...*..^.. (:" سـوال يف رم ضانـي ه ":) .. ^ .. * ...

[ملاك الروح]

بسم الله الرحمن الرحيم السلام عليكم ورحمة الله وبركاته .. كل عام و أنتم بألف خير و مبارك عليكم الشهر .. و فقنا الله و أياكم لصيامه وقيامه و بلغنا الله أياه في الأعوام القادمه بصحه و عافيه إن شاء الله .. في هالموضوع راح نتكلم بلهجه عاميه و نكسر حواجز اللغه العربيه .. و نخليه مجلس سوالف عام للجميع .. كل واحد في قلبه شي يقوله و يناقشنا فيه بكل أريحيه .. مجلسنا بسيط و ممتع و ما راح يضياقكم إن شاء الله .. بالعكس راح يكون مجلس عامر بوجودكم و بمشاركاتكم وبسوالفكم الطيبه .. ما نبي نكون مربوطين بموضوع معين .. كل واحد يدخل مجلسنا يسولف معانا براحته .. هالسوالف ذي خليناها رمضانيه كنوع من التجديد في القسم و عشان نحاول نخلي سوالفنا منطقيه وفي نفس الوقت نتائجها تكون فوائد رمضانيه ..


عاد أنا اليوم في بالي سالفه ودي أسولف فيها معاكم .. و ياريتكم تسمعونها مني و تشاركوني فيها .. السالفه يا طويلين العمر تتعلق بهالشهر الفضيل ألي أهو شهر رمضان المبارك .. يعني بصراحه ما أدري شلون .. كل ما جالها الدنيا تتغير .. و للأسف أنه في نظري جالس يتغير إلى الأسوء .. يعني على أيام قبل إذا هل هلال رمضان تشوف الناس مبسوطه و هذا يبارك لهذا و هذا يزور هذا و الروحانيه و المشاعر الحلوه منتشره في كل مكان . تروح المجالس تلاقيها عامره بالناس , تروح تتمشى في الفريج تلاقي ألي الشياب متلايمين في زاويه و الجهال يلعبون في الزاويه الثانيه و الدنيا وناسه .. أما ألحين للأسف يعني .. ما عادة الدنيا مثل أول .. وش ألي تغير يا ناس وش ألي أختلف .. هالسالفه ذي من جد يبي لها حل ..

[منكم وفيكم]

[align=center]صحيح ياملاك قلتيها يعني بصراحه يعطيك العافيه بالعكس حلوه الفكره

وبالخصوص في هذا الشهر نتكلم مع بعضنا الدنيا ماتتغير إلا بتغير مافيها

الإنسان عنده قدرة على تغيرها لكن ماذا نقول


ننتضر كلامكم معنا[/align]

[мżσση]

يعطيك الف عافيه غناتي
فوكييره حلوووه
بس اتوقع انها مكرره
http://s10s1.com/vb/showthread.php?t=18967

[خيالي]

اول القلوب بيضاء نظيفة مو مثل الان
والتلفزيونات والانترنت لها دور
اول وش عندهم
صوم واكل ونوم ولاهموم ولامشاكل
الان كل بيت مليان مشاكل وظروف

[ملاك الروح]

يا هلا و يامرحبا فيكم .. شرفتوا مجلسنا و حليتوا سوالفنا ..
ينعاد علينا و عليكم بالخير و العافيه و الصحه و السلامه يارب
بصراحه كلامكم صحيح .. الدنيا ما تغيرت الناس أهم ألي تغيروا ..
النفوس صارت غير و كل واحد لاهي بنفسه و ما عليهمن غيره ..
يعني ما شاء الله على عيال قبل ألي كانوا من يهل هلال رمضان
تلاقيهم يدورون مجالس الذكر و تلاقيهم في أماكنالعباده و فوق هذا
ألي متزوج تلاقيه كل ليله يمر عند أهله هذا إذا كان طالع وساكن برى ..
يازينهم والله و ياحلات جمعتهم ..ليمن أذن المغرب و جاء وقت الفطور ..
تلاقي العيال ألتفوا حوالين أهلاليهم و جلسوا يفطرون لدرجة أن تحس
اللقمه فيها بركه .. وقبل هذا تلاقي العصر لين قرب وقت الفطور ..
تشوف ألي عندها عيال تطرش أعيالها و ألي ما عندها تلاقيها حامله
قفتها على راسها و رايحه توزع على الجيران و الأحباب من
هالخيرات ألي أنطبخت .. هريس وله لقيمات وله عصيد وله غيره و غيره
..لكن وين هالأشياء .. للأسف كل ما جالها تغيرت العادات الحلوه و الأساليب
الطيبه .. و الله أذكر لما كنت صغير نتجمع في البيت و تلاقينا كل واحد
مع الثاني من أخوانه وله خواته .. فرحه و وناسه و هذا الكلام مو بعيد يعني
أنا ما أتكلم على زمنأجدادنا وله أبائنا .. أتكلم علي زمن 15 سنه قبل ..
عز الله انها كانت أيام حلوه