معقولة تجي منك لعمر العمير
[ALIGN=CENTER][TABLE1="width:95%;background-color:white;border:2px groove firebrick;"][CELL="filter:;"][ALIGN=center]
-+ +--
الــكــلـمـات
مو معقوله تجي منك وترميني لاي انسان
يلملمني ولا يلقى بعيوني غير دمعاتي
انا ماصدق انك انت تنهيني من الوجدان
وترميني وانا اشوف القبر نادى مسافاتي
وكسرني الشتاء ياوليدي وانت بداخلي دفيان
تحملت الاسى والظيم عشانك يابعد ذاتي
وصحى بي البرد واللاهوب وانت بداخلي غفيان
تحملت السنين وقلت على الله (تلملم شتاتي )
انا امك يااااهيـــــــه .. !امك حملتك والعذاب الوان
ولدتك والالم ( سكين )يركز داخل لهاتي
وانا اثناء الولاده من بكى[صوتـك] طعنت احزان
لاني شفتك بصوتك تنادي كل طموحاتي
ومهدتك فعين وعين يشرب حزنها القران
وهزيتك وكان النور يتهزهز من دعاتي
اضمك في يديني لاتجي وتقول انا بردان
تركت البرد لضلوعي رح انشد رعشة شفاتي
وزولك من ركض فيني لمست بداخلي اوطان
وتركتك تبني بمجدك على كتف انكساراتي
وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي
كبرت وصرت بعيوني [[ شجاعن واشهم الفرسان ]]
وحلفت اني على عرسك لارقص كل شيباتي
اسولف للبشر عنك اقول ولا به اي نقصان
رضع عز الشهامه شب طموحه في معاناتي
وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي
يقولون الولد هو خـان اقول وليدي لالا .. مـاخـان
وهم يدرون ماغطى منامي غير وناتي
افااااااااااا وشلون تتركني يكحلني عمى النسيان
وانت ادري فيوم الحشر جنه تحت خطواتي
لك الله مانطق صوتي لك[ الا بدعوة الغفران ]
ولكن خوفي من حزني ومن دعوات عبراتي
تدين اليوم ياوليدي وباكر للاسف تندان
ويرمونك مثل امك وتذكر [ حلم شيباتي ]
[flash=http://www.lakii.net/images/Aug06/shamal_ma1.swf]WIDTH=400 HEIGHT=350[/flash]
http://www.youtube.com/watch?v=SPexbtrMtM8
[/ALIGN][/CELL][/TABLE1][/ALIGN]
رد مع اقتباس
رد: معقولة تجي منك لعمر العمير
المفضلات