آهلك من تحدوك

**غزل** · 15-08-2010, 10:15 PM

السلام عليكم ورحمة الله وبركاته

هاذي القصيدة كتبها واحد كان يحب بنت عمه
بعدين جاه خبر إنها بتتزوج!!
وضاقت عليه الدنيا،،
وكتب فيها هالقصيدة

يانار في قلبي تزايد حطبكِ
...............ومن القهر ياقلب بالنار شبوك
ضلوع صدري ذايبه من لهبكِ
............... اكبر قهر قهر الرياجيل يااخوك
شبيت والنار اعلقت من خطبكِ
...............ومن الذي غيري تجرى يخطبوك
انا لك انتِ من هو اللي نهبكِ
...............ضيع حياتي ليتهم لي يخلوك
العين مانامت على طول تبكي
...............والحزن خيم داخلي شبك مشبوك
ان مت انا تراه صار بسببكِ
...............روحي وقولي وضح العلم لأبوك
قولي ماريده لو بيدنه ضربك ِ
...............قولي سوالفنا لو هم يطقوك
من صغرنا ما فيه غيري صحبكِ
...............هاذي حقيقه مثبته عندي بصكوك
احكي عن آدابي ويوضح أدبكِ
...............اشرح لهم لا تذبح اللي يحبوك
خلك قوي وشد حبل سحبك
...............عطهم قوي الهرج يمكن يفكوك
حاول تجاريهم وإذا انه غصبكِ
...............قولي ابي من صورته داخل البوك
ياما غرست الحب واللي غرسكِ
...............صابه سهم حبك ولا هو بمفكوك
لين أدمن قليبي لي الله وهبكِ
...............أدمنت في حبك وخوفي يبيعوك
حبي كما فستان جاك ولبسكِ
............... راكب عليك وكلهم فيه شافوك
ادري بحبك لي وحبي طربكِ
...............مااظن مع غيري تبيهم يزفوك
ليت الزمن يرجع ويفتك شبكِ
...............وافرح معك لمن رجع قد تناسوك
جسمي نحل وانتِ الحزن قد شربكِ
...............لا واخساره كيف للأنذل يهدوك
الغيم حس بضيقتكِ وبغضبكِ
............... وامطر بكي بأسباب ناس يذلوك
يارب حقق مابقى من املكِ
...............ادعي عسى الله لي حبيبي يردوك
ان كان ربي مااستجاب لطلبكِ
...............مكتوب لك امشي ولو دربك الشوك
ماهو بكره لا نصيبك لسبكِ
...............ارضي بقسمة ربنا للذي جوك
عندي وصيه كان جاك وجلبكِ
...............ولفو عليك وقال الكل مبروك
ردي عليهم لا تضاحك عربكِ
................قولي مااحبه لو بالأكفان لفوك
موتي شرف مابغى السبب من تعبكِ
...................ابيك تقهر من للأنذال ودوك
لمت تطفي النار وارمد حطبكِ
...............واكتب على قبرك هلك من تحدوك

وهنا صوت للمنشد عمر الخنيني

http://file7.9q9q.net/Download/52654424/----.mp3.html

صحيح إني حزنت علشان البنت وولد عمها بس ما كسر خاطري صدق إلا زوج البنت،،

قولوا لي رايكم فيها ..