(( تهمـة غـلا ))

**سمو المشاعر** · 16-05-2011, 11:21 PM

يَا غايبه : والليل .. وجـه المساكين
عيّـا يزول بَ ضيقتي : و إحتراني !

و أهديت له بيتين .. و الردّ جرحين
جرح الغياب .. وجرح باقي حناني !

و نحرت لك فدي المشاعر : دواوين
و مدري خذاك البووح وإلا خذاني !

في غيبتك : كنّ القصآيد .. مساجين
تهمة غلآ .. بَ أسباب قتل الأماني !

ياما حلمتك وصل .. و ظروفك تبين
وكان الجفى واقع و وصلك نساني !

كان اللقى ضاااايع .. و دمعي عناوين
كان الوعد ساعـات .. وأنتي ثواني !

تايـه ! و أدوّر في يباسك .. بساتين
و أكشف لك دروبي ويخجل مكاني !

قلتي : تحمّل [ غيبتي ] بس .. يوومين
ترى الغيـاب أحيان .. يحمل معاني !

وشلون بَ أصبر و الغياب السكاكين
وشلون أطيع الوقت .. دامه عصاني !

صارت .. ثلاث أيام و شهور و سنين
و أنا على رجوى حضورك .. أعاني !

وشلون أتوب الشوق ؟ و أنتي تغيبين
و أنتي بقايا ذنب .. لـ أنك أغاني !

يَ غايبه .. و الدمع كلّه براااااااااهين
ينبيك عن حآل ٍ : أمرت .. و نهاني !

كنتي سفينـة .. في بحـور المحبيـن
وأنا أتحرّى .. و الخفـوق / المواني !

و أنا على دربـك .. و أظنك تمرّين
حتى .. كسـر قلبـي شموخ المحاني !

وأنا رضيت الصـدّ .. من يوم الأثنين
و مَلِيت غيم الصبـر لين .. ارتواني !

خلّي طريق الوصـل : يبكي من البين
و أنا .. بَ ألبّي صمتـي اللي دعاني !

أنا [ دموعي ] تستحـي ! داخل العين
و حتى الأمانـي .. ترتجي لي أمانـي !

و حتى أحس إنك معي .. لين هَ اللحين
لمست جرحي/ و استرحت بَ مكاني !

و الحمـد للـه .. مابقى نـاس غالين
أنا الوحيـد اللي جحدني .. زمانـي !

خل الوصل .. يرتاح !! من بين قوسين
[ يمكن أدوّر لِ اللقى .. يوووم ثاني ] !
..........................
مما راق لي

**حياتناأبتسامهـ** · 16-05-2011, 11:29 PM

تسلم يدينك
كلمات في قمهـ الروعهـ
و
أختياررائع
بنتظارجديدكـ الرائع

**سولافه** · 17-05-2011, 12:02 AM

ماراق لك راق لي
سلمت اناملك
يعطيك العافيه:jaja20_200609291:

**Ghla** · 17-05-2011, 01:35 AM

ههههههههههههههههههههه جآيهـ وخآيفه شوو سوويت :40:

وربي كلمآت رآئعه وإحسآس آرروع ..؛

آكيد مدآم آسمي فيهآ :29:

ع ـــــــــــوآفي سمو .؛

تقبل مروري ..؛