حدوتة النهاردة ......( الصياد الطماع )........😃
كتابة و تأليف : شيماء عبدالعال
كان يا ما كان كان في زمان صياد عايش في بيت صغير قريب من شاطئ البحر ......و كان عايش معاه زوجتة و اولاده .........😃😃😃😃😃😃كل يوم كان الصياد بيصحي بدري و يركب مركبه و يعوم بيها في البحر عشان يصطاد سمك .....و يروح السوق يبيعه و بتمنه بيجيب اكل ليه و لزوجته و اولاده ......🐟🐟🐟🐟🐟
..كان الصياد كل يوم بيصطاد كميه قليله من السمك بالعافية و لما يوصل للشاطئ يلاقي اصحابه الصيادين مصطادين كميات كبيرة من السمك...🐡🐡🐡🐡🐡...اتضايق الصياد و قعد يقول لزوجته اشمعني انا الي بصطاد كمية سمك قليلة دانا يادوب ببيعهم و بتمنهم بجيب اكل بيكفينا بالعافيه .....لكن هما الشبكه بتاعتهم بيطلع فيها سمك كتير هيبيعوه و يبقي معاهم فلوس كتير .......🐠🐠🐠🐠🐠.
ردت زوجه الصياد و قالتلوا ارضي باللي ربنا قاسمهولك و هو دة رزقنا عشان ربنا يبارك فيه و متبصش لغيرك .......😱😱😱😱غضب الصياد من مراته و قالها لا مش هرضي انا لازم افكر في طريقة و اعرف ازاي هما بيطلعوا كميات السمك الكتيرة دي ........قعد الصياد يفكر و مرة واحدة قال جاتلي فكرة انا هقوم بكرة بدري اووووي قبل اصحابي الصيادين و انزل بالمركب بتاعي في البحر و ان شاء الله هصطاد السمك كله ...قبل ما هما يصطادوا ....⛅⛅⛅⛅و مش هسيب لهم و لا سمكة .
و بالفعل صحي الصياد بدري و راح عشان يصطاد مطلعش في شبكته ولا سمكة ......قعد يجرب كذا مرة و برضه الشبكة تطلع فاضية مفيهاش ولا سمكة. ....لحد ما تعب و روح بيته..... رجع لزوجته و ايديه فاضية .........سالته فين الاكل اللي بتجييه من السوق كل يوم قالها و هو حزين انا مصطدتيش ولا سمكة النهاردة .......🐟🐟🐟🐟🐟
. كان عندك حق يا ريتني رضيت بالكمية القليلة اللي كنت بصطادها كل يوم و مطمعتش .....ادي اخرة الطمع .....سامحني يا رب انا خلاص راضي برزقي ........عدي اليوم و الصياد و زوجته و اولاده جعانين مش لاقين اكل ياكلوه .....😓😔😔😔😔.
و تاني يوم صحي الصياد في ميعاده اللي كان بيصحي فيه كل يوم و خرج من بيته و هو بيقول بسم الله توكلت علي الله ....يا رب انا راضي عن رزقي اللي بتديهولي و بحمدك عليه ...... نزل الصياد شبكتة و بعد شوية جيه يطلع الشبكة لاقها تقيلة جدا شدها بالعافية .......لاقي الشبكة مليانة سمك كتيييير اووووي فرح الصياد جدا وقعد يحمد ربه ......😃😃😃😃😃😃
خلوا اولادكم يجابوا علي الاسئله
1_الصياد كان بيصطاد كميه كبيره من السمك (❎▫✔)
2_كان الصياد فرحان وراضي بكميه السمك اللي بيصطادها(❎▫✔)
3_الصياد لما حمد ربنا وشكره علي رزقه السمك اللي بيصطاده كميته قلت (❎▫✔)
4_امتي شبكه الصياد مطلعتش ولا سمكه ?