يآضيقتي ..لآهنتي شوي بنآم.!

[نواف]

يآضيقتي ..لآهنتي شوي بنآم.!

ياعين .. يلي بـ المدامع كريمه

وياصدري الي للتنهات .. مدهال

وش حيلتي .. دامالخساير وخيمه

مالي جدا .. غير البكى .. عند الاطلال

يشتاقلي .. لاغبت عنه ثواني

وكن الثواني في غيابه .. جفى عام

من وين مالدت عيونه .. لقاني

وان مالقاني .. يقضي الليل بوهام

هذي علوم الأمس .. شوق , وتهاني

واليوم فرقى .. نكسّت كل الاعلام

من غاب .. والفرقى تدك المحاني

ولا زالت عيوني على شوفه حيام

أقولها .. والشوق .. جمره كواني

أقولها .. والضيق .. مسْهرني أيام

ياوجد حالي كان طيفه لفاني

وجد العجوز الي لها ( عشرة ) أيتام

من ضيقتي .. كل شي حولي .. بكاني !

ياضيقتي .. لا هنتي شوّي .. بـ نام

وان ضاقت الدنيا .. بوجه [ الأماني ] !

على [ الأمل ] عايش ! .. ولوّ كلها أحلام

[الملكه الهادئه]

هذي علوم الأمس .. شوق , وتهاني

واليوم فرقى .. نكسّت كل الاعلام

صح لسآنك ويسلم منطوقك نوآف

قصيده مميزه وآكثر من رآئعه

لاتحرمنآ جديــدك

[الووواافي]

الف شكر على هذه القصيدة

الاكثر من رائعه

والله يعطيك العافية

تحياتي لك

[نواف]

الله يسلمكم ويحميكم يالغوالي
مروركم هو الدافع لتقديم المزيد