رايح أكون إنسان .. يفهم مباديك

[نواف]

قبل الغرام وقبل مااصير .. مغليك
أعاهدك مااقول : غير ..( آمر وسمْ )

حتى لو إنك قلت : برحل .. وأخليك
بقول لك : تامر على ماتبي .. تمْ

رايح أكون إنسان .. يفهم مباديك
أشاركك بالضحك .. والحزن .. والهمْ

مهتم بكْ .. وأغلي بعد من .. يخاويك
ومن لايهمك ماني بـ فيه .. مهتمْ

بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ

وإنْ جاك نوم .. رموش عيني .. تغطيك
غمض عيونك وسط عيني وثم .. نمْ

وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!

أبيك تسرقني .. لروعة مراسيك
وأموت بك موتة غريق ٍ .. وسط يمْ

أبيك تدرك يوم انا جيت أماشيك
قصدي تكون أقرب من .. الخال والعمْ

قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ

قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ

وأضيع في شعرك .. ودافي أياديك
وأذوب بالوانك .. وروجك على الفمْ

أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ

::

[الووواافي]

كلمات اكثر من رائعة
صح لسانك ولسان قائلها
والف شكر ع الانتقاء الذوق
تقبل مروري

[~♥Tala]

صح لساانك يابطل بجد كثييييييير راقت لي

يسلمممو يامبدع

[نواف]

الابداع هو اعجابكم بما طرحت يالغوالي

[خيالي]

عن جد وبدون مجاملة
ابيات رائعة جداً
كروعتك يانواف
اجمل تحية لك

[نواف]

الاروع وجودك اخوي
يشرفني ويسعدني مرورك