييه وين يبا هذا
شما : خالد فج الباب
راح ويلس على الشبريه وطالعني بطرف عينه : لاء صرخي ، ابغي ابويه وامايه تحت يسمعون صريخج ، وأنج في حجرتي
كنت خايفه مصدومه بروده عجيبه تسري بجسمي قلت بصوت اقرب للهمس
شما : خالد لا تيب لك ولي المشاكل بطل الباب
خالد :أنا ابغي ايب المشاكل ابغي يقولون انج كنتي بحجرتي وأنا وياج
شما :شوووووووووووو، تخبلت أنت
خالد : جيه أحسن بيزوجونا اسرع
شما : خالد عن الخبال
خالد : شو يايه ادورين ، عيبوج الصور االي عندج ، لا تخافين ما بشلهم حلال عليج
فجيت عيني يعني شافني
بلعت ريجي ومديت ايدي : دوك ما باهم بس خلني أطلع
خالد : شو دخول الحمام زي خروجه
شما : شو تبا
خالد : ابغي يسمعون صريخج عسب ابويه أي ويشوفج في غرفتي
طالعته باحتقار صدق نذل هذا ولد عم بالله عليكم رحت صوب الباب وأنا اشوفه يبتسم
اول ما مسكت قبضه الباب ، لحظة لو سويت الي يبغيه شو بيقولون واحد من الاثنين يا أن انا وياه على علاقه ، يا إنه مينون وشافني في غرفته وما قدر يتحكم بعمره وحاول يعتدي .. ما قدرت أكمل الفكره حسيت راسي افتر ،
صراحة الاثنين اخس من بعض خلا اتفاهم وياه احسن ، يا ربي أنا معتبره عمري ريال وما ازيغ وما اصيح هذا يبا يخرب عليه كل تخطيطاتي واستيالي وكل شي ، ما بجذب عليكم خفت منه من نظراته ما كانت نظراته عاديه كانت شيطانه كلها تحدي وغرور
قام من الشبريه وراح صوب مكتبته
خالد : يلسي يلسي ،
رحت ويلست على الشبريه وأنا اطالعه بخوف
شفته يبتسم لي بمتعه كنه ياهل ويالس يلعب لعبه ووايد عايبتنه هاللعبه
طلع كيمرا من درجه ، الظاهر في صور في الكيمرا يبغي يراويني اياها بس الي فكرت فيه ما كان في في محله
شل الكيمرا وتم يصور ، طالعته مستغربه ، لحظة شو يالس يصور ، فجيت عيني هذا جنه يالس يصور...... يصورنــــــــــــــــــــــــــــــــــــــــــي
شما :ايييييييييييييييييييييييه ، شو تسوي
خالد : شميم وايد حلوة أنتي في الصور ، طالعيني شوي اشوف
فجيت عيني اطالعه مصدومه بس هو ما كان مصدوم كان يصور يمكن ما حسبت ست ، ولا سبع ولا ثمان صور صورني
خالد : تصدقين عاد أي حد يشوف الصور يعرف أنها في حجرتي وأنج يالسه في حجرتي ، وهالكيمرا الكل يعرف أنها كيمرتي
طالعته أحاول استوعب الموضوع لين الحين مصدومه ومن كثر الصدمه ما عندي رده فعل ، شوفوا النذل يهددني شفتوا جيه يا ناس أنا عن نفسي ما شفت
حسيت بخوف برجفه وطالعته مصدومه وحسيت بدمعه بتنزل من عيني قريب
يا وقف حذالي ما كنت مستوعبه لين الحين الي يالس يصير ، بأنه هددني وأني يالسه في غرفته الحين ، وقافل الباب ومب راضي يفتح يبا ازاعج عسب يشكون فينا ، وصورني في غرفته ، كل هالاشياء كانت تدور في بالي ، لحظة يبا يهددني بالصور عنده الصور ما اقدر انكر أنها صوري واني في غرفته شوفوا النذل
وقفت اطالعه مستغربه
ابتسم وطبع بوسه على خدي فجيت عيني وحسيت أني بموت أو بطيح في مكاني مب لانه باسني والله عادي عندي هالبوسه الا بوسه ، تعرفون ليش بغيت اطيح مكاني لان توقيت الي يتني فيها البوسه نفس التوقيت الي دق فيها على زر الكيمرا ؟؟؟ يعني الصورة الاخيره كانت وهو يبوسني ؟؟؟




يا للأسف شوهت صورة
رسمتها لك في عيوني ~~
كنت النظر ضيه ونوره
غالي وقدرك ما يهوني ~~

[♥} آمـل الـ عٍ ـشآق ♪]

الــــــــــــــــــــــــــــــــجزء التاسع ~~


رسمتك صوره في بالي ولكنها خيال افكار
ابيك تحقق الصوره وتغير كل رسماتي


بيت بوخالد
خالد

حسيت بايدها على صدري وهي تدفني بكل قوتها ، ابتسمت الا ضحكت على ويها المتفاجئ والمصدوم ، الا مرعوب ، والرعبه بتاكله
: ههههههههه في ذمتج شميم شرايج في هالصورة ، امممممم تبين اطرشها اليوم ولا باجر لعبدالرحمن ؟؟
فجت عينها وطالعتني وهي مصدومه أكثر : شميم شوي شوي على عينج بلاج
طالعت للأرض كأنها يالسه تفكر : هههههههههه مب وقت تفكير الحين
رفعت عينها وطالعتني باحتقرار ، صراحه لولا كرامتها جان خرت عند ريلي تترجاني ، ماعلي يا شميم مسوتلج راس ، وطلعتي راعيه علوم ، دواج عنديه
طالعتني باحتقار واضح وهذا الي ولع النار فيني من الغيض، بس بنطوفها لج اليوم، لأنج مصدومه : شو تبا
خالد : ههههههههههههههههههههههههههه ، قبل كنت ابا اخطبج، وكنت اتريا رايج اذا وافقتي اوكي، اذا رفضتي بخبر عبدالرحمن أنج بويه ، بس الحين لاء
طالعتني بفرحه : صدق غيرت رايك
خالد : ههههههههههه لاء ما غيرت راي
ردت نظرتها الحايرة والمصدومه : شو عيل
خالد: الحين ابغي اخطبج ، وبخطبج بس ما اتريى رايج
شما :كيف
خالد : قبل كان في احتمال ترفضين بس الحين ، جان فيج خير ارفضي

[♥} آمـل الـ عٍ ـشآق ♪]

شما

طالعته باحتقار لعبها صح ، الحين ما بجرأ ارفض لأن صوري عنده وبيهددني بهن ، وحتى صوره هو ، لو خذتهن ما بقدر اطلعهن لأنه بيظهر صوري وياه ، ولو ظهرتهم ما أظن بتأثر عليهم وايد ، خاصة وأنه ريال ، اممممممممم وأنا شو يعني الحين مافي مجال الا أوافق
قلت باندفاع : خسي أخذك تفهم
خالد : هههههههههههههههههههههههههههههههههههههه ، ومنو قالج أن بيكون لج راي
نفخت من الغيض الي فيني : يعني ما عندي لين الخميس افكر
خالد : امممممممممم حتى ثانيه ما عندج تفكرين
شما : واذا وافقت بترد بتمسح صوريه ، بعدين تعال شو يضمني ما تنسخهم ترا كيمرتك وممكن تسوي فيها أي شي
خالد : غناتي واذا تزوجنا ، بيكون شي طبيعي عندي صورج
شما :أنت نذل تدري
خالد: أكيد أدري
شما : يعني موافقتي على العرس ما تضمن لي أنك ما بترمس عنيه
خالد: ههههههههههه مستغرب منج أنا شميم كيف ارمس ، بتكونين حرمتي
طالعني بمكر نظراته ابدن ما حركت شي فيني ، حسيته ذبح كل شي ، قبل لما كنت أحبه ذبح فيني كل احساس يحسننني بأنوثتي ، والحين بعد ما نزعت حبه من قلبي واعتبرته ولد عمي بس ياي اليوم ينزع حتى هالصفه ،الحين هالانسان بالنسبالي ولا شي ؟؟ لا ولد عمي ولا الانسان الي حبيته ، ببساطه ولا شي ؟؟؟

خالد : بشو تفكرين ،أدري من داخلج مستانسه بس تعاشين
شما : شوووووووووووو ، مستانسه على شو على خيبتك
خالد: هههههههههههههههههههههههههههههههههههههههههههههههههه ههههههههه
شما باحتقار : شو يضحك الحين
خالد : سلامتج ، هيه صح لا تترين اخطبج الاسبوع الياي
شما : لا دخيلك ميته اترياك تخطبني
خالد : هههههههههههههههه ليش عيونج تقول انج مستانسه

هالانسان بيرفع ضغطي شو فاكر نفسه ، والله مب مستانسه ، والله مب مستانسه يالسه احلف بعد
طالعته باستنكار
خالد : عاد أنا ضمنت الموافقه ، يوم بيدق براسي بخطبج أوكيييييييه
رفعت حياتي مستنكره هالتصرف يعني ان شاء الله انا بتم جيه ، ما اعرف متى بيدق براسه وبيخطبني ، بتم بخوف أنه يخبر عبدالرحمن عنيه ، ليش يا ربي خليت مصيري بيد هالانسان
خالد: شميم أبغي ارقد
رفعت عيني وطالعته باشمئزاز : شو تباني ارقدك
خالد : خخخخخخخخخخخخ هيه من اليوم ورايح ،عدي عمرج حرمتي توقعي اطلب منج أي شي
فجيت عيني مصدومه من وقاحته ، شفته ابتسم لي وقام فصخ كندورته وعلقها على المعلاق
شما : ايييييييييييييييه وين تبا
خالد : ههههههههههههه شفيج تيك ات ايزي ، احيدج ريال
شما : انت شو تبا فيني
خالد : ابغيج بالحلال
قمت من الشبريه متروعه وشفته ضحك بصوت عالي ويا مط الفراش وانسدح وغمض عينه
شفته مصدومه : ايييييييييييه وين المفتاح بطلع
فج عينه وطالعني بنظره حنونه مب لايقه عليه هالنظره موووووول
خالد : شميم المفتاح في الكندوره وأنا جدامج فصختها ، ولا شوفتي صدق تنسيج الدنيا
طنشت تعليقه ما همني رحت لكندورته وأنا أطالعه اخاف أي صوبي هالانسان عادي عنده كل شي
شليت المفتاح وفتحت الباب وطلعت ما انتبهت ، اذا في حد في الصاله الي فوق ولا لاء ، كل الي همني لحظتها اشرد من هالانسان
ولحسن حظي ما كان فيه حد ، لحظة عويش وين
رحت لغرفتها وشفتها منسدحه على الشبريه وفي حظنها اللاب
صراحه فارت فيني البراكين
طالعتني ببتسامه : ها شميم خلصتي شغلج
شما : لاء والله
فجأ ة انجلب ويها : أقولج جان ما لقيتي الي ادورين عليه تعالي باجر ،أخاف خالد أخويه أي الحين
طالعتها باستنكار يعني ما تعرف ، اخبرها ، لاء شو بيكون موقفي جدامها أنا القويه ، البويه أخاااااااااااااااااااف مستحيل
شما : ليش وين سرتي
عويش : رحت اسبح ، شميم دخيلج انسي السالفه الي تبينها مب كل يوم بيفضى لج الجو
ابتسمت باستهزاء : خلاص نسيت

هديتها ورحت بيتنا سمعتها تناديني بس طنشتها ، مب وقتها الحين عويش ، ميته من القهر من هالانسان البلييييييييييييييييييييد ، شفتوا يا ناس ولد عم جيه يهددني بعد ، صدق قوي عين ، ولا على البال يهدد بعين قويه ، تربيه برع تراه ، متبري من اصله ، وبعدين تراه يقول بويه شو يبا فيني ، شو يبا مني
مب فاهمه مول ،أنا ما اقدر اتزوج ريال كيف وأنا ريال ؟
دخلت بيتنا وانا راسي داير باجر نتايج الثنويه وأنا مول مب متفيجه هالانسان خلاني اكره كل شي ،أول ما دخلت البيت شفت ابويه وعبدالرحمن ومبارك وحصة أختي مب وقتهم هذيل بعد
طنشتهم دخلت سلمت على السريع ورحت غرفتي ، لو يلست ما بترحمني حصيص من الاسئلة ، رحت فوق على أمل باجر يكون أفضل من اليوم !!!!!!!!!