السالفة قصة هوى عيّت تصدقها العقــول

**غالية الاثمان** · 19-04-2011, 12:48 PM

تضيق فيني دنيتي وأسكت وفي نفسي أقول
يا خاطري لا لا تضيق شوف الفضا ما أوسعه

وأنا تعبت وما بقى للوضع بيديني حلـول
بس أتفاءل بالصبر وانثر همومي واجمعـــه

ما عاد به فيني على مشواري الباقي ميول
لكن معي بعض الظنون تمنعني أني أقطعـــه

يا حظي العاثر معك ما فيه للفرحة حصول
ولا الأمل في حضرتك يمكن أعانق مطلعـــه

والسالفة قصة هوى عيّت تصدقها العقــول
حبٍ شبع من قلب بس القلب عيْا يشبعـــه

قال المثل فكّر في المخرج قبل تبدأ الدخــــــول
والحب عيبه له دخول.. لكن مخرج ما مــعه

الحلم مهما انتظرته عارفٍ ما له وصـــــــــول
حتى الفرح ما أعرفه ما غير طاريه أسمعـــه

وإن جيت للفرقا تجي في بالي الذكرى تجول
حتى تذكرني هنا عمري وليلة مصــــرعه

الوقت مدري ليه لا منه أبتسم يمضي عجول
أو ليه يجرحنا ولا مرّة قدرنا نمنعــــــه

عندي كثير الأسئلة ولأجوبه فيها تطــول
ساعات ما لقى لي إجابة كود دمعٍ أدمعــه

إن ضاقت الدنيا علي أجلس مع نفسي أقول
يا خاطري لا لا تضيق شوف الفضا ما أوسعــه

^^
رآآآقت لي ...

**سمو الذات** · 19-04-2011, 01:18 PM

راق لي ماراق لكي سيدتي

اسعدني التواجد هنا ..

لاهنتي غلاوي ..

**بنت المدينهـ|~** · 19-04-2011, 02:17 PM

إن ضاقت الدنيا علي أجلس مع نفسي أقول
يا خاطري لا لا تضيق شوف الفضا ما أوسعــه

ابيات راااائعه

يعطيك العافيه عالطرح

دمتِ

**~~**ولد المدينة**~~** · 19-04-2011, 09:05 PM

والسالفة قصة هوى عيّت تصدقها العقــول
حبٍ شبع من قلب بس القلب عيْا يشبعـــه

قال المثل فكّر في المخرج قبل تبدأ الدخــــــول
والحب عيبه له دخول.. لكن مخرج ما مــعه