سلامٌ من الله عليكم ورحمةٌ منه وبركاته ..
وضعت لكم بين ثنايا صفحتي قصيدة راقت لي ..
وهي لامراءه لااعرف اسمها
كل المنى أن تنال إعجابكم ..
/
/
/
يابووي جعلك للبقا والمكـااسـيب..
عمري بدوونكـ يالذرا وش ابي به .!!
يابوي تسأل عـن شفـاك المراقيـب
طلعـة سواتـك للنّوايـف غريـبـه
ليه المرض مايعرف الزّين والعيـب؟
مايـدري انـك للمخاليـق هيبـه !!
ابسألك وش بك غزا وجهك " الشيب "
والقـلب لا يع والنواظـر شحيبـه
وش بك تحاتي لا نوى الموت تغريب ..
تخشى علينا الليالي [الكئيبـــه] ..
خذ دلتك .. واركي علي مسند الجيب ..
وعطني [شماغك] بلثمه واحتمى به
ونروح لارض بها العشب والطيب !
وتـسمع كـلام [يالغلا] تحـتـفى فيه
يابــوى بنتك لا نحكي بالتــجاريب
كـلً يشـق لهـيبة الصـيت جيبه ..!!
يابوي ماني من سـوات المخاريـب
اللّـي تجيـب لعليَـة القـوم خيبـه
وماني من اللّي لامشت حفّها الرّيـب
أنـا مـن اللّـي مايدنّـس حليـبـه
مرفوع شاني عـن غـرام المكاتيـب
وأكبر من انّنـي أرتضـي بالحبيبـه
أنـا غرامـي لاابتـدوا بالتّراحـيـب
نفوس الأوادم فـي وجـودي رحيبـه
وان كان [زينـــي] فتنة للمصاويب
احـط وجهــي بالحريق ولهـيـبه
زيني ابيعـه واشـترى سمعة الطـيب
اســم ينومس بالصـروح الذهــيبه
وان كان عندي ( بالحلا) شي ٍ اصعيب
عنـدي جـدود ٍ مارضـت بالغليبـه
دموع القبايـل فـي لقانـا مساكيـب
كـن المقابـر لاحضـرنـا قريـبـه
خضّبت لك كفّي من العـز تخضيـب
ورفعـت راسـي للنّجـوم الصّعيبـه
والله لأسـدّك بالفعـول المصالـيـب
والله لأشيلـك بالرخـا والمصيـبـه
طلع المعالـي ماانحكـم للشّواريـب
بنت ٍ وأناطح فـارس القـوم طيبـه
ويااشيــخي ابشـر لو تدور الدواليب
بنــتك لمن عوى الذيب [ذيبه] ..!!


ممار راق لي~