يــا وَطَن, يـَـا أمن, يـــا هيَبه, ياْ عالي دورك

**حياتناأبتسامهـ** · 07-08-2011, 04:21 AM

يــا وَطَن, يـَـا أمن, يـــا هيَبه, ياْ عالي دورك

سيّدي جَتْك افئدتنا رَهن للسبّابه
ـــــــــــــــــــــ كلّ قَلب ٍ جَنَّد اِعروقه من اجل اِسرورك
...
و كان في دنياك شفت اِقلوبنا مرتابه!
ـــــــــــــــــــــــــــ حطّها ياسيّدي زاد وعشى لِطيورك

جعل قلب ٍ مايجي طوعك تذوب اعصابه
ــــــــــــــــ و ياعسى خاطِرْك دايم منشرح و اِشعورك

سيّدي يا مَن بهتّان المطر متشابه
ـــــــــــــــــــ و بارق الوسمي ليا من لاح! يشبه نورك

الحيا! شوفَتْك.. والروض الخَضَر و اَعشابه
ـــــــــــ شف اِخزاماك اِلــْ نفَلك اِتسولف اِعِن اِعطورك

و قحويانك ضمّ شيحك و اِنتشى بــ اطيابه
ـــــــــــــــــــــــــ و صار كلّ الوَرد وردك, و الزهو اِزهورك

يا مَدى الفرحه, ياْ شيخ القلب, يا محرابه
ـــــــــــــــــــ يا وَطَن, يـَـا أمن, يا هيَبه, ياْ عالي دورك

يا مبادِل بالمحبّه صادقين احبابه
ــــــــــــــــ و يامجازي بالعَطَب مرخص حِماك و سورك

أنت معنا, بيننا.. في خافق ٍ تقرابه
ــــــــــــ عَن غلا اْيامك, مَدى اِسنينك, و قدر اِشهورك

مثل ما حنّا بقلبك.. و الوفا نلقابه
ـــــــــــــــــــــــ الكتاب اللي رسمنا حُب بين اِسطورك

خِذ يمين و عَهْد لو متنا! نبا نحيابه
ــــــــــــــــــــــــــ ما نساوم بالثلاث امجاد عبر اِعصورك

ديننا, من بعده انتم, و الوَطَن و اِرحابه
ــــــــــــــــــــ شامخه راياتها.. والشعب طوع اِلــْ شَورك

و دمت, و يدوم الوطن يرفُل بحسن اِثيابه
ــــــــــــــــــ في أمان, و في نَعيم, و في رخا بــ اِحضورك