حلويات سهلة وبسيطة للضيافة (بالخطوات المصورة) ..,,,,

**مومهم اسمي** · 29-08-2010, 05:23 AM

حلويات سهلة وبسيطة للضيافة (بالخطوات المصورة)
المقادييير:-

باوند كيك الشوكولاته علبة وحدة
علبة بسكوت دايجستف
علبة قشطة
3 او آرو + 3 او جلكسي

الطريقة :-

انحط الجلكسي والآرو في جدر على حمام مائي الين يذوب الاو
وبعدين انظيف القشطة وانحرك الين ما تستوي الخلطة...

نقطع الكيك من النص الى 4 قطع طولية ...

بالقطاعة أو بأي كوب تقطعين الكيكة الىدوائر

اتحطين طبقة كيك وبعدين بسكوت دايجستف ( الحبة كاملة ) وبعدين قطعة
ثانية من الكيك واتغطينهم بخلطة الجلكسي والآروووو...

وبا الهنااااء والعافية

-------------------------------------------------------

المقادير

زي ما انتوا شايفين
باكيت كبير بسكوت الشاي (مطحون ) او باكيتين صغار
علبة حليب مركز
ملعقتين مسحوق الكاكاو
وملعقة كبيرة قرفه

شوكولاتة مالتيزرز (الحمرا بالصوره)
شيرة شوكولاتة هيرشي

الطريقه
سههههههههله وما تحتااااااج
اعجني البسكوت المطحون +الحليب المركز +الكاكاو+القرفه ... مع بعض لحد ما تكون
مثل العجينه ..
خذي قطعة صغيره مره من العجينه واعمليها مثل الكوره .. الى ان تنتهي العجينه وصفينا في ورق صغير مكسر
وبعد كذا اضغطي على كل كوره بإصبعك من الأعلى عشان تكون لك مثل الحفره صغيره .. ضعي فيها نقطة شوكولاته هيرشي ووفوق الهيرشي ضعي حبة من شوكولاتة ملتيزر

وبكذا تكون بهالشكل اللي بالصوره

------------------------------------------------------------

المقادير

/ حليب نستله..
1 /زبده
2/ بسكويت شاهي
نصف علبه جالكسي السائله
الطريقه:

نطحن البسكوت ويكون ناعم..

ونضيف معاه علبه النستله والزبده بعد ما نذوبها وراح تكون مثل العجينه

ناخذ نصف الخلطه (العجينه) ونفردها على القصدير
ويكون فيه شوي زيت علشان ما تلصق الخلطه بالقصدير
وراح تكون عندك بهذا الشكل

نذوب الجالكسي (نحط الجالكسي بقدر فيه مويه ونخليه على النار لما يذوب)
وناخذ شوي من الجالكسي ونحطه فوق الخلطه اللي فردناها

وخليها تكون مثل الشكل هذا

حطيها بصينيه ودخليها للفريزر
بعد ما يجمد الجالكسي طلعيها ولفيها بهذا الشكل

بعد ما تنتهين من لفها دخليها للفريزر
وطلعيها وقت التقديم وشيلي القصدير عنها
وقطعيها قطع متساويه
والنصف الثاني من العجينه سويه بنفس الطريقه
وقدميها بارده مع القهوه
وهذا شكلها النهائي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

المقادير

2 باكيت بسكويت
ثلاثة ارباع علبة حليب مركز نستله كبير
7 حبات جبن كيري

اصبع زبــده

دموع الهيرشي وهذي صورتها

الطريقه
يكسر بسكويت في الطاحونه ويطحن جيدا
ثم يوضع في زبديه

وبعد مانطحنه نضيف عليه اصبع الزبده وتكون سايحه طبعا وشوي مويه نص فنجال قهوه عشان بس يتماسك البسكويت وينعجن

ونفرده بصينيه دائريه اللي تفك طبعا عشان نفكه بسهوله بعدين

وبعدين نكب فوقه من دموع الهيرشي المقدار اللي تبين بس كثري عشان يطلع اطعم طبعا انثريه مجرد نثر
طبعا نسيت اصوره لكم
بعد كذا اخلطي بالكاس الجين الكيري والحليب النستله وصبيه فوق الدموع

ودخليه الفرن من تحت بس الين تغلط الطبقه اللي فوق ( الحليب والجبن ) اذا حسيتيها تماسكت طلعيها من الفرن

وحطيه بالثلاجه يبرد وقبل التقديم صبي عليه شوي هيرشي

و قطعيه بالشكل اللي يعجبك وبالعافيه

**جمالي من حلى روحي** · 29-08-2010, 05:28 AM

يعطيك العافية يارب

**بنت المدينهـ|~** · 29-08-2010, 07:15 PM

كل واحد احلى من الثاني

يعطيك العافيه يارب

دمتِ

**مومهم اسمي** · 29-08-2010, 08:58 PM

المشاركة الأصلية كتبت بواسطة جمالي من حلى روحي

يعطيك العافية يارب

الله يعآفيك يالغلآ

**مومهم اسمي** · 29-08-2010, 09:00 PM

المشاركة الأصلية كتبت بواسطة بـטּـت المديـטּـهہ••}

كل واحد احلى من الثاني

يعطيك العافيه يارب

دمتِ

الله يعآفيك
منوره فديت روحك

شآكره لك مرورك الرآئع

**Ghla** · 29-08-2010, 11:27 PM

يسلموووو ع الوصفات الرائعه

**روح قصيمية** · 30-08-2010, 01:51 AM

اعجبن الثاني مشكوره على التنزيل

**منارالكون** · 30-08-2010, 07:22 AM

يم يم

يعطيك العافية

**اميرهـ بأخلاقي** · 31-08-2010, 11:51 AM

وااااو يسلمو خيتوو على الطرح المميز

يعطيك العافيه ما قصرتي ..

**مومهم اسمي** · 02-10-2010, 08:35 AM

كــم أزداد مــتصفحي نورا بأشراقاتكِ الرائعة
تشــرفت وتشرف متصفحي بجميل حضوركـِ
لكـِ جزيل الشكر والتقدير
لشرف هذا المرور
ولاحرمتـ ضياء حضوركـِ
ودمتـِ بكل خير ،،،