القلوب البيضْ تبقى مثل ماهيِ !

[عجآيب]

يوم هبّ الوقت وأعماني عجاجه
الفرج عيّا .. وأنا بالصبر راهي

ويوم مال وطال ميله وأعوجاجه
رحت أدوّر شي ٍ يشد إنتباهي

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياه ياضيقات صدري وإبتهاجه
تذكر آخر مرة ٍ شفتك ..متى هي !!

صاحبك من يومها زاد إحتياجه
وأمتطى ظهر المصايب والدواهي

سولف الليله على قلبي و ناجه
من بقى لي غيرك أفخر به وأباهي

يابعد من كدّر غيابي مزاجه
ويابعد من مرّت حروفه شفاهي

رغم حيرة قلبك ورغم إنزعاجه
الزمن .. ماغيّر احساسه تجاهي

ورغم وحشة بعدك وقسوة سياجه
كل حاجه فيك ظلّت مثل ماهي

الخجل في وجهك أول منتواجه
والبراءه في عيونك وأنت ساهي

وبسمتك لامن بغيت تقول حاجه
وغيرتك لاشفت كنّي عنك لاهي

قبل أشوفك .. والزمن عاقد حجاجه
أسأله : وش فيك ؟! وألقى العذر واهي

ويوم شفتك قلت للوقت وعجاجه :
هيه ياللي في طعونك كنت راهي

أنت لو غيّرت فينا ألف حاجه
القلوب البيض تبقى مثل ماهي

لِ مرهف الإحساس فهد المساعد :82:

‎

[هايمه بذكراك]

آنتقاء رائع ومميز عجايب
صح لسان شاعرها
متصفح جميل مبدعتنا
الباري يسعدكك
تقبلي مروري004:82:

[منارالكون]

ذكرني بشطر من بيت شعر في المدح
يقول :
وكفّه أبيض ...ولكن قلبه أبيض منهـ .
لطش مباح يستحق الشكر
لك شكرا على الاختيار وبذوق والعرض وبذوق
ولك ايضا تحياتي وسلامي

[عجآيب]

شكرا لمروركم ي حبيلكم :82: ،، ‎

[غيبوبه عشق]

كلمَآت رآئعَه ب حَق
كَ عطْر الكآدِي حرفُك ثملْ ولا يُمل

بلْ كَ بلسَم الشفَآء لِ أقْلآم أعيتُهآ تدوينَة الشَفق الحزِين

وتمتَمآت مِن الحُب العتِيق
لا شُلت كفوفُك ي فَآضلْ
الأرجَوآن لقلبَك..

[عجآيب]

نورتي :82: ،،
‎

[اتعبني غيابك]

ويوم شفتك قلت للوقت وعجاجه :
هيه ياللي في طعونك كنت راهي


أنت لو غيّرت فينا ألف حاجه
القلوب البيض تبقى مثل ماهي


ماشاء الله ع طرحك وكلمآآت ابداعك ي مبدعه
ربي يعطيك العافية
ولـآ تحرمينآآ من آبدآآئعك