Englishtown.com

[زيـــاد]

بسم الله



بداية مشواري (البسيط) بتعلم اللغة الانجليزي بعد ما بحثت وسألت بالانترنت كانت البداية عن طريق المجلس الثقافي البريطاني بحي السفارات بالرياض

رحت حددت المستوى وبدأت بدفع مبلغ 2400 ريال على ما أذكر لمدة شهر

بعد ما انتهى الشهر للأسف ما اشوف نفسي استفدت وانقهرت على المبلغ اللي دفعته

صحيح المدرسين من بريطانيا اصل وفصل

لكن ما استفدت صراحة

بعدها تركت المعهد لقيت اعلان لأبو عمر وانه بيبدأ دورة انجليزية اون لاين بمبلغ وقدرة 200 ريال

دفعت وسجلت وانهيت الدورة

وايضا اشوف نفسي ما استفدت شيء


بعدها جلست فتره وتذكرت موقع انجلش تاون وان عندهم عرض بواحد دولار لمدة شهر كتجربة وانه يمكنك الالغاء اذا ما عجبك

دخلت اعلانهم على اليوتيوب بالعربي

http://www.youtube.com/watch?feature...&v=nAw7Gs6cSGw

صراحه انبهرت من الاعلان واسلوبهم

دخلت موقــعــهــم وقلبت فيه وقريت وقريت

وقريت ايضا بأنهم يحضون بثقة الرواد العالميين مثل


بالنهاية توكلت على الله وسجلت بالموقع ماهي خسارة 1 دولار يعني 3 ريال و75 هلله مقابل تجربة لمدة شهر وبصراحة عرض حسسني انهم واثقين من نفسهم

بس انتبه اذا قررت وتوكلت على الله وسجلت.. وبعد ما يسحبون منك الواحد دولار ادخل اعدادات حسابك بالموقع والغي التجديد التلقائي حتى ما يخصمون قيمة الشهر الثاني 70 دولار


طبعا الدراسة تعليم آلي يعني في أي وقت تدخل وابدأ بالدراسه وتوقف متى ما بغيت وترجع تكمل من اللي وقفت عنده بكل بساطه

وايضا فيه دردشة في غرفة صوتية مع مدرس وطلاب يدردشون كل يوم عن موضوع معين على حسب مستواك وكل اللي معك نفس مستواك تقريبا الهدف منها ممارسة اللغة (( انا ما دخلته الى الان.. التعليم الآلي مكفي وزيادة .. راح ادخله ان شاء الله فقط لممارسة اللغة ))

وانا ادرس وانهيت المرحلة الأولى المكونه من 8 وحدات بكل صراحه بدأت احس فيه تطور عندي وتطور ملحووووظ وطبعا وما باقي على نهاية فترة التجربة الا 4 ايام تقريبا

وتقدر في فترة التجربة تنهي مرحلتين ورا بعض بشرط جلوسك على الموقع بشكل مكثف يعني 3 ساعات يوميا تقريبا

عموما جددت بعد فترة التجربة بـ 70 دولار تقريبا 260 ريال وانا بكاااااااااامل رضاااااي (ما قلت لكم ناس واثقه)

وأنهيت المرحلة الثانية والمكونة أيضا من 8 وحدات وألاحظ الآن المستوى كل ماله في تطور
(لاحظوا .. لحد الآن ما دخلت الفصول الدراسية اللي فيها دردشة صوتية جماعية مع مدرس واللي يكون كل ساعه في درس عن موضوع معين بغرض ممارسة اللغة (كل ساعة على مدى 24 ساعة يوميا طبعا هي اختيارية))

اسلوبهم بالدراسه عجيييييييييييب بدون أي مبالغة

عجيب بشكل ما تتصورون ناس فاهمه وش قاعده تسوي (ادري بتقولون يبالغ)

ودي اقول يمكن ما تحتاج تسافر برا حتى.. لكن اقول بدري على الحكم على الموقع من هالناحية.. لأني ما خلصت الثلاث مراحل الأولى رغم اني متفائل جدا

وهذي الشهادتين اللي اعطونياها بعد ما انهيت المرحلتين (كل مرحلة يعطونك عليها شهادة) اتوقع تقدر تطلبها ويرسلونها لك موثقه بالبريد << مو متأكد من هالنقطة وما فكرت فيها لأن هدفي تعلم اللغة



والله تحسفت على المبالغ اللي دفعتها على المعهد البريطاني وغيره

القهر اني كانت عارف انجلش تاون قبل.. وان عندهم فتره تجربة بواحد دولار.. ما ادري وش خلاني اتجاهل هالنقطة

الحمد لله على كل حال

نصائح

اذا كنت مبتدئ

قبل لا تسجل بالموقع اشتر هذا البرنامج Translate Client بقيمة 100 ريال خاص بقوقل على ما اعتقد (( تقدر تنزل البرنامج كتجربة لعدد محدد من الكلمات وبعد ما تخلص الكلمات ما راح يترجم لك وبيطلب منك تشتريه))

وظيفة البرنامج

بمجرد ما تضلل الكلمة او جملة تظهر لك أيقونه تضغط عليها حتى يترجمها لك عربي وايضا لو بغيت ينطقها لك.. مفيد جدا لترجمة الكلمات حتى يكون فهمك اسرع

بكل بساطه شوف الصور لتوضيح آلية البرنامج





نصيحة أخرى

قبل لا تبدأ اي درس الق نظره على كلمات الوحدة

واكتبها في المفكرة وكررها اكثر من مرة ما راح تآخذ منك 5 دقايق ..

الهدف هو انك تحفظها وايضا تعرف كيف تُكتب لما تُطلب منك وانت تدرس

اتمنى اني افدتكم

لا تنسوني من دعائكم فقط في ظهر الغيب






يا اخوان الكلام منقول وانا بنائ على هذا الموضوع سجلت بالموقع والله انه ممتاز جدا احس استفدت كثير وان شاء الله راح اواصل

[خيالي]

يعطيك العافية زياد

[نواري]

يعطيك العافيه اخووي