شاورما دجاج بالزبادي

[بنت القصيم]

شاورما دجاج بالزبادي , طريقة عمل شاورما دجاج بالزبادي

شاورما دجاج بالزبادي , طريقة عمل شاورما دجاج بالزبادي

شاورما تطق لـ شاورمتي اللي قبلها اصبع
الخبز لين و الحشوة لذيذة كذا الواحد ياكل قطن مافيها شي يابس

الخبز
"بالاكواب والملاعق المعيارية"
٣ ك طحين
١/٢ ١ م ك سكر
رشة ملح
١/٢ بيالة زيت
١ م ك خميرة تذوّب في كوب موية دافيه
١ بيضة

العجينه طلعت معاي رخوة شوي فـ زدت لها طحين شوي لين ماتماسكت وكملت عجن بالـ يد مع طحين
نتركها تخمر ١٠ - ١٥ دقيقة

بهالوقت تبلت الدجاج
صحن صدور دجاج مقطع شرايح رفيعه
علبة زبادي
فلفل اسود
عصير ليمونة
شوي كمون مطحون + كزبرة مطحونه
نغطيه وندخله الثلاجه عـ بال مانخلص الخبز

العجينه سوت معاي ١٢ كورة عجينه حجمها متوسط
نفردها رقيــــــــقه مره يعني خلاص تقريبا تصير شفافه من الفرد وحتى الاطراف عشان لا يصير الساندوتش معجنة اطرافه

ندهن الصاج التيفال الحجم الكبير بـ مسحة زيت ونحميها على نار عالية
قبل لا تحطين الخبزة تاكدي انك مسحتي الطحين الزايد منها عشان لا يحرق
حطيها و وطي النار على طول .. اول ماتظهر فقاعات على السطح اقلبيها ما تاخذ وقت ابد
و لو انتفخت الخبزة اضغطيها بالملعقه او افقعي الفقاعه من الهوا

على طول حطيها في حافظة وسكريها زين عشان لا تيبس
و كملي الباقي .. على نار هادية

نحمس بصل شرايح مع ٢ ثوم لين ما يذبل بعدين نضيف الدجاج و نص ماجي نخليه على نار هادية لين ماتنشف مويته
نعدل الملح لو يحتاج .. نخليه يبرد بعدين نضيف ملعقتين كبار طحينه ونقلب زين

ندهن الخبزة بـ مايونيز .. احلى شي هاينز
بعدين شرايح جبن " شريحه الجبن اقسمها ٤ شرايح بالطول واحط ٢ في كل خبزة"
خس مفروم
الدجاج
بطاطس مقلي
مخلل خيار

وبالعافيه

[LεGεиDαяч]

آممم لـ آلآسف آلصور مو طآلعه عندي !
موقع الرفع imagesheck ما ادري وش فيه الفترهـ ذي :9:
عـ العموم يعطيكِ العافيه عـ المجهود 004004004

[بنت القصيم]

الله يعافيك
اشوى انك ماشفتها ولا تسان تروح فيها
الصور روووعة مثل مالطعم اروع

[سولافه]

ياسلام ع الشاورما احبهاااا :29::29::29:
تسلم يدينك ياسكره
ربي يسعدك 004:82:

[بنت القصيم]

الله يعافيك ياسولافة
منورة المضووع بطلتك والله
تحياتي لك

[حنان الجُهني.]

شكلههه عذـآب:43:
مجهود رـآئئع بنوتهه004004
يسسعدكك ربي :41:

[بنت القصيم]

اي والله عذاب
انا اشهد ياهكروك
منورة الموضوع بطلتك

[منارالكون]

يم يم يشهي

تسلمين غلاتي

[بنت القصيم]

الله يسلمك منار الكون
منورة يالغالية
بطلتك وردك
تحياتي لك