الصدر ضايق .. والجفن .. سد عالي
يحبس وراه اسرار .. واحزان .. و ادموع
أجلس مع اخواني .. و كنَي لحالي
أتصنًع البسمات .. و القلب موجوع
وانا كذا..!! من سبعة أيام حالي
من بعد ذاك اللي هجرته من اسبوع
له اربع اسنينٍ و هو رآس مالي
ويمشي معي دايم على السمع.. و الطوع
يا كان يعشقني و يعشق ظلالي
وياهو في موق العين و القلب مطبوع
أذكر.. مواقف بيننا .. في خيالي !!
ثم آتبسًم.. و أكتم الدمع.. و اللوع
مــاًـيــت.. من تمثيل.. دور المثالي
اللي يشوف الشوق.. و الحب.. ممنوع
يااااا خوي انا ما نيب .. رجًال آلــي
هيكل من الفولاذ و الصلب مصنوع!
صحيح اكابر.. لو الاحزان فالي
و أتظاهر الشًبعه.. وانا ميتٍ جوع
لكن .. اذا حنٍيت لانسان غالي
طبعآ ..... بحس بحالة الضيق و الروع
تبغى الحقيقة عاد ؟؟.. ما كنت ابالي
كنت احسب انه يشبه الغير فالنوع
ويوم ان فقدته قلت .. شــ للي جرا لي ؟؟
و قام الخفوق إيونَ و ابصوت مسموع
و شفت الليالي غيـــر .. ذيك الليالي ..
شفت المجرًة .. لكن البدر .. منزوع!!
أحيان .. أعزز في لقاه إحتمالي..
و أحيان .... احس ان الامل صار مقطوع ..
لآمسست آحســآسي ..:119:
المفضلات