سلمت يداك علي الطرح
منتظرين ابداعتك
دمت ودام تألقـك
تحياتــي
الانفصال
فيه حاجة اسمها انفصال
و الى بيعبروا عنه حديثا بتعبير الطلاق العاطفى
و دا حالة وسط بين الزواج و الطلاق
الناس الى عايشين مع بعض مش طايقين بعض
و فى نفس الوقت مش عايزين يطلقوا لاعتبارات كتير منها الاولاد مثلا
الانفصال دا حصل فى عهد سيدنا رسول الله
لما زوجته سودة بنت زمعه كبرت فى السن و خافت ان الرسول صلى الله عليه و سلم يطلقها فوهبت ليلتها لعائشة بحيث تفضل على ذمته بس مفيش بينهم علاقة
و دا وضع انا ساعات انصح بيه لما تكون العملية متأزمة جدا و ما ينفعش الطلاق
بس الانفصال دا بينجح بشروط :
اولا انه يكون باتفاق الطرفين ..يعنى هم الاتنين عايزين كدة
ماينفعش واحد فيهم يفرضه على التانى يا اما يكون ظلم شديد
لما واحد فيهم بيكون كاره شريك حياته و كاره العلاقة فيرفضها
و التانى يعيش فى حرمان و احساس بالظلم و المهانة قاتل بيبقى شىء غير محتمل
المفروض دا يكون باتفاق الطرفين و رغبتهم هم الاتنين
ثانيا : ان يكون فيه حرية التصرف للطرفين
يعنى لو الزوج عايز يتجوز ..هو حر
و ان تمنح الزوجة الحرية كمطلقة بحيث لو قابلت من يطلبها للزواج تتطلق و تتجوزه
الانفصال قد يكون حل وسط بين الزواج المكروه و الطلاق البغيض
ساعات بتكون الفترة دى مهمة للزوجين المحبين الى علاقتهم كانت كويسة
و توترت و تصاعد الخلاف مرة واحدة الى درجة الطلاق
بقولهم خدوا بس هدنة من بعض
اجازة زوجية باتفاقكم
و ياريت تبعدوا فيها عن بعض بعض الوقت
لما المشاعر السلبية من الغضب و الانتقام و الالم بتهدأ
مع الوقت بيبدأ يظهر الحب و الحنين تانى
بس المهم عدم تدخل اطراف تشعلل المشاعر و تهدى النفوس و ما اكثرهم
و ساعات تلاقى الراجل اخذته العزة و كرامته نقحت عليه و طلع يجرى يتجوز علشان يكيد مراته و يذلها و يحسسها انه اتجوز ست ستها و هى فاكرة يعنى انى مش هلاقى احسن منها
المشاعر دى بتخليه يتسرع و يتجوز و ينيل الموضوع اكتر و بعد كدة بيندم
و الست تلاقيها صممت على الطلاق و ركبت دماغها و بعدين بعد كدة تعد تندم و تحس بالحب و الحنين عاد تانى
وحياة اولادكم
لما تلاقوا الدنيا مرة واحدة بقت نار كدة و كانت حياتكم قبلها كويسة و مستقرة جربوا الانفصال و الاجازة
و ماتدخلوش ولاد الحلال الى بيزنوا فى مخكم
و ما تتسرعوش فى الجواز التانى او طلب الطلاق
فيها ايه يعنى لما ننفصل شوية كام شهر و مشاعرنا تهدأ
و بعدين نقرر هنكمل و الا لأ
فيها ايه ؟؟؟
هيجرى ايه ؟
و ربنا ما هيجرى حاجة
د.دعاء راجح
سلمت يداك علي الطرح
منتظرين ابداعتك
دمت ودام تألقـك
تحياتــي
جزيل الشكر لك معطر بالورد
على امل رؤية جديدك القادم
أرق التحايا .
الذين يشاهدون الموضوع الآن: 1 (0 من الأعضاء و 1 زائر)
المفضلات