والله إني كنت ألوم اللي يضيق إن غاب خلّه ,,حمد السعيد |~

**мżσση** · 10-06-2011, 05:09 PM

والله انى كنت ألـوم اللى يضيق أن غاب خله
لين جربت المحبه والفراق وقلت تـوبه

لعنبو جد المفارق فيه هم وفيه ذلـه
أثر كل الحب لذه والفراق أكبر عيوبه

امس فارقت الغلا ومفارق الخلان عله
والعلاج الوصل لا تبلش طبيب ولا حكومه

الـزعل هو سبه الفرقا يهـز الحب كله
ليتنى طولت بالى قـبل لا يعلن هـروبه

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه

سامح الله طبعي اللي لاتغير يالعله
قاضبن خلك عزيز لين صارت لي عقوبه

ليش تحسب غلطه الصاحب عن الصاحب مذله
ليش ماتحسب ميانه لو تجى عـشـرين نوبــه

لا وربـى.. كنت أحــبـه حيل مـادورت زلـه
لا تشكك فى غلاه ولا تساعد فى هـروبه

لايـمى قبلك تعبت ألـوم شـعار المـجله
وكنت مؤمن فى مقوله اعذب الشعر الكذوبه

وأثــر كلن فى حياته له تـجارب مستقله
وانت لا تشره علــى مثلـى وتـبـلا لك بحوبه

كان جابتك.. الحميه روح لــه تـكـفـى وقـله
لا يخــلينى واذا وده يخــفـف مــن ذنوبــه

يستخير وله غــلا قلب صـدوق مـايمـلـه
فدوة له كل قلبي من شماله لـى جـنوبه

يوم قفى والخفوق يفوح عقبه فوح دله
وسط وقدة واحد عز الشتاء والسهر دوبه

لا تقهوى بارده من بــرد فـنجاله وزله
ثم قـربها على جـال الجمر وأرهى شبوبه

ويــن يـدله هالخفوق وكــل مايـدله يـتله
طاري اللى يــاكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بـلادى مــع شـعارات العـروبه

كل هاجوس يجيبه جعل شعرى فدوة له
وأعـذابى كــل ماجبت لى الجبله هبوبه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوّف زلتى ياعل تفـداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه

ايه انا اللى كنت ألوم اللى يضيق ان غاب خله
بس جربت المحبه والفراق وقلت توبه

.,
المفارق لـ/ حمد السعيد 004
لـ أرواحكم :rose:

**بنت المدينهـ|~** · 10-06-2011, 05:28 PM

قصيده رااااائعه كروعة تواجدكـ

سلمتِ عالطرح

تحيتي

**мżσση** · 10-06-2011, 05:34 PM

أنرتي متصفحي يَ أستاذه 004 :rose:

**انسان عادي** · 10-06-2011, 08:41 PM

وأثــر كلن فى حياته له تـجارب مستقله
وانت لا تشره علــى مثلـى وتـبـلا لك بحوبه

كان جابتك.. الحميه روح لــه تـكـفـى وقـله
لا يخــلينى واذا وده يخــفـف مــن ذنوبــه

يستخير وله غــلا قلب صـدوق مـايمـلـه
فدوة له كل قلبي من شماله لـى جـنوبه

بجد اجمل قصاائد المبدع حمد السعيد

صح لساانه ولالاهان نااقلهاااا
تقبلي مروري
انسان عادي