ليالي رمضانيه مع غيمة شتاء ~
السلام عليكم ورحمة الله وبركاته
كل عام وانتم بخير .. بـ مناسبة هلول شهر الخير رمضان
في بعض الاوقات يتمنى الإنسان اشياء كثيرة
اما في شهر رمضان تذهب كل تلك الأمنيات لـ إرضاء الله
ذكريات رمضانيه معي إحساس أمير .. رآح استضيف لكم عضو وراح نعرف اجواءه وطقوسه في رمضان بالإضافه إلى ذكرياته الرمضاانيه ..
نبدأ بالاسئلة ..
1) اولاً حابين نعرف متى بدأتي تصومي بـ أي عمر ؟
أظن لما كنت بصف خامس اصوم بس احيانا افطر
و الاكيد من اول متوسط بدأت اصوم الشهر كامل 004
2) أوصفي لنا يومك الرمضاني ؟
انام الصباح و اصحى الظهر و العصر بالمطبخ مع أمي
و المغرب غالباً أنام :43: < ماأقاوم النوم بذا الوقت
طبعا نصلي العشاء والتراويح و بعدها تكوون جلسه مع أهلي
أو أحد يجينا أو نزور أحد
نرجع البيت وحده تقريباً .. بعدها اسوي السحور
و بعد الفجر ع القرآن و بعدو الجوال وارجع انام 004
3) شهر الخير يرتبط دائماً مع القرآن .. كم جزء تقرأي من القرآن وهل تختمي او لا ..؟
بالبداية قبل رمضان الحمدلله أحدد كم لازم اخلص كل يوم
يكون ببالي اني اختم وامشي على جدول
بحيث اني أزيد و لا انقص عن الجزئية اللي انا محددتها
و اللهم لك الحمد .. السنتين الاخيره أنا صرت آختم بفضل الله 004
4) رمضان من سنه لـ سنه تقريباً الروتين والاجواء تكون متكرر بس لها نهكة خاصه غير .. هل رمضان تغير وروتينه تغير او لا ..؟؟ وايش تغير
من جد روتين رمضان واحد
مايتغير مررره
بس هو الروتين الوحيد اللي أحبه من قلبي
أحب كل لحظة برمضان 004
الشي اللي تغير فيه .. حبايبنا اللي فقدناهم ( يارب ارحمهم واجمعنا بهم في جنات النعيم )
5) اجمل فترة في اليوم الرمضاني ؟
كل لحظة في رمضان جميلة و أحبها
بس ممكن آكثر حاجه تكون وقت السحر و وقت الافطار
لأن كل البيت وقتهها نكون متوضين و ندعي أو نقرأ قرآن 004
6) كيف تقضي نهارك بدون أكل ؟ تواجهي مشاكل مع هالشيء او لا ؟
ههههههههههه لا الحمدلله كله بأجره إن شاءء الله
7) أهم طبخه عندك في رمضان ؟
سمبوسة & عصير
8) كم ساعه تنامي برمضان ؟
تقريبا 5 ساعات او 6
9) ذكرى حصلت لك في رمضان لا تنساها؟
10) أحلى مافي رمضان ؟
روحانيته و أصوات المساجد في صلاة التراويح والقيام
11) ايش هدفك في رمضان القادم ايش ودك تسوي شي جديد ؟
هدفي أن يجعلني ربي من عتقائه من النار أنا واهلي واحبتي 004
الشي الجديد في بالي فكرة واعتذر عن ذكرها ..
12) بـ النسبة لوزنك .. هل يزيد او ينقص لان النظام الغذائي يختلف ؟؟
لا ثابت ماقد لاحظت انو زاد او نقص
13) حينما يعلن أن غداً هو اول ايام رمضان .. من اول شخص تسارع للتهنئه له ؟
أبوي و أمي و من أحب 004
14) هل سبق ان قضيتي رمضان خارج مدينتك او دولتك ؟
لا ما قد جربت :40:
15) تساعدي في الطبخ ؟؟
ع رآسي الطبخ مو بس أساعد :43:
مع أمي حبيبة قلبي 004
16) مشروبك المفضل ع الفطور ؟؟
ليمون ونعناع 004
17) تحبي تأكلي الفطور مره وحده او مرتين مقسمه ؟؟
والله ع حسب بس الغالب مره وحده
18) كم ساعة معدل جلوسك ع النت في رمضان ؟؟
ممم غالبا الصباح قبل النووم
تقريبا ساعتين
19 )عضو ودك يطبخلك فطورك ؟
عجايب 004 < أحس ذوقها بالطبخ مثلي :29:
20 ) ذكريات رمضان معك .. مواقف طريفه مواقف حزينه ؟
موقف طريف ههههههههههه جاء ببالي موقف ماانساهـ
كان قبل رمضان بيوم
يوم 28 رحنا انا وامي نشتري أغراض المطبخ
و دخلنا الدانوب و ابويا راح مشوار
المهم رحنا قسم المنظفات و تسذا
و امي جالسه تختار و انا شفت ولد كان جاي من بعيد يمشي بسرعة
طبعا خبركم بمشيه الاولاد واليدين كيف رايحه جايه ههههههههههههههههههههه
عاد انا اكلم امي و فجآه اسمع صوت طرررربق
و طالعت الا اشوف الولد قايم من الارض و ينفض نفسه
و يكمل مشيته السريعه و هو ماسك يده
وانا اضحك من قلب عليييه من كثر ضحكي ماسكه بالرفوف
وامي تسكتني وانا بس اتخيله واضحك
وخلصنا وخرجنا واحكي ابوي واضحك
وبالبيت كل ماافتكر اضحك
المهم نمت الصباح وصحيت ع العصر
وانا خارجه من الحمام وانتوا بكرامه
وربي كأن شي يسحبني للارض واحاول امسك بالجدار بس وووين
ماقدرت ماحسيت بنفسي الا وانا بالارض طايحه و اتأوه من الطيحه
امي ساعتها كانت تصلي لما سمعت الصوت خلصت صلاة
وهي مييته ضحك علي تقولي تستاهلين هذا ضحكك ع الولد :(
بس والله اني ماقصدت اضحك بس مو بيدي هههههههههههههههههههه
و صدق من عاب ابتلي ..
21) شخص اشتقت لأنه يقضي رمضان معك ؟
جدتي اللي للحين كل فترة اسمع صوتها تناديني :tears:
يارب اجمعني بها في الجنة 004
22) لما تسمع كلمة رمضان ايش يجي في بالك ؟
أبكي والله ..
23) فرد من عائلتك ماتحلى سفرة الفطور الا معه ؟
كلهم والله حبايبي ربي لايحرمني منهم 004
24) كم مرة اندسيتي وافطرتي .. اعترفي ؟
ههههههههههههههههههههههههههه كأنه اليوم وربي
افتكر بخامس كنت اصحى الظهر و البيت هجده واللمبات مقفله
دخلت المطبخ وفتحت الثلاجة لقيت زبادي
و جبت ملعقه واكلت منه لما سمعت صوت الباب انفتح صكيت الثلاجه
الا خالي واقف ع باب المطبخ والملعقه بيدي
قالي يوووه افطرتي و جتني الصيحه قلت لا
وضحك قال والملعقه ليشش هااا .. علميني انا مااقول لـ احد
لما شافني ببكي قالي خلااص اخر مره توعديني
قلت طيب و من بعدها اخمد الظهر عشان ما اتوهق :43:
وللحين يتريق علي بس ما حكى أحد
كل ماجبنا طاري رمضان والصيام يتكلم و يقول ناس يصحون الظهر
وياكلون زبادي باااااارد بالملعقه وهو يتكلم وانا اسوي نفسي مااعرف يتكلم عن ايش :43:
25) في رمضان تزيد نسبة مشاهدتك للتي في او تقل ؟
انا ماأشوف التلفزيون لا برمضان و لا بالايام العادية
بفضل الله 004
26) شي افتقدته في رمضان ؟
أختي و حبيبتي بعد ماتزوجت
ربي يسعدها و يحفظها من كل مكروه 004
27) 4 اعضاء تدعيهم للفطور عندك ؟
صبايا فوضى جمممميعهم دون استثناء 004
28) اهداء تخص فيه المنتدى ؟
29) ليش السفرة في العشرة الاواخر تبدأ تقل وتنقرض طبخات كثيرة ؟
دايم. الحماس بالبدايه يكون
و عادةً ما يكون السبب انو الاكل ماصار احد ياكله
و السبب الاكثر انو الاغراض تكون مخلصه :43:
30) في رمضان تعلو اصوات المساجد بالقرآن .. الاصوات الي تحبي تستمعي لها من القراء ؟
صوت إمام مسجدنا الله يحفظه
و صوت أخوي حبيبي
من أئمة الحرم .. السديس 004 والحمدلله آنو ربي منّ عليّ و صليت خلفه 004
31) في الثلاثين يوم كم مره تفطروا مع الاقارب وتصير تجمعات رمضانيه ؟
ممممم مالها حد والله
لآن كل سنه أبوي يسوي فطور للعيلة
خوالي و عماني و كلنا حريم و رجال ببيتنا
و كمان عمي يسوي كل سنه فطور
و نكون بس احنا اهلي واهل عمي واولاد عمي واهلهم
و كمان صحباتي نتجمع بيوم للفطور لازم
من غير العزايم اللي تجي من الاقارب 004
32) في رمضان تكثر النزلات للاسواق لمقاضي العيد .. متى تبدأي تنزلي او انتي من الاشخاص الي يجهزوا قبل رمضان ؟
انزل يومين بالكثير و بالنهار تكون نزلاتي
مستحيل انزل بالليل
ذي السنه للاسف حاولت اجهز من قبل بس حصلت ظروف
33) تسهر للسحور ولا تنام وتقوم للسحور؟
السحور على رآسي :3:
34) ذكريات الرمضانيه في المنتدى ؟
مممم آكثر حاجه كانت ذكريات المسابقة القرانية
مع سمو المشاعر الله يذكره بالخير
كانت قمه في الرووعة ..
35) لو قالوا لك رسولنا راح يتواجد في بيتكم ويفطر معاكم ؟
:tears: :tears: :tears:
:55: :55: :55: :55: :55:
ي حبيبي يا رسولي :55: :55: :55:
وربي السؤال هذا بعثرني
يارب اجمعنا جميعا مع الرسول يااااااااااااااااااارب يااااكريم
آمنيتي أشوفه لو بالحلم :55:
يارب 004
36) تصلي التراويح في المسجد ؟
أحيانا ايوه وأحيانا لا
37) ليلة العيد ايش تحبي تسوي ؟
اااخ ي ذيك الليلة تعب على كرف على جوع على كل شي
بس أحب أفرّح آمي و آبوي بهدية 004
و بعض صحباتي 004
38) طقوسكم في العيد ؟؟ ايش تسو صباحية العيد ؟
طبعا نصلي العيد و نرجع البيت نجهز سفرة للرجال
يجوا يفطروا عند ابوي
خوالي و عمي و جيراننا
بعدها احنا نتجمع مع خالاتي او ف بيت جدتي نفطر
و احيانا اشوف صحباتي صباح العيد او هما يجوا عندي
طبعا للظهر بعدها خلااص آفصل
39) تحبي الزيارات العائليه في رمضان ؟
آحبها مره بس مآحب آطول لآنها تشغلني عن آشياء آهم ..
40) ارسلي التهنئه لهذولا الاعضاء بطريقتك
خيالي ..
كل سنة و آنت طيب ، ربي يرزقك برمضان هذا العام فرحة تجعلك تسجد شاكرًا لربي 004
هايمه ..
كل سنة. وآنتي طيبة .. ربي يفرج همك و يحقق مناكي يارب 004
عجايب ..
كل سنة ؤ آنتي طيبة .. ربي يفرحك يشفاء آبوكي ويتمم آمورك على خير يارب
شقيه ..
كل سنة ؤ آنتي طيبة .. ربي يحميييكي من كل سوءء و يبعد عنك كل شخص يحاول يضرك 004
اتعبني غيابك ..
كل سنة ؤ آنتي طيبة .. ربي يسعدك و يوفقك بحياتك يارب 004
احساس امير
كل سنة ؤ آنت طيب .. ربي يوفقك بحياتك و يعططططيك لين يرضيك 004
41) ايش راح تقدمي للمنتىدى في رمضان ؟
والله ماآعرف .. لأن وقتي يكون ضيق عادةً
42) تزوري الحرم في رمضان او ماتصير فرصه ؟؟
آزورهـ الحمدلله آكثر من مرره
و السنتين الاخيره أحضر ختم القرآن بمكه بفضل الله 004
43) كلمة اخيرهـ؟
اسأل الله العظيم كما جمعنا في هذا المنتدى
أن يجمعنا في جنةٍ عرضها السماوات والأرض
و أن يجعلنا من عتقائه من النار و يجعلنا من قوام هذا الشهر و صيّامه على الوجه الذي يرضيه عنا
نصيحة لكل عضو وعضوة :
هو شهر واحد .. اغتنمووه بفعل الخير
و سبل الخير لها ألف طريقة
و أجملها ماكان في الخفاءء 004
و حطوا مقولة الشعراوي رحمه الله ببالكم ،
( لا تعبدوه ليعطي بل اعبدوهـ ليرضى ، فإذا رضي أدهشكم بعطائه )
004
#
فخورة بكووني بينكم أعضاءء فوضى :
هذي السنة الرابعة لي بهذا المنتدى ..
اسأل الله ان يجعله شاهدًا لي .. و يغفر لي إذا أخطأت 004
004
بالنهاية اشكر اختي غيمة على حسن تعاملها وذوقها وكلامها الي دايم يحمسني ويحسسني اني سويت شي الله يرضى عليكي اختي
الام نعيماً لا يعرفه الا من جرب الحرمان منه
رد مع اقتباس
المفضلات