.. تاريخ الاقامة ..
من 27 الى 30 يونيو 2012
.. سعر الغرفة ..
650 ريال سعودي الليلة لشخصين مع بوفيه الفطور .
( الأطفال مادون 14 سنة مجانا مع سرير اضافي )
.. سبب اختيارنا للفندق ..
الغرف وسيعة و مرتبة قريب من السيتي سنتر أفضل الفنادق المتاحة في تلك الفترة
الفندق 4 نجوم خدماته ممتازة سعره مناسب طاقم الفندق رائعين وخدمتهم سريعة
بالقرب من الفندق : مطاعم سوبرماركت صرآف عملة صيدلية المترو
احد المطاعم بالقرب منه يعمل بها عرب ولديهم فلافل و شاورما وفطائر تضمنون أكل حلال
.. تقييمي للفندق ..
نظيف جداا جد مريح نفسي امان
موظفين الريسبشن خدومين جدا و تعاملهم في منتهى الذوق
ماشفت فيه عيوب .. الا انه مافيه غلاية و شاي وقهوة في الغرفة
و يمكن اللي ما معه سيارة بيحتاج وسيلة نقل للوصول الى السنتر
ولكنه ماتبعد كثير5 دقائق بالسيارة فقط أو أقل .
.. تقييمي للغرف ..
الغرف كلها بنفس الحجم و المساحة كبيرة و النظافة ممتازة .
لا توجد غرف كونكتد ( متجاورة بباب مشترك ) ولكن ويوفرون لك غرف متجاورة .
الانترنت وايرلس مجاني في اللوبي و الكورودور وبعض الغرف يوصل فيه
القنوات العربية أعتقد فيه الجزيرة وMBC لكن ناسية اذا فيه قنوات ثانية
.. مواقف السيارات ..
اليوم ب 15 يورو والساعة ب يورو ونصف
لكن لأجل تأخذ سعر اليوم و تطلع وتدخل من الموقف في أي وقت لابد تحضر لهم كارد الموقف يسجلونه ع الكمبيوتر
و اما الفندق مسموح بالوقوف الى مدة ساعتين و المواقف حول الفندق العامة من 8 مساء الى 10 صباحا مجانا .
الكاميرات:
Canon 50DIPhone
نبتدي في التقرير المصّور واتمنى يعجبكم وتستفيدون من تجربتنا للفندق
بعض الصور الاضاءة فيها ظلام لأني أصورها بأوقات مختلفة لكن ع الحقيقة الاضاءة قوية
اللوبي كبير وفيه عدّة صالات و تطل عليه صالة المطعم من الدور الاول
طيب نكتفي بصور اللوبي ونطلع للغرف
المصاعد في الجهتين و اللي في الأخير هذه آلة تنظيف الأحذية وانتم بكرامة
وهذا الكورودور وفي بدايته في جلسات ماصورته
الغرف كلها نفس الديكور و الحجم الاختلاف ان بعضها ع اليمين و البعض ع اليسار .
وفيه غرف مطلّة ع الشارع و غرف مطلة ع حديقة داخليه مغلقة
أول ماتدخل الغرفة جهة دورة مياه و مقابلها الدولاب و مرايا و طاولة الحقائب .
تعالوا نشوفه
وهذه الجلسة مقابل السرير
الجلسة الجانبية
وهذه صورة من نظام الغرفة الثانية
نرجع للمدخل ونشوف ايش فيه
هالدولاب ع اليسار فيه الميني بار
وعند الطلب يوفرون لك طاولة كوي
دورة المياه وانتم بكرامه .. كبيرة مساحتها عكس الصور
مقسّمة الى 3 اجزاء ( استحمام , مغسلة , و هذا >> )
بوفيه الفطور من الساعة 6 ونصف وحتى الساعة 10 ونصف
وكالعادة نادرا ما أنزل بوفيه الفطور بس نزلت لاجل أصوره لكم.
و كان البوفيه تقريبا انتهى لكن ما اعترضوا على وصولي و بعد
ما رجعت للطاولة جاء مدير المطعم وسألني اذا احتاج شيء ثاني
من البوفيه قبل يقفلونه , و من نفسه جاب لنا خبز ساخن .
البوفيه ب كاميرا الآيفون
الجلسات كثيرة بس كانت هنا جلستنا
وهذه صور البوفيه بالترتيب
المفضلات