ياحب ٍ إجتاح الضلوع وفج قلبي وقسمه

**غيبوبه عشق** · 30-01-2013, 09:19 PM

هذا ثمر قلبي تدلى قبل .. يأتي موسمه
.......مدي يدينك واجمعي فرقاك من عذق العتب

أنا ثملت من الفراق اللي خذا وجهي سمه
.......شوفي ملامح غيبتك تقرا قبل لاتنكتب

في وجهي الشاحب وفي آهات صدري ونسمه
.......في ناظر عيون ٍ هميل الوجد منها ينسكب

يا نور لحظات ٍ غدت من دون وجهك معتمه
.......وينك؟بدا هذا الحنين بجوف صدري يحتطب

ياحب ٍ إجتاح الضلوع وفج قلبي وقسمه:
........نصفين..وأزريت اجمع النصفين وغيابك سبب!

حب ٍ بقى لو واقعه مره بحاليه.. صدمه
........عشق ٍ حيا رغم العطش في روض روحي معتشب

ليت الغلا ذنب ٍ تجناه الخفوق ويندمه
........وليت الصبر جرم ٍ اليا طاولت همي يرتكب!

إلى متى وأنا اهين الوقت وأرجع واحشمه
........وأنا على رجم الوصال اشرف.. وأنادي.. وأرتقب

ياأم العيون الفاترات الناجلات المغرمه
........يا من رموش عيونها تشكي سبب عكش الهدب

يامبسم ٍ له ضحكة ٍ تنطق بشي ٍ تبهمه
........يانبرة ٍ لامن حكت كل المعاني تنقلب

ياللي خذيتيخافقي قبل اعرفك واقدمه
........ياللي غيابك لحن ٍ تغنيبه أعواد القصب

عودي على قلب ٍ طواه الهم والشوق هزمه
........قلب ٍ معك غنايمه ضاعت ولاادري وش كسب؟

أنا انتهيت وشوقي بصدري بدت له همهمه
........جمر انتظاري سَمدت ناره وانا صرت الحطب

حتى ثمر قلبي تدلى قبل ياتي موسمه
........هزي طرف جذعه تساقط لك من عذوقه عتب!

**سولافه** · 31-01-2013, 02:12 AM

مبدعه بكل ماتنتقين
سلمتِ وسلمت اناملك
دمتِ 004 :82:

**هايمه بذكراك** · 31-01-2013, 10:08 AM

صح لسان شاعرها
ابدعتي في اختيارك
الباري يسعدك
تقبلي مروري :82:

**عجآيب** · 31-01-2013, 06:53 PM

طرحتي ف ابدعتي
يعططططيكك العافيه ي عسل :82:

**اتعبني غيابك** · 04-02-2013, 12:14 AM

أسعدني أن أكون من المتواجدين في هذا المتصفح الرائع

ويسعدني أن أكون من ضمن الأقلام المتابعه لطرحك

راقت لي أحرفك و اسلوبك وذائقتك الرائعه

تقبليني دوماً متشوقه لجديدك