تعبت ا عد خطوات الرحيل

**مطعون بسهام الغدر** · 28-10-2010, 01:10 PM

تعبت (آعد..) خطـوات الرحيل وكم وجـه غـاب!

وحيد وما على باب الوحيد إلا وداع أحباب

.....................................وأنا بابي تركته للهبوب .. يودع أحبابي

تعبت آعد خطوات الرحيل وكم وجه ٍ غاب

.....................................ترقبت الكثير وما ظهر واحد على بابي
أكابر للملا ولاحشاي يدور الأسباب
.....................................فقدت أحباب كانوا عزوتي ومناي وأصحابي
يمر أسمي مابين عقولهم صفحة بوسط كتاب
.....................................وهم وجه الكتاب بدنيتي وأغلا من كتابي
صواديف الحياة تعلم الخايف متى يرتاب
.....................................وحنيني للخلايق ماهو الا عذر لغيابي
إلا رفت شوارب من تصدى للهبوب يهاب
.....................................والاهب الهبوب وزاد شره يحسب حسابي
انا البحر الغزيز بصدري المفتوح للغياب
.....................................وأنا راس الجبل بمعانق الطولات لأقرابي
وأنا السيف الشطير بشعري الواضح عليه عتاب
.....................................يفج صدور ناس ماتحس بقسوة عتابي
وأنا كل ماطرى في بال من خذه الزمان وغاب
.....................................مكاني هو مكاني لا رحل وترابي ترابي
تناسيت الوجيه ودورت الأيام قفل الباب
.....................................كأن الوقت حالف مايرد وجيه غيابي
تراودني حلوم إني كبرت وشعر وجهي شاب
.....................................تعبت من السنين ومانشف دمعي على أهدابي
خطاي اكبر كثير من الترجي من ثنين أحباب
.....................................خطاهم شاب من كثر الوجع لوكان متصابي
انا خلي حنون وضحكته مابين ناب وناب
.....................................تخايل للخلايق بأنه أكثر من عرف مابي
يداريني عن وفا بين الليالي فص ملح وذاب
.....................................يخاف من البكا وأهون عليه يعيش متغابي
وش أرجي والزمن كل ماخذا مايوم مره جاب
.....................................قسى قلبي وطالت غربتي وإحترقت أعصابي
وحيد إيه والله إن مثلي وحيد وماوراه أحباب
.....................................عسى الله يجزي سنين الوصال ويرحم أحبابي

اتمنى ان ينآل اعجــآبكمِ ||~

**نوف الجهني** · 28-10-2010, 08:58 PM

أكابر للملا ولاحشاي يدور الأسباب
.............فقدت أحباب كانوا عزوتي ومناي وأصحابي

ألمتنى بحق

سلمت وطبت على الطرح
ودي لروحك

**~~**00.00.01**~~** · 29-10-2010, 01:08 AM

روووعه

سلمت يدآآك ,,

**♥қL ₥ấḟểήể ŷ7ḃҝ ♥** · 29-10-2010, 01:49 AM

سلمت يمنآكـ على مآحملتهـ لنآ

موضوع عآلي بذوقهـ ,, رفيع بشآنهـ

كلمآتـ كآنت ,, وسوف تزآل بآلقلبـ ,,

يــ ع ـطيكـ الــ ع ـآآفيهـ على مآطرحتي لنآآ يـآآلــ غ ـلآآآ ,,

ولاتحرمينامن جديدكـ ,,,, لآعدمت ,,, ولآهنت