ياقلبي ارحمني ولا تعشق الياس
ذبحتني واللي ذبحني عنادي
إنسان انا مثلي مثل باقي الناس
ياخي أبي ارتاح حزة رقادي
أتعبتني ولكل الأشياءمقياس
وانا انسحب مادام فيها تمادي
ياليتني عايش بلاقلب وإحساس
ولا أحـــــس إني كذا شيعادي
تقتلني أوجاعي وانا آقول لاباس
وتخنقني الوحــده وانا في بلادي
تحشرجت في داخل الصدر الأنفاس
وصار الغلا والحب كبوة جوادي
من كثر طيبي صرت في يدينهم كاس
لاصار فاضي ماانحــملبالايادي
بنيت من نفسي لهم مسند وساس
ولا أحد لبى الــندى يوم أنادي
خسرت ياما بس ما انّزل الراس
تبقى المبادي في حـياتي مبادي
عطيت ياما بس لا يمكن انداس
هذا البحر ينهاب لو كان هادي
نفسي عزيزهوالقناعات نبراس
وصدري كتاب ابيض ولا هو رمادي
مؤمن لو إن الضيق والهم وسواس
والتعب وأقدم للحلالاجتهادي
كني جذع واقدار عمري هي الفاس
تضرب على حلمي وتقطع مرادي
المفضلات